Pr 15:28 - Chuj San Sebastian Bible

²⁸ A mach tojl snab'en, tzna wal si'mb'il tas tzyutj ta'wc sb'a; ax junc tu snab'en, caw matz na sb'a yaln jun tzo'n̈ tu paxti'.

Chuj San Mateo Bible

²⁸ A eb' tojol spensar, scham val snaan eb' tas syutej spacan junoc lolonel. Axo pax eb' chuc spensar jun, ton̈ej scomon alej chucal lolonel eb'.

Pr 15:28 Referans Kwoze

A Sb'ab'el Carta San Pedro 3:15

Ca'c 'och wal Cristo Cajliloc. Qui nac si'mb'il, chajtlto caw niwn yel'chi. Lista cab' tzcutjec qui b'a caln 'a machtc eb' tzc'anb'n 'ayn̈ec, tas yuj tzca'c 'och Cristo yipc qui c'ojol. Wach' cab' tzcutjec caln 'a eb'. 'Emmquilal tzcutjec caln 'a eb'.

Pr 29:11

A mach may snab'en, a yic 'ay cot yowal, tojln̈ej sb'on 'icha tas nab'il yu'uj, palta a mach 'ay snab'en, tztac' syamn 'och wan sb'a yet' yowl sc'ojl cha.

Ec 5:2

Tzcham wal qui nanec b'ab'el, 'ixta to b'i'an, tzqui ta'wniec junc tas 'a Dios, yujto at 'a satchan̈ 'ayq'ui, an̈ec xo tic, sat lum 'aj 'ayn̈ec 'eq'ui. Yuj cha, tzqui naln̈ejec tas tzcala.

Pr 15:2

A yic tzpaxtin eb' 'ay snab'en, caw tzchaj eb' 'anma yab' sjelnal eb' cha; a pax yic tzpaxtin eb' may snab'en, cojn tas may yel'ch tzlaj yal eb'.

Mt 12:34

Ax tic, caw 'ixtm 'anma 'ex, lajn ex 'icha no chan. Yuj cha, ¿tom 'ay jac tas wach' tz'el eyalni? Yujto an̈j tas 'ay 'a e nab'en, an̈j chi tzeyala.

Ec 5:6

Man̈ ca'c 'och qui mul qui comn ta'wniec junc tas, ax tz'aji, a yic tzwul schanoc junc mach to 'aych 'a yib'n̈ schani, tzcalnec to satc'ojlal cajec yic xqui ta'wniec cani. Man̈ qui tzuntzquec cot yowl sc'ojl Dios yet' tas tzcalec, yujto 'ay smay satn 'el tas tzlaj qui b'o'ec.

Pr 29:20

A junc may snab'en, wach' to yic 'a yib'n̈ junc amancotn spaxtini.

Pr 16:23

A eb' jelan, tzna eb' tas tzyutj paxtinc sb'a eb', yuj cha, 'ay eb' tzmontchj yuj spaxti eb' cha.

Pr 13:16

Toto 'ay qui nab'enec, tzcham wal quilnec tas tzqui b'o'o, ax toto tu qui nab'enec, a tas tzqui b'o'ec, a tzch'oxn 'el qui man̈ nab'enalec cha.

Pr 10:19

A eb' niwn tas tzyala, tz'och smul eb' 'a scal spaxti cha; ax eb' jab' wal tas tzyala, caw 'ay snab'en eb'.

A Schab'il Carta San Pedro 2:18

Ton̈j tzyij chan̈ sb'a eb' yaln jun tzo'n̈ tas may yel'chi. Yujto tzyal eb' 'ixtic: Tztac' qui b'onn̈ej maysch'olnil, tztac' qui b'onec tas tzqui nib'j 'och yet' qui niwnal tic, xchi cob' eb'. 'Ixta tzyutj eb' ya'n sc'ojloc jun tzo'n̈ eb' wan scolchj 'el 'a scal maysch'olnil.

Pr 10:32

A eb' wach' snab'en, an̈j wach' paxti tzyal eb'; ax eb' maysch'olnil snab'en, cojn tu paxti tzyal eb'.