Pr 15:27 - Chuj San Sebastian Bible

²⁷ A mach til wal tas tznib'j 'ochi, caw tzjuw 'el yol yatut yu'uj; ax toto matz chaj q'uen c'ultac tumin, 'oj najtxb'oc sq'uinal.

Chuj San Mateo Bible

²⁷ A eb' man̈ jantacoc tas snib'ej, man̈ jantacoc tas syic'cot eb' d'a yib'an̈ eb' cajan yed' d'a yol spat. Axo eb' max chaan q'uen tumin yic smontaji, snajatb'i sq'uinal eb'.

Pr 15:27 Referans Kwoze

Pr 1:19

A eb' 'elc'um, 'ay jun c'ual 'oj cham eb'; 'ixta 'oj 'aj pax scham eb' tznib'j 'och sb'a ricoal yuj tas maysch'olnil tzb'o'o.

Ex 23:8

Man̈ e cha q'uen c'ultac tumin yic tze b'onyaj junc owal. Yuj q'uen tumn cha, 'icha to may snab'en jun tzb'onyaj junc owl cha, ax 'a yib'n̈ jun may smul cha, ata tzya'cn 'ochi.

Jeremías 17:11

A eb' tz'och ricoal yuj 'ixtj 'anma'il, lajn eb' 'icha junc no ch'ic tzman̈n 'elt no n̈olb' to man̈ yico'oc. Caw wal yol ste'nal eb' 'ay, ax yactn can eb' sricoal cha. Ax 'a slajub', ata 'oj checljoc 'eli, to may xon snab'en eb'.

Pr 11:29

A eb' tu tzyutj sb'a 'a smam snun, mto 'a eb' yu'tac, man̈x 'a tas 'oj can 'a eb'. A eb' may snab'en, 'oj 'och eb' schecb'oc eb' jeln snab'en.

Dt 16:19

Man̈ ya'ch sb'a eb' 'a man̈ nab'enal, man̈ chucchcoc cab' yilx eb' 'anma 'a sat eb'. Matz chaj eb' q'uen c'ultac tumn 'a junc mach, yujto a jun tumn chi tzjun 'el snab'en eb' 'ay snab'en cha, a pax q'uen tumn chi tzjeln 'el spaxti eb' 'anma tojl snab'en.

Ex 18:21

A jun tas 'oj a b'o ach tic, sic' 'elt jaywn̈oc eb' winc to 'ay xiwc'ojlal 'a Dios 'a scal eb' et israelal tic, eb' caw tojl snab'en, eb' man̈ comnoc tztecl tumn 'a eb' 'anma', tza'n 'och yopiso eb' yiln eb' 'anma tic. 'Ay eb' tza'ch yajlil 'a junc mil 'anma', 'ay pax eb' tza'ch yajlil 'a junc ciente, 'ay pax eb' 'a junc cincuenta, 'ay pax eb' cojn junc lajn̈wan̈ 'aj tza'ch yajlil,

Pr 29:4

A junc yajl wach' tzyutj sb'eyc'ojlwi, caw wach' yaj schon̈b' cha; palta a junc yajl cojn c'anj 'el tumn tzb'o'o, caw wal tzlajw 'ejm jun chon̈b' chi yu'uj.

Pr 28:16

A junc yajl tz'ixtn eb' yit 'anma'il, may snab'en; ax pax junc yajl matz nib'n 'och c'ultac tumin, a jun cha, 'oj najtxb'oc sq'uinal.

Pr 20:21

A ricoal may yajltacl yilchj muc'uc, ax 'a slajub', cusltac 'oj 'ajx can 'el'chi.

Pr 11:19

Toto tzon̈ 'ochc tza'n yuj tojlal, wan qui 'atc 'a jun b'e yic q'uinal, ax toto tzon̈ 'atc 'a maysch'olnil, to 'ixta' wan qui 'atc 'a jun b'e yic chamel.

A Ch'an̈ Schab'il Libro Yic Yab'ixal Eb' Rey 5:27

Yuj jun xa b'o tic, a slepra Naamán cha, a 'oj 'ochcn 'ayach, yet' 'a eb' en̈tl 'a smasnil tiempo, xchi Eliseo. Ax yic 'ix spojn can sb'a Giezi yet' Eliseo, 'ayx 'och lepra 'a 'a, caw sacwecnac yilx 'icha q'uen che'ew.

Josué 6:18

Ax xo tic, tzeyil wal e b'a, man̈ e comn 'i'c junc tas 'ay 'a eb' 'anma tzsatl cha, yujto a jun tzo'n̈ cha, to tzsatl smasnil, man̈ e nib'c 'ochi. Toto 'ay tas 'oj eyic' 'a jun tzo'n̈ 'anma tzsatl cha, 'oj eyi' cot catb' 'a quib'n̈ec. Eyu'uj ax qui lajwec 'el qui masnil.

Dt 7:26

Yuj cha, may wal junc tas yajb'il 'el 'oj stac' eyi'n 'at 'a eyatut, sec wach' ma'oj e satl pax jun xo. A jun tzo'n̈ cha, yowlal tzeyajcn 'el eb', tze satl smasnil, xchi Moisés.

1 Ti 6:9

Palta 'ay eb' creyente cojn ricoal tznib'ej. Yuj cha, c'un yajx juwc 'el eb' yuj maysch'olnil. 'Icha to tzcan eb' 'a junc ch'an̈ ya'al, yujto til wal jun tzo'n̈ tas may yopiso tznib'j 'och eb'. Caw 'ay smay tzjuw 'el eb' yu'uj. Yuj jun tzo'n̈ tznib'j 'och eb' cha, tzwach' caw juw 'el snab'en eb' 'a jun 'ejmn̈ej. Yuj cha, 'ichn̈jta 'oj satx can 'ejm eb'.

1 Ti 6:10

Toto cojn tumn 'aj tzca'ch qui nab'en, 'oj pitzwc chan̈ smasnil jun tzo'n̈ maysch'olnil 'ayon̈. 'Ay eb' cojn tumn tznib'j 'ochi. Yuj cha, xyactn can eb' jun tzo'n̈ cuynb'il 'aj xcob' ya'ch eb' sc'ojol. Til wal scusc'ojlal eb' xyij cot 'a yib'an̈.

A Ch'an̈ B'ab'el Libro Samuel 12:3

A ticnec waj 'a yojltac Jehová, yet' 'a yojltac jun rey si'ch qui reyloc tic. Alc b'i'an toto 'ay mach xwixtej, mto 'ay 'aj xwij 'ec' swacax, mto sb'uru, mto 'ay 'aj x'och in mul 'a 'a, mto 'ay 'aj in chajnac q'uen c'ultac tumn 'a junc mach. Toto 'ixta', tztac' in tojn can 'a ticnec, xchi Samuel cha.

Pr 15:26

Matz chaj sc'ojl Jehová tas nab'il yuj eb' maysch'olnil sb'eyb'al, ax jun tzo'n̈ wach' paxti', caw tzchaj sc'ojol.

Pr 23:4

Man̈ eyac' 'ip eyoch ricoal, man̈ ex 'och 'il yuj jun tzo'n̈ cha,

Pr 28:25

A mach til wal tas tznib'j 'och yet' snab'en, cojn owl tzyij cha'an̈; palta toto a Jehová tzya'ch yipc sc'ojol, caw wal 'oj alxoc wach'il.

A Ch'an̈ B'ab'el Libro Yic Yab'ixal Eb' Rey 2:40

yuj cha, 'ix ya'n 'och stz'um no sb'uru muc'uc, 'ix 'at 'a Gat 'a win Aquis, yic tz'at saync 'ec' eb' smoso cha.

Salmos 15:5

Eb' tzya' stumn majnil, palta matz c'an eb' yune stumn cha. Eb' matz ya'ch sb'a schan q'uen c'ultac tumn 'a junc mach yic tzyixtn junc may smul. A eb' tzb'eylb'an jun tzo'n̈ tic, caw may b'a'n̈ 'oj 'em eb'.