Pr 15:11 - Chuj San Sebastian Bible

¹¹ A xab'l yich sjul-l chamel checl yaj 'a sat Jehová, ocxom wal snab'en 'anma', caw wal checl yaj 'a 'a.

Chuj San Mateo Bible

¹¹ Syil Jehová chajtil yilji b'aj ay eb' chamnac, ¿tocval max yil pax co pensar?

Pr 15:11 Referans Kwoze

Salmos 44:21

toto 'ixta', ¿toc am ma'on̈ el coti? ¿toc 'ay junc tas c'ultac yaj to man̈ ojcoc?

A Ch'an̈ Carta D'a Eb' Hebreo 4:13

May junc mach tztac' sc'ub'n 'el sb'a 'a sat Dios. Caw checln̈ej smasnil tas 'a sat. 'Oj qui c'ochc 'a yojltac yic tzqui chanec spac tastc tzqui b'o junjn on̈ec.

Salmos 139:8

Q'uinloc cob' tzin 'at 'a satcha'an̈, a pax ta 'aych 'eq'ui; toto tzin 'em pax 'a xab'l yich lum lum tic, 'aych pax 'ec' ta'.

Job 26:6

A campusan 'aj mucn eb' chamnac, man̈ c'ultacc yaj 'a sat Dios.

2 Cr 6:30

'Aych 'ec' 'a satcha'an̈ 'aj cajn ach cha, ax ab'n tas 'oj yal eb' 'ayach. Ach xo 'oj 'ac' lajwc smul eb', ax a coln pax eb', ax a'n spac 'a jun jun, a tzyal tas tz'el sb'oni, yujto cojn ach ojc tas 'ay 'a qui pixn junjn on̈.

Apoc 2:23

An̈jtona', 'oj in mil cham pax eb' yune 'ix. 'Ixta 'oj 'aj yojcan 'el eb' 'a junjn iglesia, chajtlto an tic, wojc xon jantcn̈ej tas 'ay 'a e nab'en, yet' tas tz'ec' 'a e c'ojol. An tic, 'oj wac' spac 'ayx junjn ex, a tzyala tas tze b'o'o.

Apoc 1:18

Pitzn in. Wach'xam in chami, palta pitzn in 'a jun 'ejmn̈ej ticnec. An tic, yajl waj 'a yib'n̈ chamel, yajl pax waj 'a jun lugar 'aj 'ay spixn eb' chamnac.

Jeremías 17:10

An Jehová in, an tzin b'eyc'ojlej snab'en eb' 'anma'. Wojtac tas 'ayc' 'a snab'en junjn mach. An tzwac' spac yic jun jun, 'icha tas smoj schani, a tzyala tas tz'el sb'oni, xchi Dios.

Pr 27:20

A chamel yet' sjul-l 'aj tzmucx eb' tzchami, may tz'aj sb'ut'ji, 'ixta may b'a'n̈ tz'och wan snib'n eb' 'anma tas tznib'ej.

Salmos 7:9

Yujto Dios ach, caw tojln̈ej a nab'en; ojtac tas yaj snab'en eb' 'anma', yet' tas c'ultac yaj 'a snab'en eb'. Sat cab' 'el eb' maysch'olnil sb'eyb'al, palta ax eb' wach' sb'eyb'al, 'ac' ste'nal eb'.

A Ch'an̈ B'ab'el Libro Samuel 16:7

Palta xyaln Jehová 'ixtc 'a Samuel: Man̈ ach 'och q'ueln 'a win tic yuj tas yilx 'ochi, man̈ elch ste'il, yujto matz in nib'j winac. Ax 'anmax tic, a wal yilx 'och junc mach, a chi tzeyilchi, palta an tic a snab'en eb' tzwilchi, xchi.

Jn 21:17

'Ix yaln pax 'ixtc 'a yoxlal: —Simón, ach yunnal Juan, ¿tzam in a chamc'ojlej? xchi 'a 'a. Yuj cha, caw 'ix cus chan̈ Pedro cha, yujto yoxlal sc'anb'n Jesús 'a 'a, toto tzchamc'ojlej. Yuj cha, 'ix yaln pax 'a 'ixtic: —Mamin, ojc xon smasnil to chamc'ojlb'ilchn̈ej wu'uj, xchi 'a 'a. —Toto 'ixta', 'icha junc 'ilm calnelu, 'ixta tzotj a jucb'tzan eb' wic xo.

A Tas Sc'ulejnac Eb' Schecab' Jesús Hechos 1:24

Xlajw cha, 'ix leslwi eb' smasnil. 'Ix yaln eb' 'ixtic: —Mamin, ojc tas yaj qui nab'en qui masnil on̈. Yuj cha, ch'ox 'ayn̈ on̈, mach junc tza si'l 'a eb' chawn̈ tic,

Apoc 9:11

Ax 'a jun xab' oln cha, ata xq'uet jun ángel syajlil e no'. A jun cha, Abadón sb'i 'a hebreo, ax 'a griego, Apolión sb'i. Tzyal 'el'chi, a tz'a'n 'ixtxoc.

Pr 15:10

A mach tz'actn can wach' b'eyb'al, yowlal tz'ajx cuenta; toto tzpatquilj can 'el tennb'il tz'ajx 'a 'a, 'oj chamoc.

Pr 17:3

A q'uen oro yet' q'uen plata, a c'ac' tz'a'lni prowal toto wach' q'ue'en; ax pax qui nab'enec an̈ 'anman̈ec tic, a Jehová a tzb'eyc'ojlani.