Pr 14:9 - Chuj San Sebastian Bible

⁹ A eb' tu snab'en, may tas tzna eb', wach'xam tu tas tzb'o eb'; ax eb' tojl snab'en, man̈ comnoc tzuntzj cot eb' yowl 'a scal 'anma'.

Chuj San Mateo Bible

⁹ A eb' malaj spensar, malaj tas sna eb' yuj chucal sc'ulej. Axo pax eb' anima vach' spensar jun, snib'ej eb' to tz'ac'ji nivanc'olal yuj Dios.

Pr 14:9 Referans Kwoze

Pr 10:23

A eb' tu snab'en, caw tzalj eb' sb'on maysch'olnilal, ax eb' 'ay snab'en, caw tzalj eb' yuj sjelnal.

Pr 30:20

Caw tzsat pax in c'ojl wiln tas tzyutj sb'a 'ix 'ix tzmuln 'a yol sc'ab' yichmil. A yic tzlajw smuln 'ix, tz'achn 'ix, tzlajw cha, tzyaln 'ix 'ixtic: Toc 'ay tas tu xin b'o'o, xchi cob' 'ix.

Pr 13:15

A eb' 'ay snab'en, caw nib'b'il eb' yuj eb' 'anma', ax eb' tz'ixtn eb' 'anma', yajn̈j cha tzsatl eb'.

San Judas 1:18

yaljnac can eb' 'ixtic: A 'a jun slajb' tiempoal, 'ay eb' 'oj comn b'uchwjoc. 'Oj sb'eylb'oc eb' jun tzo'n̈ maysch'olnil tznib'j 'ochi, xchi eb'.

Pr 12:2

A Jehová tzyac' syaxilal 'a eb' wach' snab'en, ax 'a eb' tu snab'en, tzyac' cot yailal 'a yib'n̈ eb'.

Pr 8:35

Yujto a eb' tz'ilchj jelnal yu'uj, tz'ilchj pax sq'uinl eb' yu'uj, 'oj scha eb' swach'c'ojlal Jehová.

Pr 3:4

Toto 'ixta', caw tzalj Dios et'oc, ax ach sb'inan pax eb' 'anma'.

Pr 1:22

Ex quelm to mant 'a e nab'en, ton̈j tzex laj b'uchwji. ¿B'a'n̈ wal 'oj eyactc e tzalj yet' e man̈ nab'enal cha? ¿B'a'n̈ 'oj eyactc can e b'uchwji? ¿B'a'n̈ wal 'oj eyactc e patquiln can 'el jelnal?

Job 15:16

An̈ xo an̈ 'anman̈ec tic, caw yajb'entacn̈ec, yel xo wal a maysch'olnil tzqui b'o'ec, lajn wal maysch'olnil chi 'ayn̈ec 'icha swach'l yu'x a a'.

Lv 5:7

Toto may stumn jun 'anma chi smann junc no calnelu cha, mto junc chiwo cha, to 'ixta', yowlal tzyij cot chawn̈oc no cowojte', mto chawn̈oc no parama 'a wojltac, junc no tz'ajx yuj mul cha, junc xo no tz'ajx tz'a xajmb'alil.

Pr 3:34

A Dios tzchac sb'a yet' eb' b'an̈quintac yeq'ui, ax 'a eb' 'emmquilal yeq'ui, tzyac' swach'c'ojlal 'a eb'.

Pr 11:20

Tzchacl Jehová eb' 'anma tu snab'en, ax eb' tojl sb'eyb'al, caw wal tzalj yet' eb'.