Pr 14:3 - Chuj San Sebastian Bible

³ A 'a tas tzyal junc may snab'en, ata tzpitzw chan̈ b'an̈jb'ail, yuj cha, tzcot yailal 'a yib'an̈; ax pax tas tzyal junc 'ay snab'en, a chi tzcoln 'eli.

Chuj San Mateo Bible

³ A tas syal eb' malaj spensar, a tz'ic'ancot yaelal d'a yib'an̈ eb'. Axo pax tas syal eb' ay spensar jun, a scolan eb'.

Pr 14:3 Referans Kwoze

Pr 12:6

A tas tzyal eb' 'anma maysch'olnil snab'en, tzcham 'anma yu'uj; ax pax spaxti eb' wach' snab'en, tzcolchj 'anma yu'uj.

Apoc 12:11

A eb' cha, xyac' ganar eb' ya'n techjoc, yujto chamnc jun tzcuch Calnelu yuj eb', 'elnc can schiq'uil. 'Ix yac' ganar eb', yujto te'n xyutj eb' ya'n testigoal sb'a yu'uj. Ma'ix xiw eb' schami, caw xyaln̈j sc'ojl eb' ya'n cham sb'a yu'uj.

Apoc 3:10

Caw xeyiclj jun in checnb'il yic waln 'ayex, to caw tzeyac' techjoc. Yuj cha, 'oj ex in tan̈wc 'a yol sc'ab' jun niwn prowal 'oj 'a'nc prowal smasnil 'anma 'a yolyib'n̈q'uinal.

A Schab'il Carta San Pedro 2:18

Ton̈j tzyij chan̈ sb'a eb' yaln jun tzo'n̈ tas may yel'chi. Yujto tzyal eb' 'ixtic: Tztac' qui b'onn̈ej maysch'olnil, tztac' qui b'onec tas tzqui nib'j 'och yet' qui niwnal tic, xchi cob' eb'. 'Ixta tzyutj eb' ya'n sc'ojloc jun tzo'n̈ eb' wan scolchj 'el 'a scal maysch'olnil.

Dn 7:20

An̈jtona xin c'anb'n paxi, tas wal tzyal 'el'ch lajn̈e sch'ac no cha, yet' pax junx sch'ac tot xpac' q'uet cha. 'Ix stenn 'el 'oxe ch'ac chi 'a yet'l 'aj xq'ueli. Yel xo 'ec'b'al yel'ch 'a yib'n̈ jun tzo'n̈ xo yitb'eym cha. A jun sch'ac tot xpac' cha, 'ay yol sat, 'ay pax sti', caw tzb'an̈ sb'a yet' tas tzyala.

Pr 28:25

A mach til wal tas tznib'j 'och yet' snab'en, cojn owl tzyij cha'an̈; palta toto a Jehová tzya'ch yipc sc'ojol, caw wal 'oj alxoc wach'il.

Pr 22:8

A mach tzb'on jun tzo'n̈ tas man̈ tojloc, cojn yailal 'oj jawc 'a yib'an̈, man̈x 'oj stac' yixtx eb' yit 'anmal yu'uj.

Pr 21:24

A mach b'uchmtac, yel xo tz'ec' 'a yib'n̈ sb'an̈n sb'a, tzyij chan̈ sb'a, man̈x 'a yel'ch yit 'anmal 'a sat.

Pr 18:6

Yuj spaxti eb' 'anma may snab'en, yuj cha, tzq'ue wan owal; yuj spaxti eb' cha, ax sjaw yailal 'a yib'n̈ eb'.

Salmos 57:4

Oyn 'och eb' 'ajc'ojl 'ayn 'icha no león tzchin eb' 'anma'. Lajn wal ye eb' 'icha q'uen lanza, lajn pax yet' jun tzo'n̈ jul-lab'; a spaxti eb', lajn yet' q'uen espada caw jay ye.

Salmos 12:3

Mamin Jehová satcn 'el jun tzo'n̈ 'anma cha, atn eb' chab'sat yaji, yet' pax eb' niwc winc tzlaj yutc sb'a.

Job 5:21

'Oj a colx 'el yuj 'a yol sc'ab' eb' alm peclal; ax yic 'oj jawc yailal 'a yib'n̈ smasnil 'anma', may yuj to 'oj a xiwi.

A Ch'an̈ B'ab'el Libro Samuel 2:3

Yuj cha tztac' tzwal 'ixtc 'a eb' tzyij chan̈ sb'a: Man̈ e b'an̈ e b'a, yujto a Jehová yojc smasnil, a Dios tzon̈ b'eyc'ojlanec yuj tas tzqui b'o'ec, 'oj in chic 'a eb'.

Salmos 31:18

Sictac cab' tz'aj eb' 'a'm 'es, yujto tzyal eb' b'uchwal paxti', tzpatquiln can 'el smasnil eb' 'anma wach' snab'en.

Pr 14:4

Toto may no wacx tzt'ocw lu'um, may sat 'awb'en tzmolx 'a yol sc'un̈ail; yuj yip no wacx cha, caw niwn tas tzmolxi.

Pr 13:3

Toto tzqui nac qui b'a qui paxtini, mun an̈ tzqui tan̈wjec qui b'a; ax toto tz'e'x 'a yib'n̈ qui paxtinec, mun an̈ec tzquixtj 'el qui b'a.

Pr 18:7

Yuj spaxti eb' may snab'en cha, tzyi'n cot eb' chaml 'a yib'an̈; yuj tas tzyal eb' cha, 'icha to tzsut'x 'och lasu 'a sjaj eb', tzjalx cham eb'.