Pr 14:29 - Chuj San Sebastian Bible

²⁹ Toto 'ay qui niwnc'ojlalec, tzyal 'el'chi jeln on̈ec; palta toto c'un scot cowlec, tzyal 'el'chi to may qui nab'enec.

Chuj San Mateo Bible

²⁹ Tato ay co nivanc'olal, syalelc'ochi to ay co pensar, tato c'un scot coval jun, syalelc'ochi to malaj co pensar.

Pr 14:29 Referans Kwoze

Santiago 1:19

Ex wu'tac, ex wanab', chamc'ojlb'ilx wu'uj. Eyojc xon jun tzo'n̈ tic tzwal tic. Yuj cha, caw lista tzeyutj e b'a eyab'xni. Man̈ comnoc tzeyal eyic muc'uc. An̈jtona', man̈ comnoc tzcot eyowal.

Ec 7:9

Man̈ c'unoc cab' scot cowlec, yujto a jun owl cha, yic eb' may snab'en yaji.

Pr 14:17

Toto c'un scot cowlec, caw man̈ wach'c tas tzqui b'oc 'ixta'; an̈jtona', toto si'mb'il wal tzqui na'ec yic tzqui b'onec tas tu 'a junc quit 'anma'il, caw wal tz'och eb' 'anma 'ajc'ojlal 'ayn̈ec.

Pr 15:18

Toto c'un scot cowlec, cojn owl tzq'ue wan cujec; ax toto niwn qui c'ojlec, tzca'c tup owal.

Pr 19:11

Toto tzqui yamc 'och wan qui b'a yet' yowl qui c'ojol, 'ay qui nab'enec 'ixta'; tzon̈ alxec wach'il toto tzca'c niwnc'ojlal 'a eb' tz'och smul 'ayn̈ec.

Pr 16:32

Yel xo wach' niwn tzcutjec qui c'ojol, 'a yib'n̈ pax to c'un scot cowlec. Yel xo pax wach' mun tzqui yamc 'och wan qui b'a, 'a yib'n̈ pax to tzcan junc chon̈b'al 'anma 'a yaln̈ cu'uj.

Pr 25:28

Toto matz uj qui yamnec 'och wan qui b'a yet' qui nab'en, lajn on̈c 'icha junc chon̈b' lan̈chjnacx 'ejm smuroal, to 'ay xo smay yilxi.

Nm 12:3

Caw yel, cojn Moisés 'emmquilal tzyutj sb'a 'a yolyib'n̈q'uinl tic.

Mt 11:29

Cuchc junx 'icha 'ictz 'oj wac' 'ayex. Cuywan̈c 'ayin, yujto an tic manso in, 'emmquil in, toto 'ixta', 'oj ex wac' 'iljoc.

Ec 10:6

Yujto a eb' may snab'en, a eb' tz'ajx 'och 'a junc 'opiso niwn yel'chi, ax eb' rico, a jac comn 'opiso tz'ajx 'a eb'.

Pr 25:8

A tas tzeyila, man̈ 'at e comn alc mu'c 'a eb' yajal, yujto lemb'il 'ay junc xo mach tzc'ochi, tz'at yalnc wal tas yaji, ax tz'aji, 'oj e q'uixw can 'eli.

Pr 4:8

Tzaljan̈ yet' jelnal sec 'oj ejx chan̈ yu'uj; nib'j 'ochi sec 'ay el'ch pax 'a sat eb' et 'anma'il.

Mt 2:16

Ax win Herodes cha, 'ix yilni to man̈x 'ic 'ec' eb' mago chi 'a winac. Ton̈j 'ix yixtj can paxti eb' winac. Yuj cha, caw xcot yowal, 'ix ya'n win milxc cham jantcn̈ej eb' cotc winc 'unn 'ay 'a chon̈b' Belén, yet' eb' 'ay 'a sla'nil jun chon̈b' cha. 'Ix cham eb' 'ayx schab'l ab'il, yet' eb' mantzac 'el 'a schab'l ab'il. Yujto 'ixta stiempoal ye'cn eb' mago chi 'a winac.

Pr 14:28

A junc rey 'aych yajlil 'a junc niwquil chon̈ab', caw wal b'inab'il si'mb'il; palta toto yunen̈ej junc chon̈b' 'aj 'aych yajlil, to 'ixta', 'oj lajwoc 'ejmi.

Pr 17:27

Toto jab' wal tas tzcalec, caw 'ay qui nab'enec, caw jeln on̈ec toto tzqui yamc 'och wan qui b'a.

Ec 7:8

Wach'xam a yic tz'el yich junc tas janc'n̈ej tzaljc'ojlal, palta ax yic tzb'o 'el'chi, yel xo niwn tzaljc'ojlal 'a jun c'u cha. Toto 'emmquilal tzcutjec qui b'a, yel xo wach' quiquec 'a yib'n̈ pax to cob' tzquijec chan̈ qui b'a.