Pr 14:14 - Chuj San Sebastian Bible

¹⁴ Toto tu qui nab'enec, maysch'olnil tas 'oj qui cha spacc yuj tas tzqui b'oc cha; ax toto wach' qui nab'enec, wach' tas 'oj qui chac spacoc.

Chuj San Mateo Bible

¹⁴ A eb' tz'actancan vach' b'eyb'al, stzalaj eb' yuj schuc b'eyb'al. Axo pax eb' anima vach' spensar jun, stzalaj eb' yuj svach' b'eyb'al.

Pr 14:14 Referans Kwoze

Gl 6:8

Toto tzqui b'oc jun tzo'n̈ tas tznib'j qui tu nab'enal, 'oj qui chac spac qui tu nab'enal cha, atn chamel. Palta toto tzqui b'oc jun tzo'n̈ tas tznib'j Yespíritu Dios, 'oj qui chac spac 'a Yespíritu cha, atn qui q'uinlec 'a jun 'ejmn̈ej.

Pr 12:14

Junjn on̈ec tzqui chajec spac tas tzcala, tzqui chanec pax spac tas tz'el qui b'onec.

A Ch'an̈ Carta D'a Eb' Hebreo 3:12

Ex wu'tac, ex wanab', caw tzeya' cuenta e b'a, sec may junc ex pit tzeyutj e b'a, chab'c'ojlal eyaji. May junc ex tzeyij 'el e nab'en 'a Dios pitzan.

Jeremías 8:5

Palta ax xo tic ex 'aj Israel ¿tas yuj tzeyij 'el e b'a 'ayn 'a jun 'ejmn̈ej? Ex 'aj Jerusalén, ¿tas yuj man̈xtzac ex meltzj cot 'ayin? ¿Tas yuj tzeya'ch e b'a eyixtn eb' 'anma'? Caw man̈xtzac tze nib'j tzex meltzj cot pax 'ayin.

Gl 6:4

Yowlal tzqui b'eyc'ojlej tas yilx qui b'eyb'al junjn on̈. To 'ixta', 'oj stac' qui tzalj yuj qui b'eyb'al junjn on̈ec. Man̈ yowlalc 'oj qui na sb'eyb'al junc xo, toto yel wach' quic 'a yib'an̈.

Jn 4:14

Palta ax eb' tz'u'n jun a tzwac'a, man̈x b'a'n̈ 'oj cot stacn̈til eb' jun 'ejm xo. Yujto a jun a tzwac' tic, 'oj 'aj sjaj a 'a eb', ax ya'n a sq'uinl eb' 'a jun 'ejmn̈ej, xchi Jesús 'a 'ix.

Jeremías 2:19

An Jehová in, tztac' wuj smasnil, an tzwala: Mun wal a e mul 'oj 'a'nc jawc yailal 'a eyib'an̈. Mun wal a e tenmtaquil, a 'oj 'a'nc 'och 'a eyib'an̈. Nachj cab' 'el eyu'uj, chajtlto caw wal man̈ wach'oc, yujto in eyactj can an Jehová e Diosal in tic. Tzwa'ch yailal 'a eyib'an̈, yujto may wel'ch xon jac 'a e sat.

Sofonías 1:6

An̈jtona 'oj in satl pax eb' tzyij 'el snab'en 'ayin, atn eb' matz jaw 'ayn an Jehová in tic, yic tzwul sc'anb'noc eb' junc snab'en.

Jeremías 17:5

'Ix yal Jehová 'ixtic: 'Oltac wal eb' tzin 'i'n 'el 'a sc'ojol, ax eb' 'anma tzya'ch eb' yipc sc'ojol, yic tzcolwj eb' yet' eb' snani.

Pr 14:10

Junjn on̈ec, mun cojtquec tas qui somc'ojlalec, mto qui tzaljc'ojlalec; a eb' chuc 'anma'il may yaln eb' yic 'a 'a.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

Os 4:16

A chon̈b' Israel, caw pit, lajn wal 'icha junc no quelm wacx caw ow. Toto 'ixta', ¿tom 'oj stac' in tan̈wni eb' 'icha junc 'ilm calnelu tztan̈wni wa scalnelu 'a 'aj caw yax te c'ultac?

Ez 22:31

Yuj wal cha, 'oj wa' cot yowl in c'ojl 'a yib'an̈. 'Oj wac' lajwc 'el eb' 'anma yuj in c'a'lc'ojlal. 'Ixta 'oj 'aj sjaw yailal 'a yib'n̈ eb' yuj sb'eyb'al cha, xchi Dios, xa chi 'a eb', xchi 'ayin.

Salmos 109:17

A maysch'olnil tznib'ej, yuj cha, catb'tzaxc cab' cani. Ma'ix snib'j sb'o wach'il, yuj cha, may cab' b'a'n̈ tzchaj yaxilal.

Pr 9:12

Toto jeln tzcutjec qui b'a, caw quicn̈ej yaj wach'ilal. Toto b'uchwjum on̈ jun, mun a 'a quib'n̈ec tzcotcni.

Pr 12:21

A eb' wach' snab'en, may tas tu tzjaw 'a yib'n̈ eb'; ax eb' tu sb'eyb'al, caw wal tzactzj eb' yuj yailal tz'el-l 'a yib'an̈.

Pr 14:15

Toto may qui nab'enec, ton̈j tzqui chajec cab' smasnil tas tzalx 'ayn̈ec; ax toto 'ay qui nab'enec, tzcham wal qui nanec 'aj wan qui 'atec.

Pr 18:20

A tas tzcalec, tztac' yi'n cot yailal mto tzaljc'ojlal 'ayn̈ec.