Pr 12:25 - Chuj San Sebastian Bible

²⁵ A somc'ojlal, caw wal tzyac' cus qui c'ojlec; ax junc wach' paxti', to tzyac' qui tzaljc'ojlalec.

Chuj San Mateo Bible

²⁵ A ilc'olal syac' cus co c'ool. Axo pax junoc vach' lolonel jun, syac' co tzalajc'olal.

Pr 12:25 Referans Kwoze

Pr 16:24

A paxti wach', lajn wal 'icha no yal chab', tzon̈ tzaljec chan̈ yu'uj, tz'och pax quipc yuj tzcab'i.

Pr 15:13

A mach tzalji, tzewj sat, ax mach tzcusi, cusltac yilx sat cha.

Pr 17:22

A tzaljc'ojlal, lajn wal 'icha junc remel, ax pax cusc'ojlal, ton̈j tzyij 'el quipec.

Is 50:4

A jun schecb' Dios tzaln 'ixtic: A Jehová Wajlil a x'a'n jelnb'oc in paxtini, yic wach' tztac' wa'n sniwnal sc'ojl eb' c'unb'nac. 'A junjn sq'uin̈b'ial tzin nib'n wab'i' tas tzyac' in cuyu'.

Pr 15:23

Caw wach' tzcab'ec toto wach' tzcutjec qui pacn junc paxti', man̈x jantcoc swach'il, toto tzchaj sb'a qui paxtinec.

Zacarías 1:13

'Ix ta'w Jehová 'a jun ángel tzpaxtin wet' cha, sec ax tz'a'n sniwnal in c'ojol.

Pr 12:18

A eb' amancotn spaxtini, tzyac' cus eb' sc'ojl yit 'anmal yet' spaxti tzcomn alej, ax eb' wach' snab'en, caw tzniwnc'ojlax eb' 'aych 'a scusc'ojlal yuj spaxti eb' tzyala.

Pr 27:9

A tas su'q'ui sjab' yet' perjuma, a chi tz'a'n qui tzaljc'ojlalec, 'ixta tzon̈ 'ajc qui tzalj yuj nab'en tzyac' junc qui wach'c'ojlec, yujto 'ay schamc'ojlal 'ayn̈ec.

Salmos 42:11

¿Tas wal yuj tzjaw in chab'c'ojlal? ¿Tas yuj tzsomchj chan̈ in nab'en? Ach in Diosal tzach wa'ch yipc in c'ojol, a 'aych 'oj wal wach' paxti'. In Colmal aji, in Diosal ach paxi.

Pr 18:14

Toto 'ayn̈ec 'och 'a qui yailal, tzca'c techjoc qui yailal cha, tzyal 'el'chi to te'n qui nab'enec; ax toto man̈x te'noc yaj qui nab'enec cha, man̈xtzac techj cujec.

Pr 25:11

A junc paxti wach', tzalx 'a 'icha wal tz'aj yalxi, lajn 'icha junc mansn to nab'a oro, ax q'uen plata 'aych yelwnub'loc.

Salmos 38:6

Ñojn xoj waji tzin b'eyi, man̈x 'a tas tz'el walni, caw cusc'ojlal waj 'a smasnil tiempo.

Pr 15:15

Toto 'aych junc mach 'a somc'ojlal, caw wal ya yec' junjn c'u yu'uj; ax toto tzalji, caw wach'n̈j yec' tiempo chi yu'uj.

Pr 14:10

Junjn on̈ec, mun cojtquec tas qui somc'ojlalec, mto qui tzaljc'ojlalec; a eb' chuc 'anma'il may yaln eb' yic 'a 'a.

Pr 12:26

Toto wach' qui nab'enec, tzqui jucb'tzejec eb' quit 'anmal 'a swach'il, ax toto tu qui nab'enec, caw tzquijec 'at eb' quit 'anmal chi 'a maysch'olnil.

Pr 15:30

A mach tzewji, tzon̈ tzaljec chan̈ yu'uj; a junc wach' 'ab'ix, caw tz'och quipc yuj tzcab'i.