Pr 12:15 - Chuj San Sebastian Bible

¹⁵ A eb' may snab'en, a tzyutj eb' snani to wach'n̈j smasnil tas tz'el sb'on eb', ax eb' 'ay snab'en, tzchaj eb' yab' tas tzalx 'a 'a.

Chuj San Mateo Bible

¹⁵ A eb' malaj spensar, vach'n̈ej tas sc'ulej eb' snaani. Axo pax eb' ay spensar jun, scha yab' razón eb'.

Pr 12:15 Referans Kwoze

Pr 3:7

Man̈ a na', chajtlto caw yel xo jeln ach; 'ay cab' yel'ch Jehová 'a a sat, 'ij 'el a b'a 'a scal maysch'olnil.

Pr 19:20

A mach tzchaj yab' junc nab'en tz'ajx 'a 'a, tzchan pax yab' tennb'ilal, to 'ixta', 'oj jelnb'oc.

Pr 14:16

Toto 'ay qui nab'enec, tzon̈ xiwc 'a tas 'ay smay, tzqui'nec 'el qui b'a 'a scal maysch'olnil, ax toto tu qui nab'enec, caw tzqui b'an̈c qui b'a, may yel'ch junc tas 'a qui satec.

Pr 14:12

'Ay wal b'eyb'al caw wach' qui nanec, palta ax 'a slajub', a 'a chaml tzon̈ yijec 'ati.

Pr 1:5

A eb' 'ay snab'en yet' eb' 'ay sjelnal, smaclc cab' eb' yab'i', sec tzwach' q'uib' snab'en eb', yet' sjelnal eb'.

Pr 26:12

'Ayt wal jacx wach'l 'a eb' may snab'en, 'a yib'n̈ eb' to tzyal jelnal sb'a.

Pr 16:25

'Ay b'eyb'al to caw wach' qui nanec, palta ax 'a slajub', a 'a chaml tzon̈ yijec 'ati.

Pr 16:2

Toto tzcalec to wach'n̈j tas tzqui b'o'ec, palta a Jehová a tzb'eyc'ojlan smasnil tas nab'il cujec cha.

Gl 6:3

Toto 'ay mach caw 'ay yel'ch cob' snani, palta toto may pax yel'chi, mun tzcob' yixtc sb'a snani.

Pr 9:9

Toto tzqui cuyc eb' jelan, yel xo caw jeln 'oj 'aj 'el'ch eb'. Toto tzqui cuyc pax eb' wach' snab'en, 'oj wach' tz'acwoc snab'en eb'.

Pr 21:2

A eb' 'anma', a tzyutj eb' snani to wach'n̈j smasnil tas tzb'o eb', palta a Jehová, a tzb'eyc'ojlan snab'en junjn mach.

Lc 18:11

Ax yic xc'och win fariseo cha, 'ix 'och lin̈an. 'Ix leslwi 'ixtic: Ach in Diosal, tzwac' yuj diosal 'ayach, yujto an tic man̈ in lajnoc 'icha jun tzo'n̈ xo 'anma'. A eb' cha, caw 'elc'm eb', man̈ tojloc snab'en eb', caw tzmuln pax eb'. Yet' pax win tecm 'el tumn tic, yuj wal dios, man̈ in lajnoc yet' winac.

Pr 30:12

'Ay pax mach tznani to caw may xon jac smul, palta mantzac sb'o yaj smul 'a yib'an̈.

Pr 28:11

A eb' rico caw jeln snab'en eb' snani, palta ax eb' meb'a to jeln snab'en, tztac' yiln 'och eb' snab'en eb' rico cha.

Ec 4:13

Yel xo wach' yic junc win quelm to meb'a to 'ay snab'en, 'a yib'n̈ pax junc win rey 'ichm xo to may snab'en, man̈xtzac schaj yab' junc nab'en.

Pr 26:16

A mach 'isj cha, a tzyutj snani to yel xo jeln 'a yib'n̈ ucwn̈oc 'anma yojc spacn junc paxti 'a swach'il.

Pr 13:1

A eb' 'unnab'il wach' snab'en, tzchaj eb' yab' tennb'il tzyal smam 'a 'a; ax eb' tzyij chan̈ sb'a, matz chaj eb' yab'i'.

Pr 13:10

Toto tzqui b'an̈c qui b'a, cojn owl tzq'ue wan cujec; ax toto 'emmquilal queq'uec, caw jeln on̈c 'ixta'.