Pr 10:7 - Chuj San Sebastian Bible

⁷ A eb' wach' snab'en, caw tznax cot eb' 'a tzaljc'ojlal; ax eb' maysch'olnil sb'eyb'al, toc 'ayt mach tznan cot eb'.

Chuj San Mateo Bible

⁷ A eb' vach' spensar, d'a vach'ilal ol aj snajicot eb'. Axo pax eb' chuc jun, man̈xa mach ol naancot eb'.

Pr 10:7 Referans Kwoze

Salmos 112:6

A eb' tojl snab'en, nab'il cot eb' 'a smasnil tiempo, may xon b'a'n̈ 'oj can eb' 'a yalan̈.

Lc 1:48

An tic, ya'mal in servil Dios. May wel'chi, palta 'ix 'o'ch sc'ojl 'ayin. Yuj cha, smasnil tiempo 'oj yal eb' 'anma wu'uj, to caw wach' wico'.

Mr 14:9

Wal yel tzwal 'ayex, tzann̈j lugar 'a yolyib'n̈q'uinl tic 'aj 'oj alxc 'el wach' 'ab'x yic colnb'il, 'oj alxc pax 'el yab'xil tas 'ix sb'o jun 'ix tic, yic 'oj naxc cot 'ix, xchi 'a eb'.

Salmos 109:13

Sat cab' 'el yin̈tl 'a jun 'ejmn̈ej, man̈x 'a cab' b'a'n̈ tzalb'tan̈x sb'i.

2 Cr 24:16

Ata xmucx 'aj mucn eb' rey 'a Schon̈b' David, yujto wach' tas 'ix sb'o'o, yuj swach'loc eb' yit israelal. Wach' xyutj ya'w servil 'a Dios, yet' 'a yatut Dios cha.

Salmos 109:15

Checln̈ej cab' yaj smul eb' chi 'a sat Dios. Sat cab' 'ejm yalx eb' 'a sat lum lum tic,

Job 18:17

Ax sat 'ejm yalx snanb'il cot 'a sat lum tic, man̈x b'a'n̈ 'oj b'inaxc sb'i.

A Ch'an̈ Schab'il Libro Yic Yab'ixal Eb' Rey 19:34

'Oj in tan̈wc jun chon̈b' tic, ax in colni, yujto 'ay in chamc'ojlal 'a in checb' David, yuj pax in b'inaxi, xchi Dios, xchi Isaías.

A Ch'an̈ B'ab'el Libro Yic Yab'ixal Eb' Rey 11:36

A 'a jun yunnal cha, cojxn junc 'in̈tal 'oj wa'cn 'a 'a, sec wach' 'ayt mach 'oj nanc cot in checb' David 'a wojltac 'a Jerusalén, atn jun chon̈b' sic'b'il 'el wu'uj, yic tzb'inax in b'i ta'.

Ec 8:10

An̈jtona', 'ix wil paxi to 'ay eb' 'anma tu snab'en, a yic tzlaj mucx eb', caw wal tzb'inax eb' yuj yit 'anma'il. Ax yic tzcham eb' 'emmquilal yec' tzxitc' 'a yatut Dios, atn 'a schon̈b' eb' 'aj tilwal tas wach' sb'ojnac, a eb' cha, toc 'ay mach tznan cot eb'. A yic tzcab'nec jun tic, ton̈j tzsomchj 'el qui nab'enec yu'uj.

Job 27:23

A jun 'ic' cha, caw wal 'oj jommoc, ax xub'n sc'an̈ s'at 'a spatc eb'.

Jeremías 17:13

Mamin Jehová, ach 'aych 'och yipc qui c'ojl an̈ israel on̈ tic on̈. Smasnil eb' tzach 'actn cani, 'oj q'uixwc can 'el eb'. Smasnil eb' 'oj yi'l sb'a 'a a tz'ey, 'oj satcn 'el eb', 'icha tz'aj sat junc b'i tz'ib'b'il 'ejm 'a scal pococ. 'Oj satcn 'el eb', yujto tzach yactj can eb', ach tic, lajn ach wal 'icha junc spac'b'a'.

2 Cr 32:33

A yic xcham Ezequías, ata 'ix mucx 'a jun panteón 'ay q'ue 'a yib'n̈ jun tzo'n̈ xo panteón 'a 'aj mucn eb' yin̈tl David. Smasnil eb' 'aj Judá yet' eb' 'ay 'a Jerusalén, caw wach' 'ix yutj eb' smucni, ax jun yunnal tzcuch Manasés, a x'ochcn reyl sjeloc.

Job 24:20

Tz'atcn eb' 'a satc'ojlal yuj snun; ax no ay tzchin schib'jal eb', toc 'ayt mach 'oj nanc cot eb'. A eb' maysch'olnil snab'en cha, lajn wal tz'aj yem eb' 'icha junc te te tzch'acx 'ejmi.

Salmos 34:16

Palta 'ay cot yowl sc'ojl 'a yib'n̈ eb' tzb'on maysch'olnil, yic tzsatn 'el snanb'il cot eb' 'a sat lum lum tic.

Pr 22:1

Yel xo wach' toto wach' qui b'inaxec 'a yib'n̈ pax to til wal q'uen oro, mto q'uen plata 'ay 'ayn̈ec.

Is 14:22

A Jehová tztac' yuj smasnil, a tzaln 'ixtic: Wal woch tecn 'a jun chon̈b'al eb' 'anma tic. 'Oj in satl chon̈b' Babilonia, man̈x 'a b'a'n̈ 'oj b'inaxoc. Man̈x 'a xon 'anma 'oj wactc can 'a 'a, man̈x 'a xon eb' 'unnab'il mto eb' 'ichicnab'il 'oj canoc.

Salmos 34:17

A eb' 'anma wach' sb'eyb'al, a yic tzyaln sb'a eb' 'a Jehová, yajn̈ej tzyab'n tas tzyal eb'. Caw tzcolx 'el eb' 'a scal smasnil somc'ojlal yu'uj.

Salmos 41:5

A eb' 'ajc'ojl yajch 'ayin, caw tu tzyal eb' 'a in patic; tzyaln eb' 'ixtic: ¿B'a'n̈ wal 'oj chamoc, sec man̈x 'a mach 'oj nanc coti? xchi eb'.