Pr 10:18 - Chuj San Sebastian Bible

¹⁸ A eb' 'a'm 'es, tzc'ub'j 'el eb' schichnc'ojlal, ax eb' alm peclal, may snab'en eb'.

Chuj San Mateo Bible

¹⁸ A eb' elc'altac schichon sc'ol d'a junocxo anima, esalvum eb'. A eb' an̈ej aloj pecal tzec' yala', malaj jab'oc spensar eb'.

Pr 10:18 Referans Kwoze

Salmos 55:21

Caw tzc'unni spaxtini, palta ax 'a snab'en, cojxn owl tznib'ej. 'Icha wal aceite tz'och 'a junc lajwel, 'ixta slab'b'il spaxtini. Ticni man̈ yeloc, lajn wal spaxti chi 'icha q'uen espada caw jay ye.

Salmos 15:3

Eb' matz pitzn chan̈ paxti 'a spatc junc xo mach, eb' matz yixtj yit 'anma'il, eb' may tas tu tzb'o 'a eb' cajn 'a stz'ey.

A Ch'an̈ Schab'l Libro Samuel 3:27

A yic xjapx Abner 'a Hebrón, ax Joab 'ix 'i'n 'och wa'an. Xyi'n 'ec' 'a stz'ey sti spuertail chon̈ab', yic tzpaxtin cob' a c'ultacl yet' ta sch'ocoj. Axta stecch Joab q'uen yespada 'a sc'ojl Abner cha, 'ix chami, yic tzya'n can pax Joab spac win Asael, atn win yu'tac.

Salmos 101:5

A eb' tzc'ultac aln tu paxti 'a yib'n̈ junc xo yit 'anma'il, 'oj in satl eb'. Ma'oj wac' sgana eb' yi'n chan̈ sb'a yet' scomn nab'en.

Salmos 50:20

Tzc'ac'b' 'och e c'ojl 'a eyit 'anma'il. Tze nachan̈ e b'on tas tu 'a eb' eyu'tac to junn̈j e nun yet'oc.

Salmos 12:2

Cojxn̈ej 'es tzlaj yal-lac eb' 'a junjn 'anma', tzlaj yixtn paxti sb'a eb' 'a chab'satil.

Salmos 5:9

¿Tom 'ay paxti yel tzlaj yal eb'? An̈j tas tu tzna eb'. Yuj tas tzyal eb' cha, yuj chi tz'atcn eb' 'anma 'a chamel. Tzyal eb' wach' paxti 'a chab'satil.

A Ch'an̈ B'ab'el Libro Samuel 18:29

Yuj cha, caw xwach' xiw Saúl chi 'a 'a, xwach' 'och 'ajc'ojlal jun 'ejmn̈ej 'a David.

Ex 23:1

Man̈ eya'ch e b'a eyaln speclal eyit 'anma'il, man̈ eya'ch e b'a yet' junc mach tu snab'en, yic tzeya'n 'och e b'a testigoal 'a tas man̈ yeloc.

Jeremías 9:4

Ach Jeremías, a smasnil eb' a wach'c'ojol, yet' eb' o'tac, caw tzyac' eb' 'es 'a apatic, yuj cha, man̈x a'ch eb' yipc a c'ojol.

Lv 19:16

Man̈ ex alwoc peclal 'a scal 'anma'. An Jehová in, an tzwala. Man̈ locnoc ex tzeyala yic tzma'x cham junc eyit 'anma'il.

Jeremías 6:28

Caw tenmtac eb' smasnil, may snab'en eb', alm peclal eb'. 'Ix pitb' 'el eb', lajn eb' 'icha wal stzatzl q'uen bronce mto q'uen hierro.