Pr 10:14 - Chuj San Sebastian Bible

¹⁴ A eb' jelan, matz yij chan̈ sb'a eb' yet' sjelnal cha; ax eb' may snab'en, caw 'ay xo smay jun tzo'n̈ paxti tzyal eb'.

Chuj San Mateo Bible

¹⁴ Tato jelan co pensar, sco ya'ilej tas scala'. Palta tato malaj co pensar jun, tzon̈ te loloni, an̈ej chucal sq'ue vaan yuj tas scal chi'.

Pr 10:14 Referans Kwoze

Pr 18:7

Yuj spaxti eb' may snab'en cha, tzyi'n cot eb' chaml 'a yib'an̈; yuj tas tzyal eb' cha, 'icha to tzsut'x 'och lasu 'a sjaj eb', tzjalx cham eb'.

Pr 10:8

A eb' 'ay sjelnal, caw tzchaj eb' yab' checnb'il tzalx 'a 'a, palta ax eb' cojn comn paxti tzyala, 'oj satcn 'ejm eb' 'a 'ichn̈jta'.

Pr 13:3

Toto tzqui nac qui b'a qui paxtini, mun an̈ tzqui tan̈wjec qui b'a; ax toto tz'e'x 'a yib'n̈ qui paxtinec, mun an̈ec tzquixtj 'el qui b'a.

Pr 10:10

A eb' tzmutz'mutz'n yol sat snan maysch'olnil, caw tzyij cot eb' niwc yailal 'a yib'an̈. A eb' cojn comn paxti tzyala, 'oj satcn 'el eb'.

Pr 9:9

Toto tzqui cuyc eb' jelan, yel xo caw jeln 'oj 'aj 'el'ch eb'. Toto tzqui cuyc pax eb' wach' snab'en, 'oj wach' tz'acwoc snab'en eb'.

Mt 13:52

—Ax tic, cuyb'ilx xo, chajtl tz'aj eb' 'anma yoch 'a yol sc'ab' Dios 'aj satcha'an̈. Yuj cha, tztac' eya'n cuyxoc jun tzo'n̈ 'ac' cuynb'il yet' jun tzo'n̈ 'icham, xchi 'a eb'.

Mt 13:44

A eb' tz'och 'a yol sc'ab' Dios 'aj satcha'an̈, lajn 'icha junc tas caw wach', caw chan̈ stojol, mucb'il 'a yol lu'um. A yic tzchax yuj junc winac, yajn̈ej tzmucn can paxi, caw tzalj yet'oc. Yuj cha, tzchon̈n 'el smasnil tas 'ay 'a 'a, tzmann yico'oc jun lum cha.

Mt 12:35

A eb' wach' snab'en, wach' tzyutj sb'a eb', yujto an̈j tas wach' 'ay 'a snab'en eb'. Ax eb' maysch'olnil snab'en, maysch'olnil tzyutj sb'a eb', yujto an̈j maysch'olnil 'ay 'a snab'en eb'.

Pr 21:23

A mach tztan̈wj sb'a yet' tas tzyala, wan scoln sb'a 'a yailal.

Pr 19:8

Toto tzqui b'eylb'ejec tas tzqui cuyu, tzqui saynec qui wach'il, toto 'ixta', caw tzon̈ q'ue'chec yet' qui nab'en.

Pr 18:15

Toto jeln on̈ec, tz'ilchj jelnal chi cujec, yujto tzca'c 'och 'a qui c'ojl qui cuyni.

Pr 18:1

Toto man̈ wach'c cajc yet' quit 'anma'il, cojxn wal tas tzqui nib'jec 'ochi, a chi tzqui sayc 'eq'ui, ax wach' nab'en tzcob' 'ajxc 'ayn̈ec, man̈xtzac qui chajec cab'i'.

Pr 1:5

A eb' 'ay snab'en yet' eb' 'ay sjelnal, smaclc cab' eb' yab'i', sec tzwach' q'uib' snab'en eb', yet' sjelnal eb'.

Pr 12:23

Toto 'ay qui nab'enec, matz quijec chan̈ qui b'a yet' tas cojtac; ax toto may qui nab'enec, tzqui comn aljec 'el qui man̈ nab'enal cha.

Ec 10:12

Toto tzon̈ paxtinec yet' qui jelnal, wach' tzalx 'ayn̈ec yuj qui paxti cha, palta toto tzon̈ paxtinec yet' qui man̈ nab'enal, mun tzquijec cot 'a quib'an̈.

Pr 17:20

Toto maysch'olnil qui nab'enec, may b'a'n̈ xon 'oj quilc wach'il; toto tzon̈ paxtinec 'a chab'satil, 'oj jawc yailal 'a quib'n̈ec.