Pr 1:4 - Chuj San Sebastian Bible

⁴ A snib'b'en Salomón to tzq'uib' snab'en eb' quelem, eb' to mant 'a snab'en. Tz'ajx yojcoc 'el eb' jun tzo'n̈ nab'en tic, sec tzyil cot sb'a eb'.

Chuj San Mateo Bible

⁴ In gana to sjelanb'i spensar eb' quelemtac, eb' mantalaj spensar, to tz'ac'ji yojtaquejel eb', yic syil sb'a eb'.

Pr 1:4 Referans Kwoze

Pr 8:5

Ax wal ax tic, ex to mant 'a e nab'en, cuyc wal e b'a 'a jelnal. Yet' pax ex to tu e nab'en, sayc 'ec' pax wach' nab'enal.

Pr 8:17

A eb' tznib'j cuync jelnal, tz'ilchj yuj eb', ax eb' tznib'n jelnal cha, tz'ijx chan̈ eb' yu'uj.

Salmos 119:9

¿Tas wal smoj sb'on win quelem, sec tojl tzyutj win sb'eyb'al? Cojn to tzyiclj a paxti'.

Pr 8:32

A ticnec ex wunnal, 'ab'c wal tas 'oj alxoc 'ayex, b'eylb'ejc jelnal sec 'ayn̈j e tzaljc'ojlal.

Pr 8:12

A jelnal yitb'eym sb'a yet' wach' nab'enal. Tzyac' nachjoc 'el cujec sec wach' tzcutjec qui b'eyc'ojlwi.

Salmos 119:130

A yic tzcham wal yalx jun tzo'n̈ a paxti tic, a tz'a'n sacq'uinal, tzya'n jawc snab'en eb' 'anma 'emmquilal yeq'ui.

Tito 2:6

An̈jtona', tzcham aln pax 'a eb' quelmtac winac, to yowlal tzyac' cuenta sb'a eb'.

2 Ti 2:22

Caw man̈ a b'o jun tzo'n̈ maysch'olnil, 'icha tznib'j 'och eb' et quelmal. Caw tojl tzotj a b'eyb'al. Cojn Cajlil 'aj tza'ch a c'ojol. 'Ay cab' a chamc'ojlal. Junc'ojlal tzotj a b'a. 'Ixta tzyutj sb'a eb' may jac spaltail 'a sat Cajlil, yic tzyaln sb'a eb' 'a 'a.

Is 35:8

Ata 'oj 'ec' jun b'e, a jun b'e cha 'oj scuch Sb'e Eb' Yicxo Dios. A eb' man̈toc 'ic'b'il 'el smul 'a 'a, ma'oj stac' yec' eb' 'a jun b'e cha. A eb' maysch'olnil snab'en, ma'oj stac' sb'ey pax eb' ta'.

Pr 3:21

Ach wunnal, man̈ ac' sat a c'ojl 'a a jelnal yet' 'a a wach' nab'enal, man̈ e'l a sat 'a 'a.

Salmos 34:11

Ex 'unin cotn̈ec 'ayin, 'ab'xnan̈c 'a tas 'oj wala'. 'Oj ex in cuy 'a tas tzeyutj eya'n 'och e nab'en 'a Dios.

Salmos 19:7

A sley Jehová may wal jac spaltail, yujto caw tz'a'tb'i qui nab'enec yu'uj. A schecnb'il caw yel, tzyac' sjelnal eb' may xon jac tas tztac' yu'uj.

Ec 11:9

Ex quelmtac yet' ex cob'stac, tzaljan̈ec ya' sb'a caw te'n eyip; 'a'c tzaljoc e c'ojl 'a tas wach' ya' sb'a tztac' eyu'uj. 'Ixquec 'aj tze nib'j tzex 'ati, yet' tas tze nib'j tze b'o'o, palta tzeyojcan pax 'eli, to 'oj ex sb'eyc'ojloc Dios yuj smasnil jun tzo'n̈ tze b'o cha.

Salmos 116:6

A Jehová a tztan̈wni eb' 'emmquilal yeq'ui. A yic caw man̈x 'a wip, ax in coln 'eli.

Dt 4:6

Yicljec, tze b'eylb'an jun tzo'n̈ checnb'il tic; yu'uj 'ay e jelnal, 'ay pax e nab'en 'a sat jun tzo'n̈ xo chon̈ab'. A yic 'oj yab'nc eb' eyab'xil, ax yaln eb' 'ixtic: Caw jelan, caw 'ay snab'en jun nacion̈al eb' 'anma tic, 'oj schic eb' eyu'uj.