Pr 1:32 - Chuj San Sebastian Bible

³² A eb' mant 'a snab'en, 'oj cham eb' yuj sman̈ nab'enal; ax eb' tu snab'en, 'oj lajwc 'ejm eb', yujto may yel'ch junc nab'en tz'ajx 'a eb'.

Chuj San Mateo Bible

³² A eb' mantalaj spensar, ol cham eb' yuj sman̈ pensaril. Ol satel eb' chuc spensar, yujto malaj yelc'och razón tz'ac'ji d'a eb'.

Pr 1:32 Referans Kwoze

A Ch'an̈ Carta D'a Eb' Hebreo 12:25

Yuj cha, yowlal caw tzca'c cuenta qui b'a, sec matz qui patquiljec can 'el jun tzpaxtin 'ayn̈ec. A eb' patquiljnac can 'el Dios pecti', yic yaln 'a eb' 'a yolyib'n̈q'uinl tic, man̈ scoljnacc 'el sb'a eb'. Ocxom an̈ec tic, toxn ma'oj stac' qui colnec 'el qui b'a, toto tzqui patquiljec can 'el jun tzaln cot 'ayn̈ec 'a satcha'an̈.

Pr 8:36

A pax eb' matz chan 'ab'nc paxti yic jelnal, mun a eb' tzyij cot yailal 'a yib'an̈. A eb' tzpatquiln can 'el jelnal, a chaml wan yi'n cot eb' 'a yib'an̈.

Jn 3:36

A eb' tzya'ch sc'ojl 'a Yunnal Dios, 'ay sq'uinl eb' 'a jun 'ejmn̈ej. Palta a eb' matz ya'ch sc'ojl 'a 'a, ma'oj scha eb' sq'uinl 'a jun 'ejmn̈ej. 'Ay cot yowl sc'ojl Dios 'a yib'n̈ eb'.

Jeremías 2:19

An Jehová in, tztac' wuj smasnil, an tzwala: Mun wal a e mul 'oj 'a'nc jawc yailal 'a eyib'an̈. Mun wal a e tenmtaquil, a 'oj 'a'nc 'och 'a eyib'an̈. Nachj cab' 'el eyu'uj, chajtlto caw wal man̈ wach'oc, yujto in eyactj can an Jehová e Diosal in tic. Tzwa'ch yailal 'a eyib'an̈, yujto may wel'ch xon jac 'a e sat.

A Ch'an̈ Carta D'a Eb' Hebreo 12:8

Q'uinloc matz on̈ yac' cuenta, 'icha tzyutj ya'n cuenta eb' yunnal smasnil. Toto 'ixta', man̈ on̈ yunnaloc, ton̈j mitz' 'anma cajc 'a sat.

Salmos 69:22

A wal jun tzo'n̈ sq'uin̈ eb' tzlaj ya'chi, meltzj cab' 'och 'a eb' 'icha junc ch'an̈ ya'al, juw cab' 'el eb' yu'uj. 'Och cab' yailal spacc 'a eb'.

Santiago 5:5

Caw wach' tzex 'ec' 'a yolyib'n̈q'uinl tic, caw b'ut'nn̈ej yol eyatut yet' jantcn̈ej tas. Toxn̈ej tz'ixtx eyu'uj. 'Icha junc wacx tz'ajx servil caw b'aq'uech, ax smilxi, 'ixta 'ex. Ton̈j tzeyac' e gana jab'oc.

Pr 1:22

Ex quelm to mant 'a e nab'en, ton̈j tzex laj b'uchwji. ¿B'a'n̈ wal 'oj eyactc e tzalj yet' e man̈ nab'enal cha? ¿B'a'n̈ 'oj eyactc can e b'uchwji? ¿B'a'n̈ wal 'oj eyactc e patquiln can 'el jelnal?

Pr 5:22

A eb' maysch'olnil sb'eyb'al, mun a smaysch'olnilal eb' chi 'oj 'i'nc 'ejmi; mun a smul eb' chi 'oj jalnc 'ejm 'icha junc lasu.

Pr 8:5

Ax wal ax tic, ex to mant 'a e nab'en, cuyc wal e b'a 'a jelnal. Yet' pax ex to tu e nab'en, sayc 'ec' pax wach' nab'enal.

Is 66:4

Yuj cha, tox xin na'a tas yailal 'oj wac' jawc 'a yib'n̈ eb', a tas c'un xiw eb' yu'uj, a chi 'oj wac' jawc 'a yib'n̈ eb'. Yujto xcob' wawtc eb', palta ma'ix ta'w eb' 'ayin. In cob' 'awjoc 'a eb', palta ma'ix stz'ac eb' yab'i'; a tas matz in nib'ej, a chi sb'o eb', xchi Dios.

Dt 28:17

Caw wal may sch'olnil 'oj 'aj e trigo mto e cebada, may tas 'oj e c'uxu'.

Pr 2:18

Toto tzach 'at 'a jun b'e tzc'och 'a yatut junc 'ix 'ix cha, 'icha to wan a 'at 'a jun b'e tz'atcn 'a chamel.

Pr 9:18

Palta a eb' quelmtac winc cha, toc yojc eb' to a eb' winc 'awtxnac 'at yuj 'ix, to chamncxo eb'.

Pr 10:21

Yuj spaxti eb' wach' snab'en, til wal eb' tzb'o snab'en yuj spaxti eb' cha; ax eb' tu snab'en, mun tzcham eb' yuj stu nab'enal.

Pr 14:16

Toto 'ay qui nab'enec, tzon̈ xiwc 'a tas 'ay smay, tzqui'nec 'el qui b'a 'a scal maysch'olnil, ax toto tu qui nab'enec, caw tzqui b'an̈c qui b'a, may yel'ch junc tas 'a qui satec.

Am 6:1

Ex syajlil Sión yet' ex syajlil Samaria, mayn̈j tas tze na'a yujto cojxn̈ej e nacion̈ 'ay yel'ch eyalni. Smasnil eb' eyit chon̈ab', tzlaj yic' 'ejm sb'a eb' 'ayex, palta caw 'oltac ex, yujto 'ay tas 'oj jawc 'a eyib'an̈.