Pr 1:28 - Chuj San Sebastian Bible

²⁸ A wal 'a jun c'ul cha, 'ojt cob' e c'an in colwal, palta man̈x 'oj in ta'w 'ayex; 'ojt cob' eyal e b'a 'ayin, palta man̈x 'oj wab' tas tzeyala,

Chuj San Mateo Bible

²⁸ A d'a jun c'ual chi', ol ex te avaj d'ayin, palta man̈xo ol in tac'voclaj d'ayex. Ol eyal e b'a d'ayin, palta man̈ ol vab'laj.

Pr 1:28 Referans Kwoze

Miqueas 3:4

'Ay wal jun c'ual, 'oj cob' to eyawtc Jehová, palta man̈x 'oj ta'wc 'ayex. A wal 'a yic jun c'ul cha, 'oj sc'ub'c 'el sb'a 'ayx yuj tas maysch'olnil 'ix e b'o'o, xin chi 'a eb' yajl cha.

Santiago 4:3

Wach'xam tze c'ana, palta matz 'ajx 'ayex, yujto maysch'olnil tzeyutj e nab'en yic tze c'anni. Enani to 'oj 'ajxoc 'ayex, yic tze lajn 'a spatc jun tzo'n̈ maysch'olnil tze nib'j 'ochi.

Zacarías 7:13

'Ix waln 'ixtic: 'Icha wal 'ix yutj sb'a eb', ma'ix schaj eb' yab' 'ayn an Jehová in, yic in paxtin 'a eb', an̈jtona 'ixta 'in pax jun xo, a yic 'ix tew eb' 'ayin, ma'in ta'w 'a eb'.

Jeremías 11:11

Yuj cha, an Jehová in, an tzwala, to 'oj wa' cot yailal 'a yib'n̈ eb', man̈x 'oj stac' s'at eb' 'elc 'a 'a. Wach'xam 'oj 'el yaw eb', ax sc'ann eb' in colwal, palta man̈x 'oj in ta'w 'a eb'.

Is 1:15

A yic tzcob' ex leslwi, tzlaj cob' e mojchan̈ e c'ab' 'ayin, palta 'oj in c'ub'c 'el in sat 'ayex. Wach'xam cob' niwn tas tzeyal 'a e lesl cha, ma'oj wab'i', yujto milm ex cham 'anma'.

Job 27:9

A yic 'ayx 'och syailal eb', man̈x 'oj scha Dios yab' tas 'oj yal eb'.

Jeremías 14:12

Wach'xam tz'och eb' 'a c'ajb'c'ojlal, palta ma'oj in ta'w 'a eb'. Wach'xam caw niwn xajmb'al tzyac' tz'a eb', wach'xam pax caw niwn sat 'awb'en tzyij cot eb' ofrendail 'ayin, palta ma'oj in tzalj yet' eb'. 'Oj wac' satl eb' yuj owal, yuj wejel, yuj yab'il, xchi 'ayin.

Salmos 18:41

'Ix cob' sc'an eb' colwal, palta may mach xcoln eb'. 'Ix cob' yal sb'a eb' 'aych Mamin Jehová, palta toc ach ta'w 'a eb'.

Ez 8:18

'Oj wa' cot wal yowl in c'ojl 'a yib'n̈ eb', man̈x 'a in niwnc'ojlal 'a eb'. Wach'xam 'oj cob' 'el yaw eb' yaln sb'a 'ayin, palta ma'oj wab' tas tzyal eb' cha, xchi Dios 'ayin.

Job 35:12

Tzcob' yal sb'a eb' tz'ixtx chi 'a Dios, palta matz ta'w 'a eb', yujto caw wal tu sb'eyb'al eb', b'an̈quintac pax eb'.

A Ch'an̈ B'ab'el Libro Samuel 8:18

A 'a jun c'u cha, 'oj cob' eyal e b'a 'a Jehová yuj tas 'oj ex yutc win e reyl 'oj e si'l cha, palta man̈x 'oj ta'wc 'ayex, xchi.

Pr 8:17

A eb' tznib'j cuync jelnal, tz'ilchj yuj eb', ax eb' tznib'n jelnal cha, tz'ijx chan̈ eb' yu'uj.

Gn 6:3

Yuj cha, xyaln Jehová 'ixtic: Man̈x 'oj in tench wann̈ej eb' 'anma tic 'a smaysch'olnilal, yujto chamlb'a 'anman̈ej eb', cojxn̈ej 120 ab'il tz'ec' 'anma 'a yolyib'n̈q'uinl tic, ax satl eb', xchi.

Os 5:15

Cojn cha, ax in meltzj mu'c 'a wet'l 'aj 'ayn 'eq'ui, masnto 'oj yojcoc 'el eb' to 'ajmul eb', ax sjaw eb' wul yal sb'a 'ayin. Scal syailal eb', ax yaln sb'a eb' 'ayn 'a smasnil sc'ojol, xchi Dios.

Salmos 66:18

Q'uinloc ma'ix in na in b'a yuj in mul, to 'ixta', ma'ix schaj sc'ojl am Cajlil yab'n tas xwala.

Pr 15:29

Caw najt yajl Jehová 'a stz'ey junc maysch'olnil sb'eyb'al, palta toto tojl snab'en, caw chab'il slesl yu'uj.

Os 5:6

'Oj eyac' e calnelu yet' e wacx xajmb'al-l 'ayn an Jehová in yuj e c'ann in colwal, palta man̈x 'oj wab' tas tzeyala, 'oj wi'l in b'a 'a e cal.

Dt 1:45

Ax yic ex laj japxi, xlaj eyamn 'och eyoc' 'a yojltac Jehová, palta man̈x 'ic yab' Jehová tas xeyal cha.

Salmos 18:42

Caw choc' x'aj eb' wu'uj. 'Icha wal pococ, 'ixta 'ix 'aj yijx 'at eb' yuj 'ic'. 'Ix in te'cn 'ejm eb' 'a sat lu'um, 'icha wal tz'aj ste'x can 'ejm b'i'ch 'a yoltc b'e.

Am 8:12

'Oj oyb'xoc 'ec' eb' 'anma sayn 'ec' mach tzaln 'el in paxti'. 'Oj 'at eb' 'a sti a Mar Muerto, masnto 'oj c'och eb' 'a sti a Mar Mediterráneo. 'Oj 'ec' eb' 'a schan̈paq'uil yolyib'n̈q'uinal, palta may mach 'oj 'ilchjoc yuj eb'.