Pr 1:27 - Chuj San Sebastian Bible

²⁷ 'Icha junc chacxuxm 'ic' tz'a'n lajwc 'el smasnil tas, 'ixta wal 'oj 'aj sjaw tas tz'i'n cot xiwc'ojlal 'a eyib'an̈: atn yailal, somc'ojlal yet' cusc'ojlal.

Pr 1:27 Referans Kwoze

Ro 2:9

Jantcn̈ej eb' tzb'on maysch'olnil, caw 'oj yab' eb' syal si'mb'il. Caw cusc'ojlal yic eb'. Yel xo wal 'oj 'ajxc 'och 'a yib'n̈ eb' wit israelal. 'Oj 'ajxc pax 'och 'a yib'n̈ eb' man̈ israeloc.

Nahúm 1:3

A Jehová, man̈ c'unoc scot yowal, palta caw 'ay spoder, yowlal tzya'ch yailal 'a yib'n̈ eb' tz'och smul. A 'a yib'n̈ chacxuxm'ic', ata tzb'eyq'ui, ax 'asun, 'icha spoccal yoc tzq'ue wa'an, 'ixta yaji.

1 Ts 5:3

A 'a yic jun tiempoal cha, 'oj cob' yal eb' 'anma 'ixtic: An̈ec tic, caw wach' cajec, toc 'ay tas tzqui na'ec, 'oj schic cob' eb'. Palta yajn̈j wal cha, ax satx can 'ejm eb'. 'Icha tz'aj sjaw syailal junc 'ix tz'alj yune', 'ixta 'oj 'aj sjaw syailal eb' cha. Wal yel, may junc eb' 'oj colchjoc can 'el 'a jun syailal cha.

Is 17:13

Palta ax yic 'oj tenxoc 'och wan eb' yuj Dios, wach'xam tzc'an̈ yec' eb', palta ma'oj yil eb' s'at 'eloc, lajn 'oj 'aj eb' 'icha tz'aj yutz'x 'at solcal trigo yuj 'ic' 'a caltc te', mto 'icha tz'aj yutz'x chan̈ pococ yuj chacxuxm'ic', 'ixta 'oj 'aj eb'.

Salmos 58:9

Lajw cab' 'ejm eb' mu'c 'icha te q'uix tzmolb'tzax 'och 'a yaln̈ chen, yajn̈ej tz'a 'ejmi. Toxn matz xej xon jun chen chi yu'uj.

Job 27:9

A yic 'ayx 'och syailal eb', man̈x 'oj scha Dios yab' tas 'oj yal eb'.

Jeremías 23:19

Caw maysch'olnil eb', yuj cha, 'oj wic' 'ejm eb' yet' yowl in c'ojol, lajn yowl in c'ojl chi 'icha junc niwquil yaxn̈ab' to caw 'aych yic'al, caw ji'lti sjawi.