Pr 1:23 - Chuj San Sebastian Bible

²³ Chajec eyab' 'a 'ajtil 'oj ex in tench wa'an. 'Ixta 'oj wutc wa'n in c'ojlb'al 'ayex, 'oj wac' eyojcoc 'el in paxti'.

Chuj San Mateo Bible

²³ Chaec eyab' tas b'aj ol ex in cacha', tato icha chi', ol vac' in razón d'ayex, ol vac' eyojtaquejel in lolonel.

Pr 1:23 Referans Kwoze

Ez 33:11

An Jehová in, an tzwal 'ixtc 'a eb': Matz in nib'j to tzcham eb' tz'och smul, palta to tzin nib'j to tzjel eb' sb'eyb'al, sec pitzn eb'. Ex israel, 'actjec can jun tzo'n̈ e b'eyb'al cha, sec ma'oj e chami, xchi Dios.

A Tas Sc'ulejnac Eb' Schecab' Jesús Hechos 3:19

Yuj cha, nac e b'a. Jelc e b'eyb'al, 'a'c 'och e nab'en 'a Dios, sec wach' 'oj sucxoc sat e mul. Toto 'ixta', 'ay jun tiempoal 'oj jawoc, ax ya'n Dios tzaljc'ojlal 'ayn̈ an̈ israel on̈c tic.

Jl 2:28

A yic 'oj jawc jun slajb' tiempoal, 'oj wa'ch Wespíritu 'a smasnil 'anma'. Ax eb' 'unnab'il yet' eb' 'islab'il 'oj alnc 'el in paxti'. A eb' 'ichmtac 'anma', 'oj in paxtin 'a eb' 'a swayich, ax eb' quelmtac, 'oj in ch'ox jun tzo'n̈ tas 'a eb', 'a 'icha waychil.

Is 32:15

'Ixta 'oj 'ajoc masnto 'oj jawc Yespíritu Jehová 'a quib'n̈ec jun 'ejm xo, yuj cha 'oj yaxb'oc sat lum cusltac lu'um, man̈x jantcoc sat 'awb'en 'oj ya' lu'um.

A Tas Sc'ulejnac Eb' Schecab' Jesús Hechos 26:20

Yuj cha, a 'a Damasco chi in b'ab'l aljnac 'el spaxti Dios. Xlajw cha, x'ec' walnc 'el 'a Jerusalén yet' 'a junjn chon̈b' 'a yol yic Judea cha. Xwaln pax 'a eb' man̈ israeloc, chajtlto tzna sb'a eb', tzya'n 'och eb' snab'en 'a Dios. Waln pax 'a eb' to yowlal wach' tzyutj eb' sb'eyb'al, sec chequel to yel tzna sb'a eb'.

Lc 11:13

Ax tic, wach'xam may e ch'olnil, palta eyojc tas tzeyutj eya'n jun tzo'n̈ tas wach' a eb' eyunnal. Ax qui Mamc 'ayc' 'a satcha'an̈, yel xo wal 'oj yac' Yespíritu 'a eb' tzc'ann 'a 'a, xchi Jesús 'a eb'.

Zacarías 12:10

'Oj wac' jun espíritu yic wach' nab'enal 'a eb' yin̈tl David yet' 'a eb' cajn 'a Jerusalén, sec wach' 'oj leslwoc eb' 'ayin. Ax yic 'oj in yilnc eb' tecjnac in, 'oj 'oc' eb' 'icha yoc' junc mach tzcham jun c'otn̈ yunnal, mto yuj junc sb'ab'l 'unnal.

Pr 12:1

Caw 'ay qui nab'enec toto tzqui chajec 'ajxoc cuenta qui b'a, ax toto matz qui chajec 'ajxoc cuenta qui b'a, caw may qui nab'enec.

Is 45:8

An 'oj wa' cot tojlal 'a satcha'an̈, 'icha tz'aj scot chicb'cha'an̈, 'icha pax tz'aj scot n̈ab' 'a scal 'asun, ax lum lum tzchan yemli. Niwtj cab' colnb'il 'icha sat te 'awb'ente', ax tojlal, pojl cab' 'icha te snich te', yujto an Jehová in, an 'oj wac' 'el'choc, xchi.

Pr 29:1

A mach pit tzyutj sb'a, wach'xam niwn 'ejm tz'ajx cuenta, a jun cha, caw ji'lti 'oj 'aj slajw 'eli, man̈x 'oj stac' scoln sb'a.

Pr 10:17

A eb' tzchan 'ab'nc tennb'ilal, 'oj 'ilchjoc sq'uinl eb' yu'uj; ax eb' matz chan 'ab'noc, 'oj satl eb'.

Salmos 145:1

Ach in Diosal, 'oj wal-li to niwn ton wal el'chi, Reych paxi, 'oj wal wach' paxti 'ayach.

Os 14:1

Ex wit israelal, meltzjan̈c 'a Jehová qui Diosal. Wach'xam ex telw 'ejm yuj e mul.

Jeremías 3:14

'Ix yaln pax Jehová 'ixtic: Ex in chon̈b' to caw tenmtac, meltzjan̈c cot 'ayn an e Yajlil in tic. Junjn ex, 'oj ex wi' cot 'a junjn chon̈ab'. Chatcwan̈il 'oj ex wutc ex wi'n cot 'a junjn macn̈ 'in̈tal. 'Ixta 'oj ex wutc wi'n meltzjoc 'a Sión.

Pr 1:30

Matz e nib'j pax tze chaj eyab' tas tzwala; tze patquilj can 'el jun tennb'il tzwac' 'ayex.

Pr 6:23

Yujto a jun checnb'il tic yet' jun cuynb'il tic, lajn wal eb' 'aych 'icha junc cantil 'aych sc'aq'uil. A tennb'il yet' wach' nab'enal, a tzach 'i'n 'at 'a jun b'e yic q'uinal.

Pr 1:25

Palta ax tz'aji to tze patquilj can 'el tas tzwala; matz e chaj eyab' 'ajtil tzex in tench wa'an.

Jn 7:39

'Ixta xyutj yalni, chajtlto a eb' tzya'ch sc'ojl 'a 'a, 'oj 'ajxc 'och Yespíritu Dios 'a eb'. A 'a jun tiempoal cha, mantzac 'ajx Yespíritu Dios 'a eb', yujto mantzac pax q'ue Jesús chi 'a satcha'an̈.

Jl 2:27

Ax snachj 'el eyuj ax israel ex tic, to an Jehová in, caw 'ayn 'ec' 'a e cal. Cojn in ton e Diosal in, may junc xo. Man̈x 'a b'a'n̈ 'oj e can 'a q'uixwc'ojlal.

Jl 3:1

A wal yic 'oj jawc jun c'u cha, caw 'oj wi'xq'ue'ch Judá yet' Jerusalén tic 'a swach'l jun 'ejm xo.