A Scarta San Pablo D'a Eb' Aj Filipos 4:9 - Chuj San Sebastian Bible

⁹ Caw tze b'eylb'ej jun tzo'n̈ cuynb'il, yet' jun tzo'n̈ xo tas xeyab' 'ayin. Jantcn̈ej tas eyab'jnac 'ayin, yet' tas eyiljnac, a chi tze b'eylb'ej. Toto 'ixta tzeyutj e b'a, ax Dios 'oj 'och eyet'oc. Atn Dios tz'a'n qui junc'ojlalec.

Chuj San Mateo Bible

⁹ Tze b'eyb'alej juntzan̈ c'ayb'ub'al yed' juntzan̈xo tas eyab'naccan d'ayin. A jantac tas eyilnac yed' tas eyab'nac d'ayin, a chi' tze b'eyb'alej. Tato icha chi' tzeyutej e b'a, axo Dios, jun tz'ac'an co junc'olal, a ol och eyed'oc.

A Scarta San Pablo D'a Eb' Aj Filipos 4:9 Referans Kwoze

Santiago 1:22

Qui yiclquec tas tzyal spaxti Dios. Man̈toc ton̈j tzqui macljec cab'i'. Toto ton̈j tzqui macljec, mun wan quixtnec paxti qui b'a qui nan 'es.

A Scarta San Pablo D'a Eb' Aj Filipos 3:17

Ex wu'tac, ex wanab', caw tze b'eylb'ej in b'eyb'al tic. An̈ tic on̈, tox xqui ch'ox jun wach' b'eyb'al eyil on̈. Yuj cha, 'iltec sb'eyb'al eb' lajn sb'eyb'al quet' on̈, sec tze b'eylb'ej pax 'ixta'.

A Schab'il Carta San Pedro 1:10

Yuj cha, ex wu'tac, ex wanab', caw tzca'c quip cojcan 'el si'mb'il, chajtlto caw yel 'awtb'iln̈ec yico'oc, sic'b'iln̈ec xo 'el yu'uj. Toto 'ixta tzcutjec qui b'a, may b'a'n̈ 'oj juwc 'el qui nab'enec.

Jn 13:17

Toto tznachj 'el jun tzo'n̈ tic eyu'uj, tzeyiclni, caw wach' eyico'.

A Scarta San Pablo D'a Eb' Aj Filipos 4:7

Toto 'ixta tzcutjec qui b'a, 'oj yac' Dios sjunc'ojlal 'ayn̈ec. A sjunc'ojlal tic, matz nachj 'el cujec, yujto man̈x 'a yalnb'il jantac. A sjunc'ojlal tic, a tztan̈wni qui pixnec, yet' qui nab'enec, yujto yic on̈c xo Cristo Jesús.

Ro 16:20

A Dios 'a'm junc'ojlal, a 'oj 'a'nc e tec' 'ejm win Satanás muc'uc, caw 'oj can win 'a yaln̈ eyu'uj. Tzin nib'j tzyac' Cajlil Jesucristo swach'c'ojlal 'ayx ta'.

2 Co 13:11

Al ticnec ex wu'tac, ex wanab', 'ay cab' e tzaljc'ojlal ta'. Caw tze wach' b'oj e nab'en, 'ayx cab' e niwnc'ojlal. Junxn̈ej tzlaj eyutc e nab'en, junc'ojlal xoj tzlaj eyutc e b'a ta'. A Dios, 'a'm junc'ojlal, 'a'm pax chamc'ojlal, a 'oj 'och eyet'oc.

Lc 6:46

¿Tas yuj tzeyal 'ayn 'ixtic: Mamin, Mamin, xe chi, palta matz eyiclj 'icha tas tzwala?

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Mt 7:21

'Ay eb' tzaln 'ayn 'ixtic: Mamin, Mamin, xchi eb', palta man̈ smasniloc eb' 'oj 'och 'a yol sc'ab' jun 'aj satcha'an̈. Cojn eb' tzb'on 'icha tznib'j in Mam 'ayc' 'a satchan̈ cha, cojn eb' 'oj 'ochoc.

2 Ts 3:4

Tzca'ch Cajlil yipc qui c'ojl eyuj on̈, chajtlto wan eyiclni jun tzo'n̈ checnb'il caljnac can 'ayx on̈, ax eyiclni pax 'a smasnil tiempo.

1 Ts 1:6

Ax xo, xeyamch e b'eylb'an qui b'eyb'al on̈. Xe b'eylb'an pax sb'eyb'al Cajlilec. Wach'xam caw xeyab' syail, yic e chan spaxti Dios, palta caw tzaljc'ojlal chab'il eyu'uj. Yujto a Yespíritu Dios 'a'jnac e tzaljc'ojlal.

1 Ts 5:23

A Dios 'a'm junc'ojlal. Tzqui nib'j on̈, a tzex wach' 'i'n 'och yico'oc si'mb'il. Tzqui nib'j pax on̈, a tz'a'n cuenta e pixan, e nab'en, yet' pax e niwnal, sec may jac e mul ax sjaw Cajlil Jesucristo.

Ro 15:33

A Dios 'a'm junc'ojlal, tzin nib'ej a tz'och eyet' e masnil ta'. 'Ixta cab' tz'aji.

Jn 2:5

Palta 'ix yaln snun chi 'ixtc 'a eb' tz'a'w servil cha: —Jantcn̈ej tas 'oj yal Jesús 'ayex, tze b'on̈ej, xchi 'a eb'.

Lc 8:21

Palta 'ix yaln 'ixtc 'a eb' 'ayc' yet' cha: —Tzann̈j mach tz'ab'n spaxti Dios, toto tzyiclej, atn wal eb' chi 'icha in nun, 'icha wu'tac yaji, xchi 'a eb'.

1 Ts 2:14

Ex wu'tac, ex wanab', caw lajn ex 'aj yet' eb' creyente 'a junjn yiglesia Dios 'a yol yic Judea. A eb' cha, yic xo Cristo Jesús eb' quet'ec. Caw xyab' eb' syal yuj eb' yit israelal. An̈jtona', 'ixta ex. Xeyab' syal yuj eb' eyit chon̈b' jun xo.

1 Co 10:31

Palta tzwal't 'ayex, wach'xam tzon̈ wa'ec, mto tzcu'jec junc tas, tzann̈j cab' junc xo tas tzqui b'o'ec, yowlal caw wach' tzcutjec qui nab'en, sec wach' 'oj checljoc 'el swach'l Dios.

Dt 5:1

'Ix ya'n Moisés syam sb'a eb' yit chon̈b' smasnil. 'Ix yaln 'a eb' 'ixtic: Ex wit chon̈ab', 'ab'tec wal jun tzo'n̈ checnb'il yet' jun tzo'n̈ cuynb'il tzwalcn eyab'i'. Yowlal to 'oj e cuyu', ax e b'eylb'ani.

A Tas Sc'ulejnac Eb' Schecab' Jesús Hechos 9:6

Ax Saulo cha, caw x'ib'x chan̈ win yuj xiwlal. —Mamin, ¿tas tza nib'j tzin b'o'o? xchi winac.] —Q'uen̈ wa'an, 'ixc 'a chon̈ab'. Ata 'oj alxoc 'ayach, tas yowlal 'oj a b'o', xchi Jesús.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

2 Ti 4:22

Tzin nib'j 'aych Cajlil Jesucristo et'oc. Ya' cab' Dios swach'c'ojlal 'ayx e masnil ta'. [Ya' cab'i'.]

1 Co 14:33

Toto ton̈j tzon̈ somljiec calni, man̈oc 'a Dios tzcot jun cha. Yujto tznib'ej, sictac tzon̈ 'ajec. A sb'eyb'al eb' creyente 'a junjn iglesia, caw sictac tz'aj eb' 'ix 'ix.

Jn 15:14

Ax tic, toto tzeyiclj jun tzo'n̈ in checnb'il, to 'ixta', in wach'c'ojl ex.

1 Jn 3:22

Toto 'ixta', tzann̈j tas tzqui c'anc 'a 'a, 'oj yac' 'ayn̈ec, yujto wan qui yiclniec jun tzo'n̈ schecnb'il, wan qui b'onec smasnil tas 'icha tznib'ej.

Mt 1:23

'Ay jun cob's 'ix, mant 'a xon junc winc tzyi'aj, palta 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel, xchi. (Emanuel tzyal 'el'chi, 'ayc' Dios quet'oc).

Is 8:10

'Oj cob' e mol aloc tas 'oj eyutc e b'a, palta ma'oj scha sb'a eyalni; 'oj cob' eya'ch 'a yoclemal tas 'oj e b'o', palta ma'oj stac' eyu'uj, yujto 'ayc' Dios quet' on̈.

1 Co 4:16

Yuj cha, tzin tew 'ayex, caw tze b'eylb'ej in b'eyb'al tic.