A Scarta San Pablo D'a Eb' Aj Filipos 4:19 - Chuj San Sebastian Bible

¹⁹ Yuj cha, a qui Diosalec 'oj 'a'nc jantcn̈ej tas 'ay tz'och eyu'uj. Yujto man̈x jantcoc tastc wach' 'ay 'a 'a. Atn jun tzo'n̈ chi tzyac' 'ayn̈ec an̈ yic on̈c xo Cristo Jesús.

Chuj San Mateo Bible

¹⁹ Yuj chi', a co Diosal ol ac'an masanil tas tz'och eyuuj. Yujto man̈ jantacoc tas vach' ay d'ay. Aton juntzan̈ chi' syac' d'ayon̈ a on̈ yic on̈xo Cristo Jesús tic.

A Scarta San Pablo D'a Eb' Aj Filipos 4:19 Referans Kwoze

Salmos 84:11

Mamin Jehová qui Diosal ach on̈, ach tzac' sacq'uinl 'ayn̈ on̈. Tzon̈ a tan̈wj paxi, tza'n pax a wach'c'ojlal 'a yib'n̈ eb' tzb'on stojlal. Matz ej 'ec' tas wach' 'a eb'.

A Sb'ab'el Carta San Pedro 5:10

A 'a yic 'oj lajwc cab'nec syal jab'oc tiempoal, ax Dios 'oj on̈ swach' tz'acb'tzoquec, 'oj swach' 'a'c qui te'nalec, yet' quipec. Caw 'oj on̈ smolc ta'. Yujto a Dios, man̈ jantcoc swach'c'ojlal tzyac' 'ayn̈ec. A on̈ 'awtnec 'och yico'oc, sec wach' a jun caw swach'il, a 'oj yac' 'ayn̈ec 'a jun 'ejmn̈ej, yujto junxn̈ej cajc yet' Jesucristo.

1 Ti 6:17

Ax eb' creyente rico yuj tastc 'ay 'a yolyib'n̈q'uinl tic, tzal jun tzo'n̈ checnb'il tic 'a eb'. Tzcham wal aln 'a eb', to matz tac' sb'an̈n sb'a eb'. Matz tac' ya'n 'och eb' sricoal yipc sc'ojol, yujto may jac syal tz'aj slajw pax 'eq'ui. Tzaln pax 'a eb', to cojxn Dios pitzan, a tzya'ch eb' yipc sc'ojol. Yujto a tz'a'n smasnil tas 'ayon̈, sec tzon̈ tzalj yet' jun tzo'n̈ cha.

Miqueas 7:7

Palta an xo pax an tic, a Jehová 'aych yipc in c'ojol. Cojn Dios in Colmal yaji, a yipc'ojlal yaj wu'uj, yujto 'oj yab' tas 'oj wala'.

Malaquías 3:10

A ticnec jun, 'ijec cot smasnil e diesmo, tzwul eya'nc 'a sc'un̈ail 'ay 'a watut, sec wach' 'ay tas tzc'ux eb' tzin 'a'n servil. An Jehová in, tztac' wuj smasnil, an tzwala: 'A'nec prowal nab'an, ax eyilni 'icha to 'oj in jac sc'un̈ail satchan̈ 'ayex, ax in secn 'emt yaxilal 'a eyib'an̈, man̈x 'a yet'l 'aj 'oj eyac'a'.

Nehemías 9:15

'Ix a'n pax sc'ux eb' tas tzcot 'a satcha'an̈, yic 'ay swejl eb'. Ax a a 'ix 'elt 'a sat q'ue'en, a 'ix yu'j eb' yic 'ay stacn̈til eb'. Xlajw cha, 'ix aln 'a eb' to tz'och eb' scaj lum lum 'aj 'ix ac' a ti a'n 'a eb'.

A Ch'an̈ Schab'l Libro Samuel 22:7

A yic 'ayn 'ec' 'a scal in somc'ojlal, xwaln in b'a 'a Jehová, xin c'ann scolwal in Diosal, 'ix yab'n yel waw yic 'ayc' 'a yol yatut, ¡'Ix c'och waw 'a schiquin!

Salmos 36:8

Ach tzac' tas tzqui c'ux on̈, tza'n cuc' a a caw wach', caw wal tzon̈ b'ut'j si'mb'il on̈.

A Scarta San Pablo D'a Eb' Aj Colosas 1:27

'Elnc 'a sc'ojol, to tzyac' cojcoquec 'eli. A jun tic, yel xo wal niwn yel'ch 'ayx ax man̈ ex israeloc. Atn jun tic x'ajx cojcoquec 'eli, to a Cristo cajn 'och 'a e pixn junjn ex quet' on̈. Yuj Cristo, tzca'nec 'och 'a qui c'ojol, to 'oj tz'acwc qui wach'l 'icha swach'l Dios.

Ef 3:16

Man̈ jantcoc swach'l qui Mam Dios. Yuj cha, tzin c'an 'a 'a, sec 'oj swach' 'a'c ste'nal e nab'en, ax swach' 'a'n spoder 'ayx yuj Yespíritu.

A Scarta San Pablo D'a Eb' Aj Colosas 3:16

Tzin nib'j tze wach' 'a'j 'och e nab'en 'a spaxti Cristo. Caw jeln tzlaj eyutc e cuylan e b'a, tzlaj e jucb'tzan e b'a. Tzlaj e b'itnoc jun tzo'n̈ salmo, yet' himno, yet' jun tzo'n̈ xo b'it yic Dios. A yic tzex b'itni, tzeyal wach' paxti 'a Dios 'a smasnil e c'ojol.

Ro 8:18

An tic tzin na'a, a jun tzo'n̈ yailal wan cab'nec syal ticnec, caw matz tza'wni 'a jun swach'l Dios 'oj sch'ox 'ayn̈ec 'a jun tiempoal cha.

Ef 1:7

Yuj wal sniwn chamc'ojlal, on̈ scolnec 'el yet' schic'l Yunnal, yic 'ix cham cujec. Caw xlajw can qui mulc yu'uj.

2 Co 4:17

A jun tzo'n̈ tas tzjaw 'a quib'n̈ on̈, may jac yel'ch 'a qui sat on̈, 'e'lb'an̈j yeq'ui. Palta yu'uj, 'oj qui cha jun caw niwn yel'ch on̈. A jun cha, man̈ jantcoc swach'il, 'ayc'n̈ej 'a jun 'ejmn̈ej.

Ro 9:23

'Ixta yutjnac Dios sch'oxn 'eli, to caw niwn yel'ch swach'il, yic 'ix 'o'ch sc'ojl 'ayn̈ec. Yujto yictax pecti', si'jnacn̈ec 'och yico'oc, sec wach' 'ay calnec quic 'a swach'l cha.

Ef 3:8

Jantcn̈ej eb' yic xo Dios wet'oc, yel xo 'ec'b'al yel'ch eb' 'a wib'an̈. Toxn may junc eb' yel xo niwn wel'ch 'a 'a. Palta yuj swach'c'ojlal Dios, ya'jnac wopiso tic. Yuj cha, tz'ec' walnc 'el 'a e cal ax man̈ ex israeloc, chajtlto man̈ jantcoc swach'l Cristo.

Salmos 130:7

Ex wit israelal, qui tan̈wquec scolwal Jehová, yujto caw tz'o'ch sc'ojl 'ayn̈ec, yelc'ojlal pax tzcolwj quet'ec.

Salmos 104:24

Mamin Jehová, man̈x alchjb'enoc tas b'ob'il o'oj. Smasnil jun tzo'n̈ tic, xa b'o yet' a jelnal; a lum lum tic, caw b'ut'n lum yet' smasnil a b'ob'en.

Ef 1:18

Tzin c'an 'a 'a, sec 'oj swach' jacc e nab'en, sec 'oj wach' nachjc 'el eyu'uj, tas 'aych yipc qui c'ojlec, atn jun 'aj 'awtb'iln̈ec yuj Dios. Ax swach' nachj 'el eyu'uj, chajtlto man̈x jantcoc swach'l jun quic 'oj yac' 'ayn̈ec, yujto yic on̈c xo.

Ef 2:7

'Ixta xyutj Dios 'ayn̈ec, sec wach' a yic 'oj jawc jun tiempoal, an̈j 'ijnoc 'oj sch'oxo', to niwn schamc'ojlal 'ayn̈ec. Ax sch'oxn pax swach'c'ojlal 'ayn̈ec, yujto junxn̈ej cajc yet' Cristo Jesús.

Ro 2:4

A Dios caw niwn swach'c'ojlal, caw 'ay sniwnc'ojlal. Man̈ comnoc tzcot yowal, palta tecn 'ayx may yel'ch jun tzo'n̈ tic 'a e sat. ¿Tom man̈ eyojcoc, to tzyac' niwnc'ojlal 'ayn̈ec, sec wach' tzqui nac qui b'a yu'uj?

2 Cr 18:13

'Ix ta'w Micaías 'ixtic: —Tzwac' in ti 'a Jehová, a wal tas 'oj yal in Diosal 'ayin, a 'oj wala', xchi 'a 'a.

Gn 48:15

Xyaln can win wach' paxti 'a yib'n̈ José 'ixtic: A Dios 'aj syicljnac in mam 'ichm Abraham, yet' in mam Isaac, a tzin tan̈wni yictax in 'alji yet' yic in b'ey cot 'a wojltac.

Dn 6:22

A in Diosal, a 'ix 'a'n cot jun yángel yic smacn sti e no león tic, sec may tzin yutj e no', yujto caw yojc Dios to caw may jac in mul. An̈jtona', may xon jac tas tu 'ix in b'o 'aych mamin rey, xchi Daniel.

Ro 11:33

A Dios, man̈ jantcoc swach'il, man̈ jantcoc sjelnal. Caw yojcn̈ej smasnil tas. May junc mach tztac' snachj 'el yu'uj, tas tzyutj Dios snan 'el tas tzb'o'o. May pax junc mach tznachj 'el sb'eyb'al Dios yu'uj.

A Sb'ab'el Carta San Pedro 5:1

A ticnec, tic tzwalb't jun tzo'n̈ checnb'il tic 'ayx ex anciano 'a junjn chon̈ab', yujto an tic, anciano in pax eyet'oc. Caw wiljnac Cristo, chajtl 'ajnc yab'n syail. 'Ay waln wic in chan swach'l eyet'oc, atn jun tot 'oj checljoc 'eli.

1 Ts 2:12

Caln pax 'ayx on̈, to caw wach' tzeyutj e b'eyb'al, 'icha tznib'j Dios. A on̈ 'awtnec 'och 'a yol sc'ab', sec 'oj tz'acwc qui wach'lec 'icha swach'il.

Ro 1:8

A jun tic tzin b'ab'l alj 'at 'ayex. Yuj Jesucristo, tzwa'n yuj diosal 'a qui Diosal eyu'uj, yujto 'ix pucb't eyab'xil 'a junjn chon̈ab', chajtlto caw tzeya'ch e c'ojl 'a 'a.

Jn 20:27

Xlajwn̈ej cha, xyaln 'ixtc 'a Tomás: —'Ilt in c'ab' tic, 'a'ch yune a c'ab' 'a yolnil tic. Tza'n pax 'och a c'ab' 'a yolnil in costl tic. 'A'ch a c'ojl 'ayin, man̈x a chab'c'ojloc a b'a, xchi Jesús.

Jn 20:17

—Man̈ in a yama', yujto mantzac in pax q'ue 'a 'aj 'ay in Mam. Palta 'ixic, 'at al 'a eb' wu'tac, yet' 'a eb' wanb' smasnil, chajtlto 'oj in pax q'ue 'a 'aj 'ay in Mam. A in Mam cha, e Mam pax wet'oc. A in Diosal, e Diosal pax wet'oc, xchi Jesús 'a 'ix.

Filemón 1:4

Caw tzwa'n̈j yuj diosal 'a Dios o'oj, yic tzin leslwi,

2 Co 12:21

Tzin xiw in 'at 'ayx jun 'ejm xo, toq'ue a qui Diosal 'oj 'a'nc in q'uixwloc eyu'uj. Toq'ue caw 'oj woc' eyu'uj, yujto 'a yictax yalan̈, caw niwn ex tze b'o maysch'olnil. Caw matz eyactj can e b'on jun tzo'n̈ maysch'olnil yet' e niwnal, atn 'ajmulal yet' jun tzo'n̈ xo tas caw q'uixweltac.

Nehemías 5:19

In leslwi 'ixtic: Ach in Diosal, nan cot yuj smasnil tas xin b'o 'a jun chon̈b' tic yic tza'n spac 'ayin, xin chi 'a 'a.

Mt 6:32

Yujto a eb' man̈ 'ojtnacoc Dios, caw tzya'ch eb' snab'en sayn 'ec' jun tzo'n̈ cha. Palta a qui Mam 'ayc' 'a satcha'an̈, a 'ojtnac, to 'ay tz'och jun tzo'n̈ chi cu'uj.

A Scarta San Pablo D'a Eb' Aj Filipos 4:7

Toto 'ixta tzcutjec qui b'a, 'oj yac' Dios sjunc'ojlal 'ayn̈ec. A sjunc'ojlal tic, matz nachj 'el cujec, yujto man̈x 'a yalnb'il jantac. A sjunc'ojlal tic, a tztan̈wni qui pixnec, yet' qui nab'enec, yujto yic on̈c xo Cristo Jesús.

2 Cr 31:8

A Ezequías yet' eb' yajl yaj yet'oc, a yic xyiln eb' jun tzo'n̈ xmolb'tzax cha, xyaln eb' wach' paxti 'a Jehová yet' 'a yib'n̈ schon̈ab', atn Israel.