A Scarta San Pablo D'a Eb' Aj Filipos 3:10 - Chuj San Sebastian Bible

¹⁰ Tzin nib'ej, tzin wach' 'ojquej 'el Cristo, sec a spoder yic xpitzw paxi, a tzyac' 'ayin. Tzin nib'j lajnn̈ej tzwutj wab'n syal yet'oc. Tzin nib'j 'icha x'aj schami, 'ixta tzin 'aj in cham jun xo.

Chuj San Mateo Bible

¹⁰ In gana tzin vach' ojtaquejel Cristo, yic smunlajoch spoder d'ayin, aton spoder ic'annacxi pitzvoc. In gana vab'an syail yed'oc. In gana lajan tz'aj in pensar icha ajnac spensar ayic schamnac,

A Scarta San Pablo D'a Eb' Aj Filipos 3:10 Referans Kwoze

Gl 2:20

A ticnec, 'icha to 'ac'b'iln̈ec q'ue 'a spenc culs yet' Cristo 'a sat Dios. Yuj cha, man̈xtoc pitzn on̈c ticnec. Atn Cristo pitzn yaj 'ayn̈ec. Axn̈ej sb'eyb'al tzqui b'eylb'ejc ticnec, yujto tzca'c 'och qui c'ojl 'a Yunnal Dios. Caw sch'oxjnac schamc'ojlal 'ayn̈ec, yujto ya'jnac cham sb'a cujec.

Ro 8:17

Yujto yunnaln̈ec xo Dios, yuj cha, 'oj qui chac jun qui macl 'oj yac' 'ayn̈ec, atn swach'l 'oj spojc' 'ayn̈ec. A jun chi 'oj qui chac yet' Cristo. Toto junn̈j tzcutjec cab'n syal yet'oc, to 'ixta', junn̈j 'oj cajc yet' 'a 'aj 'ay swach'il.

A Scarta San Pablo D'a Eb' Aj Filipos 3:8

Jantcn̈ej jun tzo'n̈ tas wa'jnac 'och yipc in c'ojol, may jac yel'ch 'a in sat ticnec. Yujto 'ay junx yel xo wach' tzin b'o'o, to tzwojquej 'el Cristo Jesús, atn Cajlilec. Yuj Cristo tic, c'uxn satnc 'el smasnil jun tzo'n̈ wa'jnac 'och yipc in c'ojl cha. Ax ticnec, 'icha c'alem xoj yaj 'a in sat, yujto tzin nib'j tzwique'ej Cristo 'a jun 'ejmn̈ej.

1 Jn 2:3

Toto tzqui yicljec jun tzo'n̈ schecnb'il Dios, to 'ixta', caw cojquec xo Dios cha.

A Scarta San Pablo D'a Eb' Aj Colosas 3:1

A ticnec, pitzwnacn̈ec pax yet' Cristo 'a sat Dios. Yuj cha, yowlal tzca'c 'at qui nab'en 'a jun tzo'n̈ tas 'ay 'a satcha'an̈, 'a 'aj wocn 'ejm Cristo 'a swach' c'ab' Dios.

A Scarta San Pablo D'a Eb' Aj Colosas 1:24

A ticnec, 'ayn 'och 'a yailal e mul eyujoc. Palta tzin tzaljn̈ej paxi. Yujto a yic tzwab'n syal yet' in niwnal tic, 'icha to tzin tz'acb'tzej syailal Cristo jac xo. A 'ix 'ab'n syal cuj an̈ yiglesia on̈c tic, yujto 'icha to sniwnal cajec.

2 Co 1:5

A ticnec, caw niwn tzcab'c syal yet' Cristo. Palta an̈jtona', yu'uj niwn tz'aj yajx sniwnal qui c'ojlec. 'Icha tzcab'c syail, 'ixta tz'aj yajx sniwnal qui c'ojlec.

A Sb'ab'el Carta San Pedro 1:3

Calc wach' paxti 'a Dios, atn 'a Smam Cajlil Jesucristo, yujto caw x'o'ch sc'ojl 'ayn̈ec. On̈ ya'nec 'aljoc pax 'a scha'ejmal, yujn̈ej to pitzwnac pax Jesucristo 'a scal eb' chamnac. Yuj cha, caw tzca'c 'och yipc qui c'ojol, to a 'oj 'a'nc qui q'uinlec.

2 Co 13:4

Yel toni, a yic yajx q'ue 'a spenc culus, 'icha to may spoder, palta yuj spoder Dios pitzn ticnec. An̈jtona an̈ tic on̈, 'icha to may qui poder yet' junx on̈; palta yuj spoder Dios, pitzn on̈ yet' on̈, sec wach' an̈ja ex ca'n servil on̈.

1 Jn 2:5

Palta a mach tzyiclni tas tzyala, wal yel 'ay schamc'ojlal 'a Dios si'mb'il. 'Ixta tzcutjec cojcan 'eli, to junn̈j cajc yet'oc.

Jn 17:3

Caw yel cojn ach Dios ach, a eb' 'ojtnac ach, an̈jtona yojc in pax eb' an checb'iln cot oj tic, atn eb' chi 'ay sq'uinl 'a jun 'ejmn̈ej.

Ro 8:29

Yictax pecti', yojc xon Dios to yic on̈ec. At xo ta si'jnacn̈ec can 'eli, sec wach' caw lajn tzon̈ 'ajc yet' Yunnal. 'Ixta 'on̈ yutjec Dios, sec wach' ax Yunnal, a tz'och qui b'ab'l 'u'tacoquec qui masnil.

Apoc 1:18

Pitzn in. Wach'xam in chami, palta pitzn in 'a jun 'ejmn̈ej ticnec. An tic, yajl waj 'a yib'n̈ chamel, yajl pax waj 'a jun lugar 'aj 'ay spixn eb' chamnac.

A Scarta San Pablo D'a Eb' Aj Colosas 2:13

A 'a yic yalan̈, chamnc ex 'a sat Dios yuj e mul, yuj pax to man̈ ex israeloc, may e circuncisión. Palta ax ticnec, junn̈j xyutj Dios ya'n e q'uinl yet' Cristo. 'Ix ya'n lajwc smasnil qui mulec.

Ef 4:13

'Ixta tzon̈ yutjec, sec wach' qui masnil, jun lajn 'oj cutquec ca'n 'och qui c'ojl 'a 'a. Ax qui wach' 'ojcan 'el Yunnal Dios. Toto 'ixta', 'oj te'nb'oc qui nab'enec. Caw lajn 'oj 'aj qui nab'enec 'icha Cristo, atn jun may jac spaltail.

2 Co 1:10

Jab'xoj wal man̈toc caw chamnc on̈ yuj jun niwn yailal chi 'on̈, ax Dios coljnacn̈ 'el 'a yol sc'ab' on̈. Wan on̈ scoln pax 'el ticnec on̈. 'Aych yipc qui c'ojl on̈, to an̈ja 'oj on̈ scol-l 'a jun tzo'n̈ yailal chi 'on̈.

Jn 10:18

An tic, 'oj wac' cham in b'a, yujto 'ixta tz'el 'a in c'ojol. May mach tztac' scomn 'i'n 'ec' in q'uinl tic, toto matz yal in c'ojol. 'Ay waln wic wa'n cham in b'a. An̈jtona', 'ay waln wic in chan in q'uinl tic jun 'ejm xo. Yujto 'ixta yaj yaln can in Mam jun schecnb'il 'ayin, xchi Jesús 'a eb'.

Mt 20:23

—Wal yel, 'oj eyajx prowal 'icha 'oj waji. 'Icha 'oj wutc wab'n syal an tic, 'ixta 'oj eyab' pax syal jun xo. Palta an tic, may waln wic ex wa'n 'em wocn 'a in wach' c'ab', mto 'a in surito. Yujto a qui Mam Dios a b'ojnac xoni, mach eb' 'oj 'em wocn ta', yuj cha, atn eb' 'aj 'oj 'ajxoc, xchi 'a eb'.

Jeremías 9:23

'Ix yaln pax Jehová 'ixtic: A eb' jelan, man̈ cab' yac' eb' tzaljoc sc'ojl yet' sjelnal. An̈jtona eb' 'ay yip, man̈ cab' yac' eb' tzaljoc sc'ojl yet' yip, an̈jtona eb' rico, man̈ cab' yac' eb' tzaljoc sc'ojl yet' sricoal cha.

Ro 8:36

Yujto tzyal 'ixtc 'a Ch'an̈ U'un̈: O'oj, yuj cha, junjn c'u, 'ijn tzon̈ smil cham eb' on̈, 'icha no calnelu tz'ijx 'at chamoc, 'ixta tzon̈ yutj eb' on̈, xchi 'a ch'an̈.

Gl 6:17

A ticnec, tzin nib'ej, man̈x 'a junc mach tzin 'ixtni. Yujto a jun tzo'n̈ sjech'l tic checl 'ayin, a tzch'oxni, to ya'mal in servil Cajlil Jesús.

A Schab'il Carta San Pedro 1:13

Tzin na'a, wach' tzex in jucb'tzej, tzwa'n e na cot jun tzo'n̈ tic, ya' sb'a pitzn in to.