Os 9:8 - Chuj San Sebastian Bible

⁸ A Dios, 'ix ya'ch jun schecb' stan̈malc eb' chon̈b' 'a yol yic Efraín, palta ax eb' 'anma chi tz'a'n 'ejm ch'an̈ yal 'a yol sb'e jun stan̈mal eb' cha. 'Intax to tzchichn 'och eb' 'a yatut Dios.

Chuj San Mateo Bible

⁸ A Dios ix yac'och eb' schecab' ex stan̈vej ex aj Efraín, palta tze b'oem yaal d'a yoltac sb'e eb' e tan̈vumal chi'. Inatax d'a stemplo Dios schichon e c'ool d'a eb'.

Os 9:8 Referans Kwoze

Os 5:1

Ex 'aj chon̈b' Israel, yet' ex ya'mal 'och sti eb' 'anma 'ayin, 'ab'tec wal tas 'oj wala', tze maclni eyab' ex yin̈tl eb' rey: A 'a eyib'n̈ ax tic, ata 'oj jawc jun yailal cha, yujto ax tic, 'icha wal junc ch'an̈ ya'al, 'ixta eyaj 'a chon̈b' Mizpa yet' pax 'a lum jolm witz Tabor.

Ez 3:17

Ach 'anma', tzach wa'ch stan̈malc chon̈b' Israel. Tzcham wal ab'n tas 'oj wal 'ayach, ach xo 'oj a paxtin in jelc 'a eb' 'anma tic.

Miqueas 7:4

A mach wach' to wal 'a scal eb', lajn wal 'icha te q'ui'ix. A mach tojl to wal tas tzb'o'o, lajn wal 'icha te cacwq'ui'ix. Palta jun, caw la'n xoj sjaw sc'ual yic 'oj 'ajxoc 'och yailal 'a yib'n̈ eb' yuj Dios, 'icha x'aj yaln 'el eb' schecb' yu'uj. Cojxn̈ej somc'ojlal 'oj niwtjoc chan̈ 'a scal eb' 'anma cha.

Is 62:6

Ex 'aj Jerusalén, xwa'cn 'och e tan̈mal 'a yib'n̈ smuroal e chon̈ab', sec sc'ual yac'wlil stew eb' eyu'uj. Ax tzex tew 'a Jehová cha, man̈ 'och cab' wan eyaln e b'a 'a 'a.

A Ch'an̈ Carta D'a Eb' Hebreo 13:17

Caw tzeyiclj tas tzyal eb' tzex 'a'n cuenta. Yiclum tzeyutj e b'a 'a eb'. Yujto a eb' cha, wan ex stan̈wni eb'. Yojc eb', chajtlto 'oj yac' eb' scuenta 'a Dios. Wach' tzeyutj e b'a, sec tzalj eb' yiln jun munljel cha, sec matz cus eb'. Toto tzeyac' cus eb' yuj e tenmtaquil, caw man̈ wach'c eyico'.

Jn 15:24

A jun tzo'n̈ milagro xlaj in ch'ox 'a scal eb', may junc xo mach tztac' yuj 'ixta'. Q'uinloc may milagro chi xin ch'oxo, to 'ixta', may smul eb'. Al ticnec, wach'xam xyil eb' jun tzo'n̈ cha, palta an̈ja schichn 'och eb' 'ayin, tzchichn pax 'och eb' 'a in Mam.

Ez 33:7

Ach 'anma', tzach wa'ch stan̈malc chon̈b' Israel. Tzcham wal ab'n tas 'oj wal 'ayach, ach xo 'oj a paxtin in jelc 'a eb' 'anma tic.

Lm 4:13

'Ixta 'ix uji, yuj wal smul eb' schecb' Dios yet' yuj smul eb' ya'mal 'och sti eb' 'anma 'a Dios, yujto til wal 'anma may smul 'ix smil eb' 'a yol chon̈ab'.

Lm 2:14

A eb' cob' tzyalch sb'a schecb'oc Dios 'a e cal, ton̈j ex yixtj paxti eb', 'esn̈j tas xyal eb' 'ayex. Ma'ix schecltej 'el eb' e mul, yuj cha, matz e jel e nab'en. 'Ix alx 'es paxti 'ayex, xeya'n 'och jun chi yipc e c'ojol.

Jeremías 31:6

Yujto 'oj jawc jun c'ual, a eb' tan̈wjum 'a lum jolmctac witz 'a yol yic Efraín, caw 'ip 'oj yal eb' 'ixtic: Cotn̈ec muc'uc, coyc 'a Sión 'a 'aj 'ayc' Jehová qui Diosalec, 'oj schic eb', xchi Dios.

Jeremías 14:13

In ta'w 'a 'ixtic: Palta Mamin Jehová, a eb' a checab', tzyal eb' 'a eb' a chon̈ab', to may owl 'oj 'ochoc, may wejl 'oj jawoc. Tzyal eb' to 'oj a'n̈j ab' junc'ojlal 'a 'aj cajn on̈ 'ec' tic on̈, xin chi 'a 'a.

Jeremías 6:17

'Ix wa'n 'och jun tzo'n̈ eyilmal, 'ix waln 'ayx 'ixtic: Macljec eyab' 'aj 'oj 'utz'xoc q'uen trompeta yuj jun tzo'n̈ eyilmal cha, xin chi. Palta 'ix eyaln 'ixtc 'ayin: Ma'ay, matz yal qui c'ojl tzcab'i, xe chi.

Jeremías 6:14

'Ixta pax eb' tzb'on yaj syailal eb' in chon̈ab', tzyaln eb' chajtlto wach'x yaj smasnil, tic pax to yel xo caw tu yaji.

Cantares 3:3

Xlajw cha, xin c'anb'n 'a eb' policia tztan̈wni jun chon̈b' cha, xwaln 'a eb' 'ixtic: ¿May am 'aj xeyil ni quelm chamc'ojlb'il wu'uj? xin chi 'a eb'.

A Ch'an̈ Schab'il Libro Yic Yab'ixal Eb' Rey 13:21

A yic jun 'el, 'ix 'at jun tzo'n̈ eb' israel smuc jun chamnc 'anma'. A yic wan sc'och eb' yet' 'aj tzmucx cha, 'ix yiln eb' sjaw nan̈l eb' moabita 'elc'al, yuj cha, toxn̈ej 'ix sb'al 'a'j 'och eb' jun chamnc chi 'aj mucn Eliseo, xlajw cha, 'ix 'at eb'. A yic 'ix c'och tennjoc jun chamnc chi 'a sb'acl Eliseo, 'ix pitzw pax jun cha, 'ix q'ue lin̈njoc.

A Ch'an̈ Schab'il Libro Yic Yab'ixal Eb' Rey 7:19

Palta ax jun stan̈mal win rey cha, 'ix ta'w 'ixtc 'a win schecb' Dios: Wach'xam to tzjac Jehová sventnual satcha'an̈, palta ma'oj 'el'chc 'icha tzotj aln cha, xchi. 'Ix ta'w Eliseo chi 'ixtic: 'Oj el jun chi yet' a sat, palta man̈x 'oj a wa 'ixim, xchi.

A Ch'an̈ Schab'il Libro Yic Yab'ixal Eb' Rey 7:2

'Ix ta'w win tztan̈wni win rey chi 'ixtc 'a win schecb' Dios cha: —Wach'xam tzjac Jehová sventnual satcha'an̈, palta ma'oj 'el'choc 'icha tzal cha, xchi. —'Oj el jun chi yet' a sat, palta man̈x 'oj a wa 'ixim, xchi Eliseo cha.

A Ch'an̈ Schab'il Libro Yic Yab'ixal Eb' Rey 5:27

Yuj jun xa b'o tic, a slepra Naamán cha, a 'oj 'ochcn 'ayach, yet' 'a eb' en̈tl 'a smasnil tiempo, xchi Eliseo. Ax yic 'ix spojn can sb'a Giezi yet' Eliseo, 'ayx 'och lepra 'a 'a, caw sacwecnac yilx 'icha q'uen che'ew.

A Ch'an̈ Schab'il Libro Yic Yab'ixal Eb' Rey 5:14

Xlajw cha, 'ix 'at Naamán, uc 'ejm 'ix 'ejm 'a yojl a Jordán, 'icha 'ix yutj Eliseo yalni. 'Ix b'ox can sniwnal, 'icha wal sniwnal junc quelm 'unin, caw sac 'ix 'ajcni.

A Ch'an̈ Schab'il Libro Yic Yab'ixal Eb' Rey 4:43

—¿Toc wal 'oj stac' wa'n jab' tic 'a jun ciente 'anma tic? xchi win schecb' cha. —'Ac' swa eb' 'anma tic 'ixim, yujto 'ixtc 'ix yutj Jehová yalni, 'oj wa eb', caw 'ayt 'oj ya'cn sobra, xchi Dios, xchi Eliseo.

A Ch'an̈ Schab'il Libro Yic Yab'ixal Eb' Rey 4:41

Xlajw cha, 'ix yaln Eliseo 'ixtic: —'Ijc cot jac 'ixm harina 'ayin, xchi. 'Ix ya'n 'ejm 'ixm harina chi 'a yol chen, 'ix yaln 'ixtic: —A ticnec 'ac' wa eb' 'anma tic jun 'ejm xo, xchi. 'Ix sc'uxn pax eb' 'anma jun cha, caw wach' xo xyab' eb'.

A Ch'an̈ Schab'il Libro Yic Yab'ixal Eb' Rey 2:21

Xlajw cha, 'ix 'at secnc 'ejm 'a yib'n̈ a spac'b'a cha, 'ix yaln 'ixtic: —'Ixtc 'ix yutj Jehová yalni: An 'oj in b'o jun a a tic, may b'a'n̈ to 'ay mach 'oj cham yuj a', may b'a'n̈ to may tas 'oj 'el 'a sat lum lum tic, xchi Jehová, xchi Eliseo.

A Ch'an̈ Schab'il Libro Yic Yab'ixal Eb' Rey 2:14

'Ix sma'n 'ejm jun spotl Elías chi 'a yib'n̈ a', 'ix yaln 'ixtic: ¿'Ajtil 'ay spoder Jehová sDiosal Elías? xchi. Wanto wal yejm te pichl chi 'a yib'n̈ a', ax x'aji, 'ix poj sb'a snan̈l a', 'ixta to b'i'an 'ix 'ec' Eliseo 'a yojl a'.

A Ch'an̈ B'ab'el Libro Yic Yab'ixal Eb' Rey 22:28

'Ix yalnto can win Micaías jab'x 'a win rey 'ixtic: Toto tzach meltzj 'a tzaljc'ojlal, to 'ixta', man̈oc Jehová xpaxtin 'ayn tzyal cha. Ex wit chon̈ab', tzcham e cuyn jun tic, xchi Micaías.

A Ch'an̈ B'ab'el Libro Yic Yab'ixal Eb' Rey 22:22

'Ix ta'w jun espíritu chi 'ixtc 'a 'a: 'Oj 'at woch 'a sti smasnil eb' schecb' win Acab cha, ax wa'n yac' eb' 'es 'a winac, xchi. Yuj cha, xyaln Jehová 'ixtc 'a 'a: 'Ixic, 'oj stac' oj 'icha tzal cha, xchi 'a 'a.

Ro 3:7

'Ay eb' tznan 'ixtic: A yic tzwac' 'es, wan in ch'oxn 'eli, to cojn Dios caw yel. Toto yel xo niwn yel'ch Dios yuj jun tzo'n̈ 'es tzwac' cha, ¿tas yuj a yic tzin b'eyc'ojlaxi tzin alx 'ajmulal? xchi eb'.

A Ch'an̈ B'ab'el Libro Yic Yab'ixal Eb' Rey 22:11

Ax win Sedequías, win yunnal Quenaana, 'ix sb'o win jun tzo'n̈ q'ue'en, 'icha sch'ac wacx 'ix 'aji. Caw 'ip 'ix 'awj cha'an̈, 'ix yaln 'ixtic: 'Ixtc wal xyutj Jehová yalni: A jun tzo'n̈ yechl sch'ac wacx tic, tzyal el'chi to a ep 'oj 'a'nc ganar eb' 'aj Siria, masnto 'oj a satl eb' smasnil, xchi 'a win rey cha.

A Ch'an̈ B'ab'el Libro Yic Yab'ixal Eb' Rey 22:6

Xlajw cha, 'ix ya'n win sreyl eb' israel chi syam sb'a eb' tzyalch sb'a schecb'oc Dios. Jab'xoj man̈ chan̈e'oc ciente eb', 'ix yaln win 'a eb' 'ixtic: —¿Tzam stac' 'at wa'nc owl 'a chon̈b' Ramot, 'a yol yic Galaad mto ma'ay? xchi win 'a eb'. —Mamin rey, 'ixc 'a owl cha, yujto a Jehová, a 'oj 'a'nc jun chon̈b' chi 'a yol a c'ab', xchi eb' 'a 'a.

A Ch'an̈ B'ab'el Libro Yic Yab'ixal Eb' Rey 18:19

A ticnec, checb't yi'mal cot smasnil eb' quit israelal, yet' eb' 450 schecb' Baal, yet' pax chan̈e ciente eb' schecb' Asera, atn eb' tz'ajx wa yuj 'ix Jezabel. Al 'a eb' to ata tzin chaj in b'a yet' eb' 'a lum jolm witz Carmelo, xchi Elías 'a Acab cha.

A Ch'an̈ B'ab'el Libro Yic Yab'ixal Eb' Rey 18:1

'Ix 'ec' 'oxe ab'il yic may n̈ab', xlajw cha, 'ix yaln pax Jehová 'ixtc 'a Elías: 'Ixic, 'at ch'oxx a b'a 'a win Acab, yujto 'oj wa'x cot n̈ab' 'a sat lum lum tic, xchi.

A Ch'an̈ B'ab'el Libro Yic Yab'ixal Eb' Rey 17:1

'Ay jun schecb' Dios Elías sb'i, ata cajn 'a chon̈b' Tisbe 'a yol yic Galaad. A aljnac 'ixtc 'a win Acab: An tic schecb' in Jehová qui Diosalec an̈ israel on̈ tic. 'A sat tzwaln can 'ayach, to man̈x 'oj yac' n̈ab' jaye'oc ab'il, man̈x 'a xon chicb'chan̈ 'oj 'em 'a 'ac'wal, masnto an 'oj walxi, xchi.

Salmos 124:7

Ma'on̈ ya'c ganar eb' qui canc 'a sya'al. On̈ colchjec 'el 'a yol sc'ab' eb', 'icha tzyac' junc no ch'ic tz'el 'a junc ya'al, 'ixta 'on̈ 'ajec.

Ec 9:12

An̈ 'anman̈ec tic, man̈ cojcoquec jantc qui q'uinal; 'icha tzyac' no chay tzcan 'a yojl ch'an̈ chim, mto 'icha no ch'ic tzcan 'a ya'al, 'ixta 'on̈ec, may tas nan cujec, ax tz'aji, ata tz'el-l tza'n̈joc junc tas 'a quib'n̈ec.

Jeremías 23:13

'Ix wil eb' tzyalch sb'a in checb'oc 'a Samaria, caw tu tas tzb'o eb'. 'Ix paxtin 'el eb' 'a sb'i Baal, 'ixta xyutj eb' ya'n satc in chon̈b' Israel.

Os 9:7

A ticnec, xc'och sc'ul sjaw yailal. Xc'och stiempoal e chan e tojl 'a 'icha wal tas smoj e chani. Ex israel, 'oj eyab' syal jun yailal cha. Tzeyal cob' 'ixtic: A jun schecb' Dios tic, caw may jac snab'en. A jun winc 'aych cob' Yespíritu Dios 'a tic, 'ix 'och owyail, xe chi. 'Oj eyal 'ixta', yujto cajn 'och maysch'olnil 'ayex, caw niwn pax e chichnc'ojlal.

Os 9:9

'Ix juw 'el eb' 'a jun 'ejmn̈ej, 'icha ujnc 'a chon̈b' Gabaa. Palta 'oj sna cot Jehová smul eb' cha, ax ya'n 'och syailal eb' yuj smul cha.

Jeremías 11:19

Caw wal tzaljc'ojlal waji, 'icha junc no calnelu tz'ijx 'at 'a 'aj tzmilx chamoc, caw man̈ wojcoc tas tu wan snan eb' 'a in patic. Tzyaln eb' 'ixtic: Qui milc chamoc, sec wach' man̈x 'a mach tznan coti, 'icha wal tz'aj stzu'x 'el junc te te', sec man̈xtzac satni, xchi eb'.