Os 9:16 - Chuj San Sebastian Bible

¹⁶ A eb' 'aj chon̈b' Efraín, lajwnacx eb', lajn eb' 'icha junc te te tacn̈ xo sch'an̈lyib', man̈xtzac satni. Wach'xam 'ayt cob' yunnal eb' tzlaj 'alji, palta an xo 'oj in mil cham yunnal eb' chamc'ojlb'il yu'uj, xchi Dios.

Chuj San Mateo Bible

¹⁶ A chon̈ab' Efraín echenxo yaji. Lajan icha junoc te te' toxo ix tacji sch'an̈al yip, maxtzac yac' sat. Vach'chom ay yuninal eb', a inxo ol vac'cham yuninal eb' chi' to xajanab'il yuuj, xchi Jehová.

Os 9:16 Referans Kwoze

Ez 24:21

Al 'a eb' et israelal, to an Jehová in, an 'oj wac' juwc 'el watut, atn jun caw nib'b'il yilxi, nib'b'il pax eyu'uj. Tze b'an̈ e b'a yu'uj, 'icha to a 'aych eyipoc. An̈jtona eb' eyunnal yet' eb' eyisl xcancn eyuj 'a Jerusalén, 'oj cham pax eb' yuj owal, xchi.

Is 5:24

Yuj cha, 'icha wal tz'aj stz'a 'ejm te 'ac yuj c'ac', c'uxn tz'a te xil chi smasnil, 'ixta 'oj 'aj slajw 'el eb' tic, 'oj tacjoc 'el eb' 'icha te te c'al xo sch'an̈lyib', munxoj tzpucl snich, 'icha xoj pococ tz'ajcni. Yujto tzpatquiljcan 'el eb' sley Jehová tztac' yuj smasnil, atn qui Diosal to Cojxni.

Malaquías 4:1

A Jehová tztac' yuj smasnil, a tzaln 'ixtic: Wan sjaw jun c'u yic 'oj wa'nc yowl in c'ojol, yic 'oj wa'nc satxoc 'el smasnil eb' b'uchwjum, yet' eb' tzb'on maysch'olnil, man̈x 'a junc eb' 'oj canoc. 'Icha wal tz'aj stz'a 'ejm te 'ac 'a yol junc jorna, 'ixta wal 'oj 'aj eb'.

Os 8:7

Yuj maysch'olnil xlaj sb'o eb', yuj cha, caw niwn jun yailal 'oj jawc 'a yib'n̈ eb'. Toxn may jac tas 'oj yic' eb' 'a tas 'awb'il yu'uj, may harina 'oj yac' sat strigo eb'. Toxn̈ej 'ay jac 'oj smol eb' jun, palta a eb' chuc chon̈b'al 'oj wanoc 'a eb'.

Os 5:11

A chon̈b' Efraín cha, tox 'ix jaw 'a yib'an̈. Man̈x 'a tas 'ay 'a 'a, yujto 'ix ya'ch wal 'a sc'ojl yoch tza'n yuj jun tzo'n̈ comn dios.

Is 40:24

Lajn eb' yajl chi 'icha junc 'unn c'ultc tot 'awb'il, mant 'a sch'an̈lyib' tz'at 'a yol lu'um. Toto tzyutz'j 'och Dios yic' 'a 'a, wal 'a yajn̈ej tztacji, ax chacxuxm'ic' tz'utz'n 'at 'icha solcal trigo.

Job 18:16

Lajn 'oj 'aj 'icha junc te te tacn̈ xo sch'an̈lyib', tacn̈ xo pax sc'ab'.

Gn 41:23

An̈jtona', xwilni a 'a spenc stel 'ixm b'ab'l cha, ata x'elx wul pax uque xo sjolom, caw mac'b'il tacjoc yuj 'ic'.

Dt 32:25

A 'a yol caye, 'oj laj can t'ocn yunnal eb' scham yuj q'uen espada. Caw xiwc'ojlaln̈ej ya'jc eb' 'a yol yatut. 'Oj cham ewin quelmtac winac, yet' eb' 'ix cob'stac 'ix, eb' 'ichmtac 'anma', yet' pax eb' 'unn tzat chuwi.