Os 8:13 - Chuj San Sebastian Bible

¹³ Xlaj yac' eb' xajmb'al 'ayin, xlaj schinc eb' no', palta matz in tzalj yet' eb'. Nann̈ej smul eb' wu'uj, yuj cha, 'oj wa'chn̈ej syailal eb'. 'Oj wa'x meltzjoc eb' jun 'ejm xo 'a Egipto.

Chuj San Mateo Bible

¹³ Syac' silab' eb' d'ayin, schi'anpax schib'ejal noc' eb', palta max in tzalaj yed' eb'. Naan schucal eb' vuuj. Ol vac'anoch yaelal d'a yib'an̈ eb'. Ol vac'xi meltzaj eb' d'a Egipto.

Os 8:13 Referans Kwoze

Os 9:9

'Ix juw 'el eb' 'a jun 'ejmn̈ej, 'icha ujnc 'a chon̈b' Gabaa. Palta 'oj sna cot Jehová smul eb' cha, ax ya'n 'och syailal eb' yuj smul cha.

Os 9:6

'Oj e 'at 'elc 'a jun yailal 'oj jawoc. Ax eb' 'aj Egipto 'oj wul e molb'tzanc 'ati. A 'a chon̈b' Menfis, ata 'oj laj e mucxi. A 'aj molb'il q'uen plata 'aych e ricoaloc, yet' e yet'l 'aj tzlaj ex 'ec' cajan, ata 'oj pitzwc chan̈ te c'ultac, nab'a q'uix 'oj 'ajcni.

Am 8:7

Yuj cha, xya'n Jehová sti', atn jun mach yijnac chan̈ Jacob, xyaln 'ixtic: May b'a'n̈ 'oj sat in c'ojl 'a smul eb' cha.

Am 5:22

Matz in nib'j jun tzo'n̈ e xajmb'al tzeyac' 'ayin, yic cob' tzin eyi'n chan̈ eyalni. Matz in nib'j pax 'ixm trigo tzeyac' eyofrendaoc. Matz in chaj pax no quelmtac wacx caw b'a'ch tzeyac' xajmb'al-l 'ayn yic junc'ojlal.

Os 11:5

Ma'ix meltzj pax eb' 'ayin, yuj cha, 'oj meltzjoc eb' 'a Egipto jun 'ejm xo, ax chon̈b' Asiria 'oj yac' yajlil 'a yib'n̈ eb'.

Os 5:6

'Oj eyac' e calnelu yet' e wacx xajmb'al-l 'ayn an Jehová in yuj e c'ann in colwal, palta man̈x 'oj wab' tas tzeyala, 'oj wi'l in b'a 'a e cal.

Jeremías 14:10

Atn jun tzo'n̈ tic 'ix yal Jehová yuj eb' israel: A wal eb' 'anma 'a jun chon̈b' tic, caw 'ay stzaljc'ojlal eb' sb'eyq'ui. Tz'at eb' 'a jun, tz'at eb' 'a jun. Yuj cha, caw matz in tzalj yet' eb'. A ticnec 'oj in na cot smaysch'olnilal eb', ax in b'eyc'ojlan tas tzb'o junjn eb', xchi Dios.

Is 1:11

'Ix yal Jehová 'ixtic: A jun tzo'n̈ e xajmb'al tzjaw ch'ucn 'a wojltac, man̈x 'a tz'och wu'uj. 'Ix q'ue syoch'l no calnelu tzeyac' xajmb'al-l 'ayin, yet' xepual no noc' caw b'aq'uech. Man̈xtzac in nib'j schic'l no quelm wacax mto yic no mam calnelu yet' yic no chiwo.

Dt 28:68

Wach'xam a Jehová 'ix yal 'ayex, to man̈x 'a b'a'n̈ tzex meltzj jun 'ejm xo 'a sb'el Egipto, palta 'oj ex ya'x meltzjoc 'a yol barco. Ata 'oj cob' e chon̈ch e b'a mosoal 'a eb' 'ajc'ojl yajch 'ayx cha, palta may xon junc eb' 'oj e manni, xchi Moisés.

Apoc 16:19

A jun niwquil chon̈ab', 'oxe x'eli. Ax smasnil chon̈b' 'a yolyib'n̈q'uinal, c'uxn xlaj lan̈chj 'ejmi. Ax Dios, 'ix snan cot stul jun niwquil chon̈b' tzcuch Babilonia. 'Ix ya'n 'at junx niwn yailal 'a yib'n̈ eb' yuj yowl sc'ojol. 'Icha to xyac' yuc' junjn eb' jun yal uva jawnc sti'.

1 Co 11:29

Yujto a yic tzqui wanec, tzcu'nec jun tic, toto matz cham qui nanec sniwnal Cajlilec, caw tzquijec cot yailal 'a quib'an̈.

1 Co 11:20

Yuj cha, a yic tzeyamn e b'a, man̈ yico'oc Cajlil jun Cena chi tzex wa yet' cha.

Os 12:11

A 'a lum Galaad, ata 'ay sdiosal eb' chuc chon̈b'al, palta man̈x 'a jac yel'ch 'oj 'ajcni. A 'a lum Guilgal, ata tzlaj yac' eb' no wacx xajmb'alil; palta a yet'l xajmb'al eb' cha, lajn 'oj 'ajcn 'icha q'uen q'uen jun b'uln̈ yaj si'x syam sb'a 'a 'aj tz'awx lum lu'um, xchi Dios.

Os 7:16

Tzmeltzj cob' eb', palta man̈xoc 'a 'ayn an Niwn Wel'ch tic. 'Icha junc jul-lab' man̈ tojloc, matz yamchj tas tzjulx yet'oc, 'ixta eb'. A yuj spaxti eb' syajlil eb' tzyal 'a b'an̈quinal, yuj cha, ax scham eb' yuj q'uen espada. Ax eb' 'aj Egipto, toxn̈ej 'oj b'uchwjoc eb' 'a eb'.

Os 7:2

Toc tzna eb', toto nab'il smul eb' chi wu'uj. A ticnec, a smaysch'olnilal eb' chi oyn xo 'och 'a 'a, yujto checln̈ej yaj smul eb' 'a in sat.

Os 4:9

Yuj cha, ax ya'mal 'och sti eb' 'anma eyaji, lajn 'oj eyutc eyab'n syal yet' eb' eyit chon̈ab'. Yuj e b'eyb'al cha, ax wa'n 'och yailal 'a eyib'n̈ yet' eb'.

Pr 21:27

A Jehová matz chaj sc'ojl yofrenda eb' maysch'olnil, ocxom wal eb' tzyac' yofrenda yet' stu nab'enal.

A Ch'an̈ B'ab'el Libro Samuel 15:22

Yuj cha, xyaln Samuel 'ixtic: Yel xo wal tzalj Jehová toto tzyiclx tas tzyala, 'a yib'n̈ to tz'ajx tz'a no xajmb'al 'a 'a. Yel xo wach' toto tzchax 'ab'xoc tas tzyala, 'a yib'n̈ to tz'ajx tz'a xepual no calnelu xajmb'al-l 'a 'a.

Ex 32:34

Ax ticnec 'an, 'ixic, 'ij 'at eb' chon̈b' tic 'a jun lugar 'aj xwal 'ayach. A jun wángel 'oj b'ab'ljoc eyu'uj, a 'oj e jucb'tzani. Palta 'ay jun c'ual, 'oj wac' syailal eb' 'anma tic yuj smul 'ix 'och 'ayin, xchi Dios.

Ex 20:3

May cab' junc xo e diosal 'aj tzeyac' 'ejm e b'a, palta cojn 'ayin.

Lc 12:2

Yujto jantcn̈ej tas c'ub'b'il 'el ticnec, c'uxn 'oj checljoc 'eli. Yet' jantcn̈ej tas c'ultac yaji, c'uxn 'oj 'ajxoc 'ojcaxc 'eli.

1 Co 4:5

Yuj cha, man̈x e b'eyc'ojloc junc xo mach ticnec. To tze tan̈wj sjaw Cajlilec, yujto a 'oj ch'oxnc 'el smasnil tas. 'Icha junc tas c'ub'b'il 'el 'a q'uic'q'uinal, ax tzc'och sacq'uinl 'a 'a, c'uxn tzcheclj 'eli, 'ixta 'oj 'aj scheclj smasnil tas ta'. A Cajlilec chi 'oj 'a'nc checljoc 'el tas 'ay 'a qui nab'enec qui masnil. At wal ta 'oj yal Dios qui wach'lec, a tzyala tas qui munljel junjn on̈ec.

Jeremías 6:20

Ex in chon̈ab', ¿tas to yuj tzeyij cot incienso yic chon̈b' Sabá 'ayin, yet' jun tzo'n̈ xo te c'ultc caw su'q'ui sjab' tzcot 'a jun tzo'n̈ nacion̈ 'ay 'a caw najat? A jun tzo'n̈ e xajmb'al tzeyac' tz'a'oc, caw man̈xtzac schaj in c'ojol, yet' jun tzo'n̈ xo xajmb'al tzeyac'a, xin chi, xchi Dios.

Ez 29:16

Yuj cha, ax chon̈b' Israel, man̈x 'a b'a'n̈ 'oj ya'ch Egipto chi yipc sc'ojol. A yic 'oj yiln 'och tas tz'aj Egipto cha, ax snan cot smul yic in yactn cani, ax cob' 'a Egipto x'at yal sb'a yic tzcolwj 'a 'a, 'oj yojcoc 'eli, to an Jehová Yajl in, an 'ixta tzwutej, xchi Dios, xa chi 'a 'a, xchi 'ayin.

Os 7:11

A eb' 'aj Efraín, lajn wal eb' 'icha junc no 'uch may snab'en, ton̈j tzsatq'ui. Tz'at sc'an eb' colwal 'a Egipto, tz'at sc'annc eb' colwal 'a Asiria.

Os 9:7

A ticnec, xc'och sc'ul sjaw yailal. Xc'och stiempoal e chan e tojl 'a 'icha wal tas smoj e chani. Ex israel, 'oj eyab' syal jun yailal cha. Tzeyal cob' 'ixtic: A jun schecb' Dios tic, caw may jac snab'en. A jun winc 'aych cob' Yespíritu Dios 'a tic, 'ix 'och owyail, xe chi. 'Oj eyal 'ixta', yujto cajn 'och maysch'olnil 'ayex, caw niwn pax e chichnc'ojlal.

Os 6:6

A tas tzin nib'j 'ayex, to tz'o'ch e c'ojl 'a eb' eyit 'anma'il, man̈ocn̈ej jun tzo'n̈ xajmb'al tzin nib'ej; tzin nib'j to tzin eyojquej 'eli, to e Diosal in 'a yib'n̈ pax jun tzo'n̈ siylab' tzeyac' tz'a'oc.

Am 3:2

Ex israel, to cojn ex sic'b'ilx 'elt wuj 'a scal smasnil eb' chon̈b' 'ay 'a yolyib'n̈q'uinal. Yuj cha, 'oj wa'ch yailal 'a eyib'n̈ yuj smasnil maysch'olnil tze b'o'o, xchi.