Os 5:8 - Chuj San Sebastian Bible

⁸ 'Utz'x cab' no cacha yic owl 'a chon̈b' Gabaa, 'utz'x cab' pax q'uen trompeta 'a Ramá. 'Awjan̈c 'a chon̈b' Bet-avén, 'em cab' xiwc'ojlal 'a scal eb' yin̈tl Benjamín.

Chuj San Mateo Bible

⁸ Puchajocab' noc' ch'aac yic oval d'a Gabaa, puchajocab'pax q'uen trompeta d'a Ramá. Avajan̈ec d'a Bet-avén. Ayocab' xivc'olal d'a scal eb' anima yic Benjamín.

Os 5:8 Referans Kwoze

Os 9:9

'Ix juw 'el eb' 'a jun 'ejmn̈ej, 'icha ujnc 'a chon̈b' Gabaa. Palta 'oj sna cot Jehová smul eb' cha, ax ya'n 'och syailal eb' yuj smul cha.

Os 4:15

Wach'xam x'och smul chon̈b' Israel, palta comnoc matz 'och smul chon̈b' Judá. May cab' eb' 'anma tz'at yac' 'ejm sb'a 'a Guilgal, mto 'a jolm witz Bet-avén, may cab' mach tz'a'n sti 'a in b'i an Jehová pitzn in tic.

Jl 2:1

'Utz'jec q'uen trompeta 'a tzaln Sión. 'Utz'jec q'ue'en yic tzalx yab' eb' cajn 'a lum tzaln yic 'emmquilal yaj 'a Jehová. 'Ib'x cab' chan̈ smasnil eb' cajn 'a Judá, yujto jab'xoj sjaw jun c'u yic 'oj ya'nc Jehová yowl sc'ojol.

Jeremías 4:5

Alc 'el jun tzo'n̈ tic 'a eb' 'aj Judá yet' eb' 'aj Jerusalén, alc 'el yet' sjajl q'uen trompeta 'a smasnil jun nacion̈ cha. Caw 'ip eya'n 'el eyaw tzeyaln 'ixtic: ¡Coyec, qui yamc qui b'a 'a jun tzo'n̈ niwc chon̈b' caw wach' yajch smuroal! xe chi.

A Ch'an̈ B'ab'el Libro Samuel 15:34

Xlajw cha, 'ix meltzj can Samuel 'a Ramá, ax Saúl 'ix pax q'ue 'a Gabaa.

Os 8:1

Ach Oseas, ¡'Utz'j a trompeta! yujto wan sjaw tza'n̈joc eb' 'ajc'ojl 'a eb' in chon̈b' 'icha junc no c'uc'um, yujto ma'ix syiclj eb' in trato in b'ojnac yet'oc, tenmtac xyutj sb'a eb' 'a in cuynb'il.

Is 10:29

Sc'axptan 'e't eb' jun niwn ch'olan, ax yic xjaw eb' 'a Gabaa, ata sb'o chan̈ eb' scamplamento. Ax eb' 'aj Ramá, 'ix xiw chan̈ eb' yuj eb'. Yet' eb' 'aj Gabaa 'a schon̈b' can win Saúl, 'ix laj 'at eb' 'eloc.

Jueces 5:14

'Ix 'eml eb' soldado yic Efraín 'a lum 'a'lic, tza'n yeml eb' soldado yic Benjamín yuj eb'. 'Ix 'eml pax eb' syajlil eb' soldado Maquir yet' eb' syajlil chon̈b' yic Zabulón.

Jl 2:15

'Utz'jec q'uen trompeta 'a tzaln Sión sec tzyam sb'a smasnil eb' 'anma', 'ochn̈ec e masnil 'a c'ajb'c'ojlal.

Os 10:5

A eb' 'aj Samaria, 'oj 'ib'xoc eb' yuj xiwlal. 'Oj 'oc' eb' yujto 'oj 'ijxoc 'at jun q'uen yechl quelm wacx 'ayc' 'a chon̈b' Bet-avén. Caw wal 'oj cus eb' 'anma chi yuj jun cha, yet' pax eb' ya'mal 'och sti eb' 'anma', yujto a swach'l yilx jun cha, 'oj sat 'ejmi.

Jeremías 6:1

¡Ex yin̈tl can Benjamín, sayc 'aj tz'at e col e b'a, 'eln̈ec 'a yol chon̈b' Jerusalén! 'Utz'jec q'uen trompeta 'a chon̈b' Tecoa, 'a'c 'och tab' ch'oxnb'ilal 'a Bet-haquerem, yujto 'ay wal jun niwquil yailal tzcot 'a stojlal norte, til wal tas tzjuw 'el yu'uj.

A Ch'an̈ B'ab'el Libro Yic Yab'ixal Eb' Rey 12:29

'Ix ya'n can jun yechl quelm wacx chi 'a chon̈b' Betel, ax junx xya'cn 'a chon̈b' Dan.

A Ch'an̈ Schab'l Libro Samuel 21:6

A eb' ucwn̈ cha, 'oj qui mil eb' on̈, ax qui t'un̈n q'ue eb' 'a yojltac Jehová 'a Gabaa, 'a schon̈b' Saúl, atn jun sic'b'il 'el yuj Jehová, xchi eb'. 'Ix sta'wj win rey ya'n eb' winc cha.

A Ch'an̈ B'ab'el Libro Samuel 8:4

Yuj cha, 'ix syamn sb'a smasnil eb' yichm wincal chon̈ab', 'ix 'at eb' sc'umc Samuel 'a chon̈b' Ramá.

A Ch'an̈ B'ab'el Libro Samuel 7:17

Tzlajw cha, tzmeltzj 'a chon̈b' Ramá, yujto ata 'ay yatut. A pax ta 'ay sdespacho yic tzb'onyaj eb' yit chon̈ab'. Ata sb'o pax jun yet'l xajmb'al yic Jehová.

Josué 7:2

A yic 'ayc' Josué yet' eb' yit chon̈b' 'a Jericó, 'ix schecn 'at jaywn̈ eb' winc smaclc yil chon̈b' Hai, jun 'ay 'a stojlal 'aj tzq'uel c'u 'a chon̈b' Bet-el, 'a sla'nil pax chon̈b' Bet-avén. 'Ix yaln 'a ewinac, to tz'atq'ue ewin smaclc yil jun lugar cha. Yuj cha, 'ix 'at ewinac.

Am 3:6

Toto tz'utz'x q'uen trompeta 'a scal chon̈ab', caw tzxiw chan̈ smasnil 'anma'. Toto 'ay tas 'ay smay tz'ec' 'a scal chon̈ab', tzyal 'el'chi, a Jehová tz'a'n b'o 'ixta'.