Os 5:7 - Chuj San Sebastian Bible

⁷ Yujto tenmtac tzeyutj e b'a 'ayin, 'ay eyunnal mitz' 'unn yaji. Yuj cha, a 'a yol stiempoal e q'uin̈ tzeya'ch 'a yic tzpac' 'uj, ata 'oj e satl e masnil yet' e lu'um.

Chuj San Mateo Bible

⁷ Yujto te chuc ix eyutej e b'a d'ayin, ay eyuninal mitz' unin yaji. Yuj chi' a d'a q'uin̈ ayic tz'alji q'uen uj, ata' ol ex satel yed' e munlajel.

Os 5:7 Referans Kwoze

Os 6:7

Palta ax in chon̈b' ex tic, 'ix e ten in trato, ma'ix eyiclj 'ayin, 'icha ya'jnac Adán.

Jeremías 3:20

An Jehová in, an tzwala, to lajn wal xeyutj e b'a 'icha junc 'ix 'ix caw tu tzyutj sb'a 'a yichmil, 'ixta xeyutj e b'a 'ayin.

Is 48:8

Yel toni, a jun tic mant 'a 'aj eyab'jnac, mant eyojcoc, an̈jtona mantzac eyab' pax ticnec. Yujto wojtac to man̈ ex yiclumoc, tenmtacx xon 'a yic mantzac ex 'alji.

Zacarías 11:8

A 'a yol jun 'uj, xin chec meltzjc 'oxwn̈ eb' 'ilm calnelu, 'ix lajw c'och in niwnc'ojlal 'a eb', 'ixta pax eb', caw wal man̈xtzac in snib'j eb'.

Os 2:11

'Oj wac' lajwc stzaljc'ojlal, ax wa'n lajwc sq'uin̈ tzna 'a yic tzpac' 'uj, yet' sq'uin̈ yic sc'ul 'iljelal, yet' smasnil jun tzo'n̈ xo q'uin̈ tzna'a.

Os 2:4

Ma'oj 'o'ch in c'ojl 'ayex, yujto yune ex 'ix yic yajmulal.

Ez 12:28

Yuj cha, al 'a eb' to an Jehová in an tzwal 'ixtic: A tas xwala, ma'oj 'ec' tiempo yel'chi, yowlal 'oj 'el'choc muc'uc, xa chi 'a eb', xchi Dios 'ayin.

Jeremías 5:11

An Jehová in, an tzwala to 'ixta 'oj 'ajoc, yujto in yactj can eb' 'aj Israel yet' eb' 'aj Judá, xchi Dios.

Is 59:13

Mamin Jehová, caw wal tenmtac xcutj qui b'a 'aych on̈. 'Ix cac' 'es on̈, ma'ix yal qui c'ojl on̈ 'och tza'n oj ach qui Diosal. Cojn maysch'olnil 'ayc' 'a qui nab'en on̈, xlaj cac' 'es 'a eb' quit 'anmal on̈, xlaj quixtn paxti eb' on̈.

Salmos 144:7

'A' cot a c'ab' 'a satcha'an̈, tzin a coln 'a jun 'icha mar tic, atn eb' chuc chon̈b'al 'ajc'ojl yajch 'ayin,

Is 1:14

Caw tzex in chacl yet' jun tzo'n̈ e q'uin̈ 'a yic tzpac' 'uj, yet' jun tzo'n̈ xo eyamnil. Man̈xtzac ex in nib'j wil yet' jun tzo'n̈ cha, yujto xyoch'b' c'och wu'uj.

Os 7:13

'Oltac wal eb', yujto in yactj can eb'. 'Oj yamchjoc eb' yuj owl 'oj jawc 'a yib'an̈, yujto x'och stenmtacl eb' 'ayin. Tzin nib'j in col eb', palta cojn 'es tzyac' eb' 'ayin.