Os 5:4 - Chuj San Sebastian Bible

⁴ Yuj wal e tu b'eyb'al, yuj cha, matz ex meltzj cot 'ayin. Tzeya'ch e b'a 'emmquilal 'a jun tzo'n̈ comn dios, yuj cha, man̈xtzac in e na cot an Jehová in tic.

Chuj San Mateo Bible

⁴ Yuj e chuc b'eyb'al chi', max yal e meltzajcot d'ayin. An̈ej d'a juntzan̈ comon dios tzeyal e b'a. Yuj val to e gana e c'ulan ajmulal, yuj chi' maxtzac in e na jab'oc.

Os 5:4 Referans Kwoze

Os 4:12

A eb' in chon̈b' tic, a 'a junc te te', ata tzc'anb'j sb'a eb'. A te te chi tz'a'n snab'enoc eb' yalni. Yuj cha, 'ix juw can 'el eb', 'icha wal tzyutj junc 'ix 'ix yactn can yichmil, ax yet' junc xo win winc tzmuln 'ix, 'ixta wal in yutj eb' in yactn cani, ax 'a jun tzo'n̈ comn dios 'aj tzyal sb'a eb'.

Jn 16:3

'Ixta 'oj ex yutc eb', yujto man̈ yojcoc eb' in Mam, man̈ in yojcoc pax eb'.

Jn 8:55

palta niwnoc tzeyal 'ixta', yujto man̈ eyojcoc. Aln tic, caw wojc Dios cha. Q'uinloc tzwala to man̈ wojcoc. To 'ixta', caw tzwac' 'es 'icha 'ex. Palta caw yel wojtac, yujto a tas tzyala, a tzin yiclej.

Os 4:6

'Oj in satl jun in chon̈b' tic, yujto man̈x in nanoc jac yu'uj. Ax xo ax ya'mal 'och sti eb' 'anma eyaj 'ayin, yel xo man̈x in nanoc jac eyu'uj. Yuj cha, 'oj ex wi'l 'a eyopiso, yujto 'ix 'at satc'ojlal in cuynb'il eyu'uj, yuj cha, man̈x 'oj in na cot eb' eyin̈tl b'aq'uin̈.

Os 4:1

Ex wit israelal, 'ab'tec wal spaxti Jehová. Caw wal tox xcot yowl 'a yib'n̈ smasnil eb' 'anma cajn 'a jun nacion̈ tic, yujto man̈x 'a tas wach' 'ayc' 'a scal eb', man̈x 'a mach wach' snab'en, man̈x 'a junc eb' tzat nan cot Dios.

Jeremías 50:38

Tup cab' 'ejm yal eb', tacj cab' chan̈ yet'l a', yujto a Babilonia, schon̈b'al jun tzo'n̈ comn dios yajb'entac yilxi. Yuj jun tzo'n̈ cha, tzsucb'i 'el snab'en eb'.

Jeremías 24:7

'Oj wac' wal snab'en eb', yic tzin yojcan 'el eb', chajtlto an ton Jehová in, ax eb', in chon̈b' yaj eb'; 'oj woch sDiosalc eb', yujto yet' wal smasnil sc'ojl eb', ax smeltzj paxt eb' 'ayin.

Jeremías 9:24

An Jehová in, an tzwala, toto 'ay mach tznib'j tzyac' tzaljoc sc'ojol, tzalj cab'i', yujto tzin yojquej 'eli, chajtlto an ton Jehová in, wach' tzwutj in b'a 'a sat lum lum tic yet' chamc'ojlal yet' pax tojlal. Atn jun tzo'n̈ tic tzchaj in c'ojol, xchi Dios.

Jeremías 9:6

A wal et'l 'aj cajn ach 'eq'ui, ata 'ayc' 'a scal eb' tz'ixtn eb' 'anma'. Yujto caw tzya'ch eb' sc'ojl yixtn yit 'anma'il, yuj cha, caw man̈xtzac snib'j eb' tzin yalch sDiosaloc.

Salmos 78:8

Man̈ lajnoc 'oj yutc sb'a eb' 'icha eb' qui mam quichmec, yujto a eb' cha, 'e'nc eb' 'a yib'an̈, tenmtac eb', may pax ste'nal eb'. Man̈ yiclumoc eb' 'a Dios.

Salmos 9:10

A eb' tox ach 'ojcan 'eli, 'aych 'och yipc sc'ojl eb', may b'a'n̈ tzactj can eb' tzc'ann a colwal.

A Ch'an̈ B'ab'el Libro Samuel 2:12

A eb' yunnal Elí caw maysch'olnil sb'eyb'al eb', may xon yel'ch Jehová 'a sat eb'.

Os 4:14

Palta ma'oj wac' syailal eb' 'islab'il yet' eb' 'ix 'alb'al chi yuj yajmulal cha, yujto a eb' winc chi tzch'oxn yil eb'; tzyac' ewin xajmb'al yet' eb' 'ix tzb'eylb'an 'ajmulal. Yuj cha, a jun chon̈b' may snab'en tic, 'oj juwc 'eli.

Os 7:11

A eb' 'aj Efraín, lajn wal eb' 'icha junc no 'uch may snab'en, ton̈j tzsatq'ui. Tz'at sc'an eb' colwal 'a Egipto, tz'at sc'annc eb' colwal 'a Asiria.

Os 13:13

Ex 'aj Israel, xc'och sc'ul e nan e b'a, palta may xon jac e nab'en. Lajn ex 'icha junc 'unn matz uj stoljb'tzan sb'a 'a yol sc'ojl snun, yuj cha, matz tac' xon yalji.

Os 4:11

Yuj 'ajmulal yet' yuj 'u'l 'an̈, tzsat snab'en eb' 'anma'.

Os 8:11

A eb' 'aj chon̈b' Efraín, til wal jun tzo'n̈ yet'l xajmb'al xlaj sb'o eb', yuj yel smul eb' yalni, palta yuj jun tzo'n̈ yet'l xajmb'al cha, tzwach' 'a'n 'och eb' smul.