Os 5:13 - Chuj San Sebastian Bible

¹³ A yic 'oj yilnc eb' yic Efraín to ya xo 'ay eb', ax yiln pax eb' 'aj Judá to lajwnacx eb', yuj cha, ax s'at eb' 'aj chon̈b' Efraín yal sb'a 'a sreyl Asiria, yic tzc'ann eb' scolwal jun rey b'inab'il to jeln ya'n owal. Palta ma'oj stac' scolwj win rey chi 'a eb', ma'oj stac' yan̈tn win tas lajwnac 'a eb'.

Chuj San Mateo Bible

¹³ Ayic ix yilan chon̈ab' Efraín to ya ay, ix yilanpax yechen Judá, ix b'at chon̈ab' Efraín chi' d'a Asiria sc'an scolval jun rey b'inajnac yac'an oval, palta maj yal-laj yuj jun rey chi' yac'an b'oxoc sc'ool, maj yalpaxlaj yan̈tan yechen chi'.

Os 5:13 Referans Kwoze

Os 7:11

A eb' 'aj Efraín, lajn wal eb' 'icha junc no 'uch may snab'en, ton̈j tzsatq'ui. Tz'at sc'an eb' colwal 'a Egipto, tz'at sc'annc eb' colwal 'a Asiria.

Os 12:1

A eb' 'aj Efraín, a tas tzb'o eb', may jac yel'chi, ton̈j tzyixtj sb'a eb'. Caw tzniwtj yixtn eb' yit 'anma'il, tzniwtj pax ya'n eb' 'es. Tzb'o eb' strato yet' chon̈b' Asiria, tzya'n 'at eb' aceite smontnb'ilc Egipto, xchi Dios.

Os 10:6

'Oj 'ijxoc 'at jun yechl swacx eb' chi 'a chon̈b' Asiria, yuj yajx 'a win rey b'inab'il. 'Ixta wal 'oj 'aj sq'uixw can 'el eb' 'aj chon̈b' Efraín. 'Oj q'uixwc pax 'el eb' israel yuj tas tzb'o eb' cha.

Os 8:9

Caw wal may xon jac snab'en eb'. Lajn xoj eb' 'icha junc no calte'al b'uru, mun xoj tzna eb' 'aj tz'ati. A eb' 'aj chon̈b' Efraín 'ix 'at eb' sc'an scolwal Asiria. Xlaj stoj eb' jun tzo'n̈ xo nacion̈ tzcolwj yet'oc.

Jeremías 30:12

Tzyaln pax Jehová 'ixtc 'a eb' schon̈ab': A wal tas lajwnac 'ayx cha, ma'oj stac' yan̈txi, a eyailal cha, caw man̈x 'a sremelal.

A Ch'an̈ Schab'il Libro Yic Yab'ixal Eb' Rey 15:19

ata 'ix jaw win Pul sreyl Asiria yet' eb' soldado yac' owl yet' Israel. Yuj cha, 'ix yac' Menahem 750 quintal q'uen tumn plata 'a win Pul cha yic tz'och win yet'oc, sec wach' te'n yaj 'a yopiso.

Miqueas 1:9

Yujto a tas lajwnac 'a Samaria, man̈x 'oj 'an̈txoc. 'Ix yamchj c'och Judá yuj jun yailal cha, masnto xc'och 'a sti chon̈b' Jerusalén, atn sat yaj 'a in nacion̈ yet' eb' wit chon̈ab'.

Os 14:3

A chon̈b' Asiria matz tac' on̈ scoln on̈, an̈jtona matz tac' pax qui colx yuj no chej on̈. A tas tzlaj qui b'o yet' qui c'ab' on̈, man̈x 'oj calch qui diosalc on̈, yujto cojxn ach Mamin Jehová, ach tzac' tas 'ay tz'och yuj eb' meb'a 'unn chamnc smam, xe chi 'a Dios.

A Ch'an̈ Schab'il Libro Yic Yab'ixal Eb' Rey 16:7

Xlajw cha, 'ix schecn 'at Acaz jaywn̈ eb' schecb' 'a Tiglat-pileser, atn sreyl chon̈b' Asiria, yic tz'at alxc 'a 'ixtc yu'uj: An a checb' in tic, tzwa'ch in b'a 'a yol a c'ab' 'icha junc onnal. Yuj cha, cotan̈ yic tzwul in a colnc 'a yol sc'ab' sreyl chon̈b' Siria, yet' 'a sreyl chon̈b' Israel, to tzyac' eb' owl wet'oc, xchi.

A Ch'an̈ Schab'il Libro Yic Yab'ixal Eb' Rey 15:29

A 'a yol stiempoal Peka win sreyl Israel, ata 'ix jaw win Tiglat-pileser sreyl Asiria yet' eb' soldado, xyac' eb' owl yet' eb' Israel. 'Ix yac' ganar eb' 'aj Asiria jun tzo'n̈ chon̈b' tic: Atn Ijón, Abel-bet-maacá, Janoa, Cedes, Hazor, Galaad, Galilea, yet' smasnil smacb'en Neftalí; 'ix 'ijx 'at eb' 'anma 'aj jun tzo'n̈ chon̈b' tic 'a chon̈b' Asiria.

Is 3:7

Ax win cha, 'oj yal win 'ixtic: Matz tac' in chan 'och jun 'opiso chi 'a wib'an̈, yujto may tas tzin c'ux 'a watut, may pax in pichl wach' wa'n 'ochi. Man̈ eya'ch jun 'opiso chi 'a wib'an̈, 'oj schic winac.

Ez 23:5

A 'ix Ahola cha, xya'ch 'ix smul 'a yol in c'ab', sb'o 'ix 'ajmulal yet' ewin soldado 'aj Asiria.

Os 2:7

'Oj 'och tza'n cob' yuj eb' nib'b'il yuj cha, palta ma'oj yamchjoc eb' yu'uj. 'Oj cob' sayc' eb', palta ma'oj 'ilchjoc eb' yu'uj. Yuj cha, ax yaln 'ixtic: 'Oj in meltzj pax 'a win wichmil wijnac 'a b'ab'el, yujto wach' to waj yet' win 'a yib'n̈ pax 'icha waj ticnec, 'oj schic e nun cha.