Os 4:9 - Chuj San Sebastian Bible

⁹ Yuj cha, ax ya'mal 'och sti eb' 'anma eyaji, lajn 'oj eyutc eyab'n syal yet' eb' eyit chon̈ab'. Yuj e b'eyb'al cha, ax wa'n 'och yailal 'a eyib'n̈ yet' eb'.

Chuj San Mateo Bible

⁹ Yuj chi' lajan ol aj yab'an syail eb' in chon̈ab' eyed'oc a ex sacerdote ex tic. Yuj e b'eyb'al chi' ol vac'och yaelal d'a eyib'an̈ yed' eb'.

Os 4:9 Referans Kwoze

Jeremías 5:31

Cojn 'es tzyal-l eb' tzcob' yalch sb'a in checb'oc. Ax eb' ya'mal 'och sti eb' 'anma 'ayin, tzyac' eb' yajlil 'icha tas tznib'ej. Ax jun in chon̈b' tic, wach' tzyab' 'ixta'. Palta ¿tas wal 'oj yutc sb'a eb', yic 'oj jawc jun slajb' tiempoal? xchi Dios.

Is 24:2

A eb' ya'mal 'och sti eb' 'anma', lajn xoj 'oj 'ajcn eb' 'icha eb' comn 'anma'. Ax ewin patron̈, lajn 'oj 'ajcn eb' 'icha ewin moso, 'ixta pax eb' 'ix patron̈, lajn 'oj 'ajcn eb' 'ix 'icha eb' 'ix ya'mal servil. Ax eb' tzmanwji, lajn 'oj 'ajcn eb' 'icha eb' tzchon̈wji; lajnxoj 'oj 'ajcn eb' tz'a'n b'ocl junc tas 'icha eb' tz'och b'oquil.

Mt 15:14

Yuj cha, yilx ewinac, lajn ewin 'icha junc mach matz uj yilni, tzcob' squetznc 'at junc xo mach matz uj yiln chi yet'oc, ax tz'aji, lajn 'oj sto'l sb'a eb' 'a sat junc pa'n schawn̈il, xchi.

Zacarías 1:6

Palta ax in paxti', yet' in checnb'il wa'jnac yal-l eb' in checb' cha, 'ix 'el'ch 'a eb' e mam eyichm cha. Yuj cha, 'ix snan sb'a eb', 'ix yaln eb' 'ixtic: A Jehová tztac' yuj smasnil, tox 'ix ya'ch qui yailal, 'icha wal tas snalb'ej ya'n 'och 'a quib'n̈ec yuj qui tu b'eyb'alec, yet' yuj pax maysch'olnil tzqui b'o'ec, xchi eb', xchi Dios.

Os 9:9

'Ix juw 'el eb' 'a jun 'ejmn̈ej, 'icha ujnc 'a chon̈b' Gabaa. Palta 'oj sna cot Jehová smul eb' cha, ax ya'n 'och syailal eb' yuj smul cha.

Os 8:13

Xlaj yac' eb' xajmb'al 'ayin, xlaj schinc eb' no', palta matz in tzalj yet' eb'. Nann̈ej smul eb' wu'uj, yuj cha, 'oj wa'chn̈ej syailal eb'. 'Oj wa'x meltzjoc eb' jun 'ejm xo 'a Egipto.

Os 1:4

'Ix yaln Jehová 'ayn 'ixtic: Jezreel tzac' sb'ic win 'unn tic, yujto yic wal jaye c'u, ax wa'n 'och yailal 'a yib'n̈ eb' yin̈tl win rey Jehú, yujto til wal 'anma smil cham 'a chon̈b' Jezreel, an̈jtona', 'oj wac' lajwc chon̈b' Israel.

Is 3:10

Al yab' eb' 'anma wach' snab'en, to caw wach' yic eb', yujto 'oj tzaljoc eb' yiln 'och spac tas tzb'o'o.

Pr 5:22

A eb' maysch'olnil sb'eyb'al, mun a smaysch'olnilal eb' chi 'oj 'i'nc 'ejmi; mun a smul eb' chi 'oj jalnc 'ejm 'icha junc lasu.

Pr 12:14

Junjn on̈ec tzqui chajec spac tas tzcala, tzqui chanec pax spac tas tz'el qui b'onec.

Os 7:2

Toc tzna eb', toto nab'il smul eb' chi wu'uj. A ticnec, a smaysch'olnilal eb' chi oyn xo 'och 'a 'a, yujto checln̈ej yaj smul eb' 'a in sat.

Os 9:15

'Ix yaln Jehová 'ixtic: A 'a lum Gilgal, ata x'el yich sb'on eb' maysch'olnilal, a pax ta x'el yich in chacn in b'a yet' eb'. Yuj stu b'eyb'al eb' cha, 'oj in pechl eb' 'a watut. Man̈x 'oj in chamc'ojloc eb', yujto a smasnil eb' 'aych yajlil 'a scal eb', yel xo wal tenmtac eb'.

Os 10:10

A yic 'oj jawc 'a in c'ojol, 'oj wa'ch syailal jun tzo'n̈ 'anma tic. 'Oj wa'ch syailal eb' yuj smul cha, 'oj 'och oyn jun tzo'n̈ nacion̈ yac' owl yet' eb'.

Os 12:2

A eb' 'aj Judá, atn eb' yin̈tl Jacob, 'ay smul eb' 'a sat Jehová. Yuj cha, 'oj ya'ch yailal 'a yib'n̈ eb' yuj stu b'eyb'al cha. 'Oj stojlajwc eb' 'icha wal tas tz'el sb'oni.

Pr 11:31

Toto a eb' tojl sb'eyb'al 'oj scha eb' spac yic 'a sat lum tic, ocxom wal eb' may yel'ch Dios 'a sat yet' eb' 'ajmul, yel xo wal ya 'oj 'ec' eb' schan spac tas sb'o'o.

Ez 44:10

A eb' levita, xyij 'el sb'a eb' 'a in tz'ey eyet'oc, 'ix 'at yalnc sb'a eb' 'a jun tzo'n̈ yechl comn dios, yuj cha, 'oj yab' eb' syal yuj smul cha.

Ez 44:12

Yujto a 'a yic yalan̈, 'ix yac' servil eb' eyit israelal yic xya'n 'ejm sb'a eb' 'a yechl jun tzo'n̈ comn dios, 'ixta xyutj eb' ex sjucb'tzan 'a maysch'olnil. An Jehová in, an tzwala, to 'oj yab' eb' syal yuj smul cha.

Os 12:3

'Intax yic mantzac 'alj xon Jacob, toxn yamb'il yich sq'uenlyoc yu'tac yu'uj, ax yic 'ichm winc xo, xyac' owl yet' Dios.