Os 4:12 - Chuj San Sebastian Bible

¹² A eb' in chon̈b' tic, a 'a junc te te', ata tzc'anb'j sb'a eb'. A te te chi tz'a'n snab'enoc eb' yalni. Yuj cha, 'ix juw can 'el eb', 'icha wal tzyutj junc 'ix 'ix yactn can yichmil, ax yet' junc xo win winc tzmuln 'ix, 'ixta wal in yutj eb' in yactn cani, ax 'a jun tzo'n̈ comn dios 'aj tzyal sb'a eb'.

Chuj San Mateo Bible

¹² A d'a junoc te te' sc'anb'ej yab' eb' in chon̈ab' tic tas sc'ulej eb'. Axo te te' chi' tz'ac'an srazón eb' yalani. Yuj yajmulal eb' chi', yuj chi' ix juviel eb'. Icha val tz'aj yactancan vin̈ yetb'eyum junoc ix ix, smulan yed' junocxo vinac, icha chi' ix in yutej eb', sb'atcan tzac'an eb' yuj comon dios.

Os 4:12 Referans Kwoze

Os 5:4

Yuj wal e tu b'eyb'al, yuj cha, matz ex meltzj cot 'ayin. Tzeya'ch e b'a 'emmquilal 'a jun tzo'n̈ comn dios, yuj cha, man̈xtzac in e na cot an Jehová in tic.

Jeremías 2:27

'In tzeyal 'a junc te te 'ixtic: Ach tic, qui mam ach, xe chi. Tzeyaln pax 'a junc q'uen q'ue'en: Ach tic, qui nun ach, xe chi paxi. Ax 'ayin, a yich e patc tzeya'cn coti, man̈xtzac ex cot q'ueln 'ayin. Ax 'a yic tzjaw tzann̈j yab'ilal 'a eyib'an̈, tzeyaln 'ayn 'ixtic: ¡Cotan̈, colwjan̈ quet' on̈! xe chi.

Habacuc 2:19

'Oltacx wal ax cob' tzeyal 'ixtc 'a junc yechl to b'ob'il 'a te te': Pitzl a wayan̈, xe chi cob' 'a te'. Q'uen̈ wan lin̈an, colwjan̈ quet'oc, xe chi cob' 'a junc q'uen q'uen matz paxtini. A jun tzo'n̈ cha, toc tztac' sch'oxn junc tas 'ayex. Wach'xam cob' caw tzictzni yilx yuj oro mto yuj plata, palta may tas tztac' yu'uj, yujto may spixan.

Dt 31:16

'Ix yaln Jehová 'a Moisés 'ixtic: Ach tic jab'xoj wal 'oj a chami, ax jun chon̈b'al eb' 'anma tic, 'oj ya'cn 'at sb'a eb' 'a sdiosal jun tzo'n̈ chuc chon̈b'al 'ayc' 'a sat lum lum 'aj 'oj c'och cajn eb' cha. Yuj cha, ax in yactn can eb', ax sjun 'el eb' in trato 'ix in b'o yet'oc.

Nm 15:39

sec ax yic 'oj eyilnc 'och yelwnub'l e pichl cha, ax e nan cot smasnil jun tzo'n̈ checnb'il xwalcn 'ayex. Tze b'eylb'ej, sec wach' man̈toc comnxoj tzex yijcan 'at e tu nab'enal, mto e nib'b'en 'a maysch'olnil, yujto a jun tzo'n̈ chi tzex jun 'eli.

Miqueas 2:11

Ax tic, a junc checb' to caw wal 'a'm 'es, a tze nib'ej, atn junc mach tzaln 'eli chajtlto caw niwn eyal uva yet' eyan̈ 'oj eyic'.

Os 9:1

Ex wit israelal, man̈ ex tzaljoc, man̈ ex q'ue b'atnjoc e tzalj 'icha tzyac' eb' chuc chon̈ab', yujto xeyactjcan qui Diosal, 'icha tzyutj eb' 'ix 'ajmul 'ix yactn can yichmil. Caw wal tzex tzalj e ch'oxn e chamc'ojlal 'a Baal, yu'uj wach' tz'aj sat smasnil tas 'awb'il eyuj eyalni.

Ez 21:21

A yic 'oj jawc win sreyl Babilonia 'a 'aj tzpoj sb'a chab' b'e cha, 'oj 'och wan lin̈n ta', 'oj yac' scalc sb'a sjul-lab' 'a yet'ul, ax sc'anb'n sb'a 'a sdiosal. 'Oj say yil seyb' no noc' sec 'oj yojcoc 'eli, 'aja b'e 'aj 'oj 'ochoc.

Jeremías 10:8

Smasnil jun tzo'n̈ 'anma', may xon jac snab'en eb', may jac sjelnal eb'. A jac te te cha, caw matz tac' on̈ scuyn te 'on̈.

Salmos 73:27

A eb' tzyij 'el sb'a 'a a tz'ey Mamin, 'oj cham eb'. A eb' man̈ yiclumoc 'ayach, 'oj a satl eb'.

2 Cr 21:13

palta a sb'eyb'al jun tzo'n̈ sreyl chon̈b' Israel tza b'eylb'ej, yujto a eb' 'aj Jerusalén yet' jun tzo'n̈ xo eb' 'aj Judá o'oj 'ix yaln sb'a eb' 'a jun tzo'n̈ comn dios, 'icha yutjnac sb'a eb' yin̈tl Acab. An̈jtona', 'ix a tzu'n cham pax eb' o'tac, atn eb' yunnal a mam. A eb' cha, yel xo wach' eb' 'a eb'an̈.

Lv 20:5

an xo 'oj wac' yowlal 'a jun 'anma cha. Ax wa'n pax yowlal 'a yistzil, 'a yunnal yet' 'a smasnil eb' cajn 'a yol yatut. 'Oj in satl eb' 'a scal eb' yit chon̈ab', yet' eb' tzyal sb'a 'a Moloc chi yet'oc.

Lv 17:7

Man̈x 'a wal b'a'n̈ tzeyac' e xajmb'al 'a eb' demonio, atn jun tzo'n̈ 'aj eya'jnac 'ejm e b'a. Yujn̈ej ton jun tzo'n̈ cha, yoch e mul. A jun tic ley tz'ajcn 'a e cal 'a smasnil tiempo, yet' 'a eb' eyin̈tl b'aq'uin̈.

Salmos 106:39

'Ixta xyutj eb' sjun 'el sb'a, 'ix laj 'och eb' 'ajmulal yuj tas xlaj sb'o cha.

Os 14:3

A chon̈b' Asiria matz tac' on̈ scoln on̈, an̈jtona matz tac' pax qui colx yuj no chej on̈. A tas tzlaj qui b'o yet' qui c'ab' on̈, man̈x 'oj calch qui diosalc on̈, yujto cojxn ach Mamin Jehová, ach tzac' tas 'ay tz'och yuj eb' meb'a 'unn chamnc smam, xe chi 'a Dios.

Jueces 18:5

Xlajw cha, 'ix yaln eb' 'ixtc 'a 'a: —C'anb'j 'a Dios cuj on̈ 'an, yic tzcojquej 'eli toto wach' 'oj 'aj yel'ch jun qui checnb'il tz'ec' qui b'o tic on̈, xchi eb'.

A Ch'an̈ Schab'il Libro Yic Yab'ixal Eb' Rey 17:7

'Ixtnta 'ix 'aj eb' israel yujto 'ix 'och smul eb' 'a Jehová sDiosal, atn eb' yin̈tl eb' 'eln̈cta 'a Egipto, yic 'ix colx 'elt eb' 'a yol sc'ab' sreyl Egipto cha. Atn tic sb'ojnac eb': 'Ix ya'ch sb'a eb' 'emmquilal 'a jun tzo'n̈ comn dios,

Jeremías 23:13

'Ix wil eb' tzyalch sb'a in checb'oc 'a Samaria, caw tu tas tzb'o eb'. 'Ix paxtin 'el eb' 'a sb'i Baal, 'ixta xyutj eb' ya'n satc in chon̈b' Israel.

Ez 20:32

Ma'oj wac' 'el'choc 'icha tas tze na'a, yujto cob' tzeyal 'ixtic: A te te', yet' 'a q'uen q'ue'en, ata 'oj calc qui b'a 'icha jun tzo'n̈ xo eb' nacion̈ 'a yolyib'n̈q'uinl tic, xcob' e chioc.

Os 6:10

Caw wal yajb'entac yilx eb' 'aj Israel tzwila. Ax eb' 'aj Efraín caw xyixtj 'el sb'a eb' yuj 'ajmulal.