Os 4:1 - Chuj San Sebastian Bible

¹ Ex wit israelal, 'ab'tec wal spaxti Jehová. Caw wal tox xcot yowl 'a yib'n̈ smasnil eb' 'anma cajn 'a jun nacion̈ tic, yujto man̈x 'a tas wach' 'ayc' 'a scal eb', man̈x 'a mach wach' snab'en, man̈x 'a junc eb' tzat nan cot Dios.

Chuj San Mateo Bible

¹ Ex vetisraelal, ab'ec slolonel Jehová. Van yalan Jehová chi' d'a yib'an̈ masanil anima cajan d'a jun chon̈ab' tic, yujto man̈xalaj mach tz'elc'och tas syala'. Man̈xalaj mach vach'to spensar, man̈xalaj mach syac'och spensar d'ay.

Os 4:1 Referans Kwoze

Jeremías 4:22

'Ix yaln Jehová 'ixtic: A eb' in chon̈ab', caw wal may jac snab'en eb', caw matz in yojquej 'el eb' jab'oc. Lajn eb' yet' eb' 'unn caw may jac snab'en, matz nachj 'el jac yuj eb'. Caw jeln eb' sb'on maysch'olnil, palta man̈ yojcoc eb' sb'on tas wach', xchi Dios 'ayin.

Miqueas 6:2

'Icha cab' to tzyab' pax eb' lum witz, yet' stzatzl yich lum lum tic, tas 'oj wal yuj e mul ex israel, caw 'oj wac' owl eyet'oc.

1 Co 15:34

Caw tze na wal e b'a, tze b'o e nab'en. Man̈x e b'o jun tzo'n̈ maysch'olnil, yujto 'ayx mantzac eyojquej 'el wal Dios. Tzwalb't jun tzo'n̈ tic 'ayex, sec 'oj e q'uixw 'eli.

Ro 1:28

Matz nib'j eb' 'ay yel'ch Dios 'a 'a. Yuj cha, tzyactn can Dios eb', yic tzwach' juw 'el snab'en eb', sec tzwach' b'oj eb' jun tzo'n̈ caw man̈ smojoc.

Os 12:2

A eb' 'aj Judá, atn eb' yin̈tl Jacob, 'ay smul eb' 'a sat Jehová. Yuj cha, 'oj ya'ch yailal 'a yib'n̈ eb' yuj stu b'eyb'al cha. 'Oj stojlajwc eb' 'icha wal tas tz'el sb'oni.

Jeremías 25:31

'Oj 'ab'xoc sc'an̈ 'a 'aj tzlajw c'och lum lum tic, yujto 'ay wal tas 'oj yal Jehová 'a yib'n̈ smasnil nacion̈. Caw 'oj b'eyc'ojlaxc smasnil 'anma yu'uj, ax ya'n can 'och chaml 'a yib'n̈ smasnil eb' maysch'olnil, xchi Dios, xa chi 'a eb', xchi 'ayin.

Jeremías 5:4

An tic, xin na 'ixtic: Cojn am eb' meb'a', eb' may tas tztac' yu'uj, cojn am eb' 'ixta tzyutj sb'a yuj sman̈ nab'enal, yujto man̈ yojcoc eb' tas tznib'j Jehová sDiosal eb' 'a 'a, yet' tas tzyala.

Is 34:1

Ex chon̈ab', nitzc cot e b'a yic tzex 'ab'xni, ex nacion̈ macljec eyab' tas 'oj alxoc. Yab' cab' pax yolyib'n̈q'uinl tic yet' smasnil tas 'ay 'a 'a.

Is 1:18

Xlajw cha, xyaln pax Jehová 'ixtic: An Jehová in, an tzwala. Cotn̈ec, b'ocyaj e b'a. Wach'xam a 'e mul caw wal tu eyilx yu'uj, palta 'oj ex in b'icli, ax e sacb' can 'icha yilx q'uen sacb'acum. Toxn̈ej lajn eyilx yuj e mul chi 'icha junc te q'uic'mucnac nip matz 'el yan̈il, palta 'oj ex wac' b'icxc 'eli, ax e sacb' can 'icha yilx sac lana.

Apoc 2:29

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia, xchi.

Apoc 2:11

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, caw man̈x 'oj yab' eb' syal junx schab'l chamel, xchi.

Jn 8:55

palta niwnoc tzeyal 'ixta', yujto man̈ eyojcoc. Aln tic, caw wojc Dios cha. Q'uinloc tzwala to man̈ wojcoc. To 'ixta', caw tzwac' 'es 'icha 'ex. Palta caw yel wojtac, yujto a tas tzyala, a tzin yiclej.

Am 7:16

Yuj cha, tzcham wal a maclni spaxti Jehová tic. Atn jun tzo'n̈ tzal 'ayn yuj 'ixtic: Man̈ al-l jun tzo'n̈ spaxti Dios 'a eb' israel, atn eb' yin̈tl Isaac, xa chi.

Os 5:1

Ex 'aj chon̈b' Israel, yet' ex ya'mal 'och sti eb' 'anma 'ayin, 'ab'tec wal tas 'oj wala', tze maclni eyab' ex yin̈tl eb' rey: A 'a eyib'n̈ ax tic, ata 'oj jawc jun yailal cha, yujto ax tic, 'icha wal junc ch'an̈ ya'al, 'ixta eyaj 'a chon̈b' Mizpa yet' pax 'a lum jolm witz Tabor.

Jeremías 34:4

Ach Sedequías, 'ab' wal tas 'oj wal 'aych an Jehová in tic: Ma'oj a milx cham yet' q'uen espada,

Jeremías 19:3

Tzal 'a eb' 'ixtic: Ex sreyl Judá, yet' ex 'aj Jerusalén, 'ab'c tas tzyal Jehová, jun tztac' yuj smasnil, atn qui Diosalec an̈ israel on̈c tic, a tzaln 'ixtic: 'Oj wa' cot wal jun niwquil yailal 'a yib'n̈ jun e chon̈b' tic, a smasnil eb' 'oj 'ab'noc, caw 'oj sat sc'ojl eb' yab'ni.

Jeremías 9:20

Ex 'ix, macljec eyab' spaxti Jehová, 'a'c wal 'och e chicn 'a scuynb'il. Cuyc eb' 'ix eyune yoc' yuj cusc'ojlal, tzeyaln pax 'a eb' e wach'c'ojol, 'o' cab' eb' yuj chaml tzlaj uji.

Jeremías 7:28

Al 'a eb' 'ixtic: Ax tic, jun 'ejmn̈ej caw tenmtac ex, matz e nib'j tzex 'ajx cuenta yuj Jehová qui Diosalec. Man̈x 'a 'aj tzb'inax yiclumal 'a e cal, xa chi 'a eb'.

Jeremías 6:13

Smasnil eb' niwc yel'chi, yet' eb' may yel'chi, cojxn̈ej tas tzyac' ganar eb' 'a maysch'olnil, axn̈ej chi tzna eb'. An̈jtona eb' in checab', yet' eb' ya'mal 'och sti eb' 'anma 'ayin, cojxn̈ej 'elc'l tzb'o eb' smasnil.

Jeremías 4:28

Caw cusltac 'oj 'ajcn lum lum tic, an̈jtona', caw cusltac yilx 'oj 'ajcn satcha'an̈. 'Ixta 'oj 'ajoc, yujto 'ixta tas 'ix in na'a. 'Ix waln can pax 'eli, to man̈x 'oj jelmjoc, yowlal 'oj 'el'choc.

Jeremías 2:4

E masnil ex yin̈tl can Jacob, ex yunnal can Israel, macljec eyab' wal tas tzyal Jehová.

Is 66:5

'Ab'tec wal spaxti Jehová, ex to tze chaj eyab' tas tzyala, a tzaln 'ixtc 'ayex: 'Ay jun tzo'n̈ eb' eyit chon̈b' tzchichn 'och 'ayex, tzex spech b'eyc'oc eb', yujto a 'ayn tzeyal e b'a; yuj cha, tzlaj yaln eb' 'ixtic: Sch'ox cab' Jehová chi stzictznil quilnoc, tzqui nib'j tzquila tas tzex 'aj e tzalji, xchi eb' 'ayex. Palta a eb' cha, 'oj q'uixwoc can 'el eb', xchi.

Is 34:8

Atn wal 'a jun c'ul chi 'oj yac' Jehová spac 'a eb' 'aj Edom. A 'a jun ab'il chi 'oj yi'cn 'el yowl sc'ojl yuj tas x'aj chon̈b' Sión yuj eb'.

Is 28:14

Ex yajl eyaj 'a Jerusalén, caw wal b'uchmtac ex, 'ab'c wal spaxti Jehová.

Is 5:3

Yuj cha, 'ix yaln win 'aj munljel chi 'ixtic: Ex 'aj Jerusalén yet' ex 'aj Judá, a ticnec alc wab'i', mach 'ay spaltail, ¿tom a 'in mto a te 'awb'ente tic?

Is 1:10

Ex 'aj Jerusalén lajn ex yet' eb' eyajlil, 'icha wal eb' 'aj Sodoma yet' eb' 'aj Gomorra 'ixta 'ex. 'Ab'ec, a jun tzo'n̈ paxti tic, cuynb'il xyac' Jehová qui Diosalec.

A Ch'an̈ B'ab'el Libro Yic Yab'ixal Eb' Rey 22:19

Yuj cha, 'ix yaln win Micaías chi 'ixtic: —'Ab' wal spaxti Jehová. 'Ix wila chotn 'ejm Jehová 'a sdespacho, ax eb' yángel 'a satcha'an̈ oyn 'och eb' 'a stz'ey.

Is 59:4

May xon junc mach tojl tas tzb'o'o, may mach tzb'oyaj sb'a 'a wach'. A tas 'aj 'aych e nab'en, atn 'a 'es yet' jun tzo'n̈ paxti man̈ yeloc. A maysch'olnil, a chi 'ayc' 'a e nab'en e b'oni, ax tz'aji, tzeya'n 'el'choc 'icha tas tze na cha.

Is 59:8

Man̈ eyojcoc tze b'eylb'ej tas wach', may xon jac tojlal 'ayc' 'a e nab'en. Caw wal tu e b'eyb'al cha, ax eb' tzlaj 'och tza'n eyu'uj, may xon jac junc'ojlal tz'ilchj yuj eb' 'a e patic.

Jeremías 9:3

Caw jeln eb' ya'n 'es, cojxn yuj 'es tzlaj q'ue'ch eb' ricoal. Man̈x 'a tas yel tzalx 'a jun nacion̈ tic. Yuj cha, tzyaln Jehová 'ixtic: Cojxn maysch'olnil tzb'o eb', caw man̈xtzac snib'j eb' tzin yalch sDiosaloc.

Jeremías 51:5

Wach'xam a eb' 'aj Israel yet' eb' 'aj Judá, caw 'ix 'och smul eb' 'ayin, palta an̈ja mantzac wij 'el in c'ojl 'a eb' an Jehová in, tztac' wuj smasnil, sDiosal in eb', to Cojxn̈ in.

Jl 1:2

'Ab'c wal jun tzo'n̈ tic ex yichm wincal chon̈ab', yet' e masnil ax cajn ex 'a jun nacion̈ tic. Toc 'ayx 'aj xeyil tas lajn 'icha jun tic. Toc am 'ay 'aj x'ilx junc tas 'icha jun tic yic yec' eb' qui mam quichmec.

Salmos 81:9

May cab' e diosal tzeyij cot 'a junc xo chuc chon̈b'al, man̈ eyac' 'ejm e b'a 'a jun tzo'n̈ dios man̈ 'ojcab'ilc cha.

Jeremías 2:9

'Ix yaln pax Jehová 'ixtic: Yuj cha, an Jehová in, an tzwala: Caw 'oj wa'n̈j owl eyet'oc, yet' pax eb' eyin̈til.

Jeremías 9:7

Yuj wal cha, an Jehová in, tztac' wuj smasnil, an tzwala: ¿Tas to wal junc xo tztac' in b'on yet' eb' in chon̈b' tic? Cojn to 'oj wa't eb' 'a scal c'ac', sec tz'och eb' wach'il, 'icha tzyac' q'uen plata.

Jeremías 11:7

A yic xwi'n 'elt eb' e mam eyichm 'a Egipto, caw xcham wal waln 'a eb' to tzchaj eb' yab' tas tzwala. 'A yictax jun tiempoal cha, masnto ticnec, an̈j 'ijnoc waln jun cha.

Ez 16:35

Yuj cha, an Jehová Yajl in, an tzwal 'ixtc yuj 'ix 'ajmul 'ix cha:

Os 5:4

Yuj wal e tu b'eyb'al, yuj cha, matz ex meltzj cot 'ayin. Tzeya'ch e b'a 'emmquilal 'a jun tzo'n̈ comn dios, yuj cha, man̈xtzac in e na cot an Jehová in tic.

Os 12:3

'Intax yic mantzac 'alj xon Jacob, toxn yamb'il yich sq'uenlyoc yu'tac yu'uj, ax yic 'ichm winc xo, xyac' owl yet' Dios.

Am 3:1

Ex wit israelal, 'ab'c wal tas tzyal Jehová, atn jun 'ijnac 'elt eb' qui mam quichmec 'a Egipto, a tzaln 'ixtic: