Os 2:4 - Chuj San Sebastian Bible

⁴ Ma'oj 'o'ch in c'ojl 'ayex, yujto yune ex 'ix yic yajmulal.

Chuj San Mateo Bible

⁴ Man̈ ol oc'paxlaj in c'ol d'ayex, yujto yune' ex ix d'a yajmulal.

Os 2:4 Referans Kwoze

Os 1:6

Scuchn pax chan̈ 'ix Gomer chi junx yune', x'alj junx yune 'ix cha, 'ix 'unin. 'Ix yaln pax Dios 'ayin: Man̈ Chamc'ojlb'iloc, 'ixta tzac' sb'ic 'ix 'unn tic, yujto man̈x 'oj 'o'ch in c'ojl 'a yib'n̈ chon̈b' Israel, man̈x 'oj wac' niwnc'ojlal 'a 'a.

Os 1:2

'Ix schan 'eln̈ej Jehová yich spaxtin 'ayin, xyaln 'ixtic: 'A eb' et israelal tic, 'ix ya'ch eb' smul 'a wojltac, xyi'n 'el sb'a eb' 'ayin, in yactn can eb' 'icha junc 'ix 'ajmul 'ix. Yuj cha, 'ij junc 'ix 'ajmul 'ix estziloc, ax yalj yune 'ix 'a scal yajmulal cha, xchi.

Ez 8:18

'Oj wa' cot wal yowl in c'ojl 'a yib'n̈ eb', man̈x 'a in niwnc'ojlal 'a eb'. Wach'xam 'oj cob' 'el yaw eb' yaln sb'a 'ayin, palta ma'oj wab' tas tzyal eb' cha, xchi Dios 'ayin.

Jeremías 13:14

'Oj in mac' poj eb' 'icha tzyutj sma'n poj sb'a jun tzo'n̈ yet'l yal uva 'a yic 'ay junc mach tztenn 'och sb'a 'a 'a. Eb' mamb'il yet' eb' 'unnab'il, lajn xoj 'oj wutc eb'. An Jehová in, an tzwala, to a wal yic 'oj in satnc 'el eb', caw man̈x 'oj 'o'ch in c'ojl 'a eb', man̈x 'oj in cus yuj eb', xchi Dios, xa chi, xchi 'ayin.

Santiago 2:13

Toto matz 'o'ch qui c'ojlec 'a eb' quit 'anma'il, ax Dios, ma'oj 'o'ch sc'ojl 'ayn̈ec jun xo, yic 'oj on̈ sb'oncyaji. Palta toto tz'o'ch qui c'ojlec 'a eb' quit 'anma'il, to 'ixta', 'oj 'o'ch pax sc'ojl Dios 'ayn̈ec yic 'oj on̈ sb'oncyaji.

Ro 11:22

Nachj cab' 'el eyu'uj, to niwn swach'c'ojlal Dios. Palta an̈jtona', caw 'a'm cuenta pax si'mb'il. A eb' juwnac 'el cha, caw 'ajxnac cuenta eb' yu'uj. Palta ax xo, til wal swach'c'ojlal tzch'ox 'ayex. Yowlal tzex can 'a swach'c'ojlal cha. To ma'ay, an̈jtona 'ex, 'oj eyijx pax 'el jun xo.

Ro 9:18

Yuj cha, a eb' tznib'j Dios 'aj tz'o'ch sc'ojol, atn eb' chi 'aj tz'o'ch sc'ojol. Yet' pax eb' tznib'j Dios tzpitb'i, atn eb' chi tzyac' pitb'oc.

Jn 8:41

Ax tic, a tas tzb'o jun e mam, an̈j tze b'o yet'oc, xchi Jesús 'a eb'. —Palta an̈ tic on̈, man̈ mitz' 'unnoc caj on̈. Junn̈j qui mam on̈, atn Dios, xchi eb' 'a 'a.

Zacarías 1:12

'Ix ta'w jun yángel Jehová cha, xyaln 'ixtic: Mamin Jehová tztac' oj smasnil, 'ayx 70 ab'il scotcn yowl a c'ojl 'a yib'n̈ Jerusalén yet' 'a Judá. ¿Jantcto wal tiempo 'oj yac'a', 'ixta to b'i'an, ax scusch a c'ojl 'a eb'? xchi.

Ez 9:10

'Ixta wal 'oj wutc eb', man̈x 'a in niwnc'ojlal 'a yib'n̈ eb' 'anma tic yuj stu b'eyb'al. Yuj smul eb' cha, ax sjaw wal yailal 'a yib'n̈ eb', xchi.

Jeremías 16:5

'Ix yaln pax Jehová 'ayn 'ixtic: Man̈ ach 'och 'a yol junc n̈a 'a 'aj wan stan̈w 'ac'wl jun tzo'n̈oc 'anma yuj junc chamnc 'anma'. Man̈ ach 'oc'oc', man̈ a ch'oxl pax a cusc'ojlal yu'uj, yujto an Jehová in, an tzwala, to 'ix wij 'el in junc'ojlal yet' in chamc'ojlal 'a jun chon̈b' tic, man̈xtzac 'o'ch in c'ojl pax 'a 'a.

Is 57:3

A Dios 'ix aln 'ixtic: Ax tze b'o maysch'onil, cotn̈ec 'ayin to 'oj ex in b'eyc'ojloc. Ax tic xlaj e b'eylb'ej sb'eyb'al eb' 'ajchum yet' eb' tzb'on 'ajmulal.

Is 27:11

A yic tztacj sc'ab' eb' te te cha, tzlaj lo'chjc cot eb' te', ax eb' 'ix 'ix tzlaj 'ec' si'nc chan̈ eb' te sc'ab' cha, tzya'n 'och eb' 'ix sc'ac' yet' te'. A jun chon̈b' tic, may xon jac snab'en. Yuj cha, a Dios b'ojnac, caw man̈x 'oj 'o'ch sc'ojl 'a 'a, man̈x 'oj cus pax yu'uj.

A Ch'an̈ Schab'il Libro Yic Yab'ixal Eb' Rey 9:22

A yic schan sb'a rey Joram chi yet' Jehú, 'ix yaln 'a 'ixtic: —¿Junc'ojlal am tzach jaw Jehú? xchi. 'Ix ta'w Jehú 'ixtic: —¿'Aj 'oj ec' junc'ojlal, ya' sb'a a 'ix a nun Jezabel an̈j 'ijnoc yoch 'ix 'emmquilal 'a jun tzo'n̈ comn dios yet' sb'alwjumal? xchi Jehú.

Ez 23:25

Ax wa'n cot wal yowl in c'ojl 'a eb'an̈, 'oj wac' yi'l eb' a n̈i', a chiquin, ax eb' 'anma 'oj canoc, 'oj tzu'xoc cham eb' yet' q'uen espada. 'Oj stoc'c' eb' smasnil eb' 'anma', ax 'a slajub', ax ach sn̈usntz'a eb'.

Os 5:7

Yujto tenmtac tzeyutj e b'a 'ayin, 'ay eyunnal mitz' 'unn yaji. Yuj cha, a 'a yol stiempoal e q'uin̈ tzeya'ch 'a yic tzpac' 'uj, ata 'oj e satl e masnil yet' e lu'um.

Is 50:1

A Jehová a tzaln 'ixtc 'a schon̈ab': Ex Israel, ¿tzam e na to an pechjnacx 'el 'icha junc winc tzpechl yistzil? Toto 'ixta' ¿'ajtil 'ay yun̈al pojjb'al 'a in cal eyet'oc? ¿Tzam e na'a to an tzex in chon̈b't yuj in b'oc yic tzex 'och mosoal? Ax tic yuj e mul eyijx 'at 'icha presoal, yuj e maysch'olnilal ex in pechn 'eli.