Os 14:1 - Chuj San Sebastian Bible

¹ Ex wit israelal, meltzjan̈c 'a Jehová qui Diosal. Wach'xam ex telw 'ejm yuj e mul.

Chuj San Mateo Bible

¹ Ex vetisraelal, meltzajan̈ec d'a Jehová co Diosal, vach'chom ix ex telvi val yuj e mul.

Os 14:1 Referans Kwoze

Os 6:1

'Oj cob' yal eb' 'anma chi 'ixtic: Cotn̈ec e masnil, meltzj coyc pax 'a Jehová. A 'on̈ cotc ch'iychtanec 'ati, palta 'oj ya'x b'oxc qui c'ojlec, on̈ ya'c lajwoc, palta a pax 'oj can̈tnec.

Os 12:6

Ex israel, meltzjan̈c 'a qui Diosal. Yiclum tzeyutj e b'a 'a 'a, tojlb'tzejc e b'eyb'al. 'Aychn̈ej cab' Dios yipc e c'ojol.

Jeremías 4:1

A Jehová tzaln 'ixtic: Toto tze nib'j tzeyactj can maysch'olnilal ex israel, cotn̈ec 'ayin. Toto tzeyij 'el jun tzo'n̈ e diosal caw yajb'entac cha, 'ochn̈ec tza'n wu'uj.

Os 13:9

'Oj ex wac' satl ax israel ex tic, may xon mach 'oj stac' yi'n 'ec' 'a eyib'an̈.

Lm 5:16

Man̈xtzac on̈ b'inax 'icha 'a yic yalan̈, caw 'oltac tzon̈ 'aj on̈, yujto 'ix 'och qui mul on̈.

Os 5:5

A e b'an̈quinal, a tzch'oxn 'el e maysch'olnilal. Ex 'aj Efraín, mun 'oj e telw 'ejm yuj e yajmulal cha. An̈jtona pax ex 'aj Judá, 'oj e telw 'ejm yet' pax eb'.

Jeremías 2:19

An Jehová in, tztac' wuj smasnil, an tzwala: Mun wal a e mul 'oj 'a'nc jawc yailal 'a eyib'an̈. Mun wal a e tenmtaquil, a 'oj 'a'nc 'och 'a eyib'an̈. Nachj cab' 'el eyu'uj, chajtlto caw wal man̈ wach'oc, yujto in eyactj can an Jehová e Diosal in tic. Tzwa'ch yailal 'a eyib'an̈, yujto may wel'ch xon jac 'a e sat.

Is 19:22

Yujto 'oj ya'ch Jehová syailal eb' 'aj Egipto, yuj cha, 'oj laj meltzj eb' 'a 'a, ax yo'ch sc'ojl 'a eb', 'oj b'ox can sc'ojl eb' yu'uj.

Ez 33:11

An Jehová in, an tzwal 'ixtc 'a eb': Matz in nib'j to tzcham eb' tz'och smul, palta to tzin nib'j to tzjel eb' sb'eyb'al, sec pitzn eb'. Ex israel, 'actjec can jun tzo'n̈ e b'eyb'al cha, sec ma'oj e chami, xchi Dios.

Ez 33:14

Toto tzwal 'a junc 'ay smul cha, to tzchami, palta ax tz'aji, tznan sb'a sc'ojol, ax wach' tzb'o'o:

Os 4:8

Yuj xajmb'al eb' in chon̈b' tzyac' 'ayn yuj smul, wach' e wa'i; yuj cha, tze nib'n to tz'ochn̈j smul eb'.

Os 9:7

A ticnec, xc'och sc'ul sjaw yailal. Xc'och stiempoal e chan e tojl 'a 'icha wal tas smoj e chani. Ex israel, 'oj eyab' syal jun yailal cha. Tzeyal cob' 'ixtic: A jun schecb' Dios tic, caw may jac snab'en. A jun winc 'aych cob' Yespíritu Dios 'a tic, 'ix 'och owyail, xe chi. 'Oj eyal 'ixta', yujto cajn 'och maysch'olnil 'ayex, caw niwn pax e chichnc'ojlal.

Os 10:12

Yuj cha, waln 'a eb' 'ixtic: A cab' tas tojl tze b'o ax tic, sec ax in chamc'ojlal 'oj e cha spacoc. Tojlb'tzejc e b'eyb'al, 'actjec can e tenmtaquil, stiempoal xo eya'n 'och e b'a 'a yol in c'ab', masnto yic 'oj in jaw wul wac' colnb'il 'ayex, 'icha wal yem n̈ab', 'ixta 'oj 'aj sjawi, xin chi 'a eb'.

Os 12:8

Tzyaln eb' 'ixtic: On̈ 'ochc ricoal. Wach'xam rico on̈c xo, palta may mach tztac' ya'n yowlal 'ayn̈ec, yic tzyaln eb' to on̈ 'ochc ricoal yuj ca'm 'esal, xchi cob' eb'.

A Ch'an̈ Schab'il Libro Yic Yab'ixal Eb' Rey 8:12

Xlajw cha, 'ix sc'anb'n Hazael 'a 'ixtic: —¿Tas yuj tzach 'oc' mamin? xchi. —Yujto wojtac to 'oj extc eb' wit israelal, 'oj a'ch sc'a'l schon̈b' eb' 'aych smuroal, ax a miln cham eb' quelm yet' espada. 'Oj a mil cham eb' 'unin, ax a tecn 'elt yol sc'ojl eb' 'ix 'ayx tz'i'ni, xchi Eliseo cha.

Ez 16:46

A 'ix b'ab'l 'ix cha, tzyal 'el'chi atn chon̈b' Samaria 'ay 'a stojlal norte yet' yaldeail; ax 'ix tza'n 'ix, tzyal 'el'chi atn chon̈b' Sodoma yet' yaldeail 'ay 'a stojlal sur.

Os 9:13

A yic xwiln eb' 'aj chon̈b' Efraín, lajn wal eb' 'icha junc te palma 'awb'il 'a junc lum lum caw wach'. Palta ax ticnec, 'oj yic' 'elt eb' yunnal milxoc, xchi Dios 'ayin.

Am 1:13

A Jehová tzaln 'ixtic: A wal eb' 'aj Amón, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Yujn̈ej snib'n eb' yi' jacx slum, yuj cha, xlaj stecnc 'elt eb' yolsc'ojl eb' 'ix 'ix yet'x yune cajn 'a yol yic Galaad.