Os 13:5 - Chuj San Sebastian Bible

⁵ Caw wach' wutjnac in tan̈wni eb' 'a lum cusltac lu'um, 'a 'aj caw 'ay c'ac'.

Chuj San Mateo Bible

⁵ Te vach' ajnac ex in tan̈van d'a taquin̈ luum, b'aj te ay c'ac'.

Os 13:5 Referans Kwoze

Dt 32:10

Ata on̈ 'ilchjec yuj 'a lum cusltac lu'um, 'a lum caw tacn̈ sat, 'a 'aj caw ow 'ic'. Ata on̈ sme'c cot Jehová, caw xon̈ ya'ilxec yu'uj, 'icha wal tzcutj qui ya'iln sc'ul yol qui sat.

Dt 8:15

Yujto a 'on̈ 'i'nec b'ey 'a lum cusltac lum caw 'ay smay, lum 'aj 'ay no chan man̈x 'a yan̈il, 'a 'aj 'ay no sina'an, 'a 'aj may a a wach' yu'xi. Palta a Jehová, a 'ix 'a'n 'eltoc a a 'a sat q'uen q'ue'en, 'ix laj cu'nec a'.

Dt 2:7

A Jehová qui Diosalec, a 'ix 'a'n swach'c'ojlal 'a yib'n̈ smasnil tas xqui b'o'ec. A 'a yol chawinc ab'il tic, caw wal tan̈b'iln̈ec yu'uj. A yic on̈ b'eyc cot 'a lum cusltac lu'um, may tas 'ix yac' palta 'ayn̈ec.

Gl 4:9

Al ticnec eyojc xo Dios. Yel xo wach' tzcala, a Dios tox ex 'ojcan 'eli. Yuj cha, ¿tas yuj tzex meltzj pax 'a jun tzo'n̈ b'eyb'al caw may yel'chi? ¿Tas yuj tze nib'j tzeya'x servil jun tzo'n̈ cha?

Nahúm 1:7

Caw wach' snab'en Jehová, colnb'il yaj 'a yic 'ay junc yailal. A eb' tzya'ch sc'ojl 'a 'a, caw tzcolx eb' yu'uj.

Salmos 142:3

A yic caw 'ayn 'och 'a in cusc'ojlal, ach xo Mamin, ojc xo pax yilx in b'e 'aj tzin 'ochi. A 'a jun b'e 'aj wan in b'ey cha, ata 'ay 'ejm ch'an̈ yal yuj eb' 'ajc'ojl yajch 'ayin.

Salmos 63:1

Ach in Diosal, tzin nib'j tzwal in b'a 'aych 'a caw sq'uin̈b'ilto. Caw tzach in nib'j 'icha tzyac' lum tacn̈ lu'um yic tznib'n lum n̈ab'.

Ex 2:25

'Ix yiln Dios syailal eb' israel, yuj wal cha, 'ix 'o'chsc'ojl 'a eb'.

1 Co 8:3

Palta a eb' tzchamc'ojlan Dios, 'ojcab'il xon eb' yu'uj.

Jeremías 2:6

Ma'ix snalb'ej meltzjoc cot sb'a eb' 'ayin, wach'xam an wijnac 'elt eb' 'a Egipto. 'Ix wi'n b'ey eb' 'a lum cusltac lu'um, lum tacn̈ sat, lum pa'ctac, lum 'ajtil caw 'ay smay, lum may junc mach cajn 'a sat, may pax junc mach tz'ec' 'a sat.

Jeremías 2:2

'Ixic, 'at al yab' eb' 'aj Jerusalén, to an Jehová in, an tzwal 'a eb' 'ixtic: Tzin na cot wal eyiclumal 'ayin, yic ex wi'n 'och wico'oc, caw tzin e chamc'ojlej, 'icha junc cob's 'ix tot xnupni, caw 'ay schamc'ojlal 'a yichmil, 'ixta ex. 'Ochnc ex tza'n wuj 'a lum cusltac lu'um, atn lum lum may xon 'aj tz'awxi.

Salmos 31:7

A 'a chamc'ojlal a tz'i'n cot tzaljc'ojlal 'ayin. 'In tzel in cusc'ojlal, ojc pax in somc'ojlal.

Salmos 1:6

A Jehová a tztan̈wni eb' tojl sb'eyb'al, palta ax pax eb' tu sb'eyb'al, wan s'atcn eb' 'a syailal.

Gn 31:40

A 'a yic c'ual, in cham yuj c'ac', ax 'a 'ac'wal, in cham yuj si'ic, matz in wayi tz'ec' 'ac'wal.

Os 5:3

Wojc tas eyaj ex israel 'a yol yic Efraín, ¿tom tze na'a to man̈ wojcoc tas eyaji? 'Ix eya'ch e b'a 'ajmulal, 'ix eyixtj 'el e b'a yuj e maysch'olnilal.

Os 9:10

Tzyaln Jehová 'ixtic: A wal yic xin chan in b'a yet' eb' 'aj Israel, caw wal in tzalji, 'icha eb' tz'ilchj te uva yuj 'a lum cusltac lu'um. A eb' e mam eyicham, 'icha wal junc sat te higo tzb'ab'l 'el-li, 'ixta eb' 'a in sat. Palta ax yic xc'och eb' 'a Baal-peor, 'ix ya'n 'ejm sb'a eb' 'a Baal, yuj cha, caw yajb'entac xyutj sb'a eb' 'icha jun comn dios schamc'ojlej eb' cha.