Os 12:11 - Chuj San Sebastian Bible

¹¹ A 'a lum Galaad, ata 'ay sdiosal eb' chuc chon̈b'al, palta man̈x 'a jac yel'ch 'oj 'ajcni. A 'a lum Guilgal, ata tzlaj yac' eb' no wacx xajmb'alil; palta a yet'l xajmb'al eb' cha, lajn 'oj 'ajcn 'icha q'uen q'uen jun b'uln̈ yaj si'x syam sb'a 'a 'aj tz'awx lum lu'um, xchi Dios.

Chuj San Mateo Bible

¹¹ A d'a Galaad ay sdiosal eb' ch'oc chon̈ab'il, palta man̈xa jab'oc yelc'och ol ajcanoc. A d'a Gilgal syac' noc' vacax eb' d'a silab'il, palta lajanxo ol ajcan yaltar eb' icha q'uen q'uen molb'ilq'ue b'ulan d'a cal munlajel, xchi Jehová.

Os 12:11 Referans Kwoze

Os 8:11

A eb' 'aj chon̈b' Efraín, til wal jun tzo'n̈ yet'l xajmb'al xlaj sb'o eb', yuj yel smul eb' yalni, palta yuj jun tzo'n̈ yet'l xajmb'al cha, tzwach' 'a'n 'och eb' smul.

Os 6:8

A eb' 'aj Galaad, cojn maysch'olnil xlaj sb'o eb' 'a yol schon̈ab', tzanxn̈ej 'aj 'aycn chic' yuj eb'.

Os 4:15

Wach'xam x'och smul chon̈b' Israel, palta comnoc matz 'och smul chon̈b' Judá. May cab' eb' 'anma tz'at yac' 'ejm sb'a 'a Guilgal, mto 'a jolm witz Bet-avén, may cab' mach tz'a'n sti 'a in b'i an Jehová pitzn in tic.

Os 9:15

'Ix yaln Jehová 'ixtic: A 'a lum Gilgal, ata x'el yich sb'on eb' maysch'olnilal, a pax ta x'el yich in chacn in b'a yet' eb'. Yuj stu b'eyb'al eb' cha, 'oj in pechl eb' 'a watut. Man̈x 'oj in chamc'ojloc eb', yujto a smasnil eb' 'aych yajlil 'a scal eb', yel xo wal tenmtac eb'.

Os 10:1

A eb' 'aj chon̈b' Israel, lajn wal eb' 'icha jun 'ib'c te snun uva caw wal 'ay sat, palta mun tzsatn sch'ocoj, a yic wach' tz'aj sat tas 'awb'il yuj eb', yet' 'a yic tzniwtj sricoal eb', a pax ta tzniwtj sb'on eb' 'anma jun tzo'n̈ yet'l xajmb'al, tzb'on 'och eb' yelwnub'al.

Jonás 2:8

A eb' tzlaj 'och tza'n yuj jun tzo'n̈ yechl tzalx 'och diosal, tzpatquilj can 'el eb' a wach'c'ojlal.

Am 5:5

Man̈ ex 'at 'a chon̈b' Bet-el, yet' 'a Gilgal, man̈ ex 'ec' pax 'a Beerseba. A eb' 'aj Gilgal, yowlal 'oj 'ijxoc 'at eb' 'icha presoal 'a chuc nacion̈al, ax Bet-el, caw 'oj lan̈chjoc can 'ejmi, xchi Dios.

Am 4:4

An Jehová in, an tzwala: 'In tze nib'j e b'o tas tze nib'ej, yuj cha, 'ixquec 'a Bet-el, yet' 'a Gilgal 'aj tz'och jun tzo'n̈ niwc yamnil, 'a'c e nab'en e b'on jantc maysch'olnilal tze nib'j e b'o ta'. 'Ijc 'at e xajmb'al 'a junjn sq'uin̈b'ial, 'a'c e diesmo 'a yoxtquil c'ual.

Jeremías 10:15

A jun tzo'n̈ cha, may jac yopiso, smoj wal ton̈j tzb'uchx eb'. A yic 'oj jawc yailal 'a yib'n̈ eb' yuj Jehová, 'oj satl eb'.

Jeremías 10:8

Smasnil jun tzo'n̈ 'anma', may xon jac snab'en eb', may jac sjelnal eb'. A jac te te cha, caw matz tac' on̈ scuyn te 'on̈.

Jeremías 2:28

Ex 'aj Judá, ¿'ajtil 'ay jun tzo'n̈ e diosal e b'ojnac? ¡'Icha wal sb'isl e chon̈ab', 'ixta wal sb'isl eb' e diosal chi e b'ojnac! ¡Jaw cab' eb' quilnoc, ax quilni, toto 'oj stac' ex scoln eb', yic 'oj c'och stiempoal sjaw yailal 'a eyib'an̈!

Jeremías 2:20

A 'a yictax yaln̈taxi, syamn 'och yoch e tenmtacl 'ayin. Ma'ix eyiclj tas xwala. 'Ix eyaln 'ixtic: Matz qui nib'j tzach cac' servil, xe chi. Cojxn 'ajmulal tzlaj e b'o 'a lum tzalctac yet' 'a yich eb' te te caw pim xi'il.

A Ch'an̈ B'ab'el Libro Yic Yab'ixal Eb' Rey 17:1

'Ay jun schecb' Dios Elías sb'i, ata cajn 'a chon̈b' Tisbe 'a yol yic Galaad. A aljnac 'ixtc 'a win Acab: An tic schecb' in Jehová qui Diosalec an̈ israel on̈ tic. 'A sat tzwaln can 'ayach, to man̈x 'oj yac' n̈ab' jaye'oc ab'il, man̈x 'a xon chicb'chan̈ 'oj 'em 'a 'ac'wal, masnto an 'oj walxi, xchi.

Os 10:2

A eb' israel tic, chapojn̈ yajl eb'. A ticnec, 'oj stoj lajwc eb' smul cha. 'Oj smac' 'ejm Jehová jun tzo'n̈ yet'l xajmb'al eb' cha, ax sma'n pax 'ejm q'uen q'uen 'aj tzyac' 'ejm sb'a eb'.

Nm 12:6

'ix yaln 'a eb' 'ixtic: 'Ab'c tas 'oj wal 'ayex: A yic tzwa'n cot junc in checb' 'a e cal, an tzin ch'ox in b'a 'a 'a, tzin paxtin pax 'a 'icha waychil 'a 'a.

A Ch'an̈ Schab'il Libro Yic Yab'ixal Eb' Rey 17:13

Xlajw cha, schecn 'at Jehová eb' schecb' 'at yal 'ixtc 'a chon̈b' Israel yet' 'a Judá: 'Actjec can e tu b'eyb'al, tzeyiclni in checnb'il, in ley yet' smasnil in cuynb'il 'ix wac' yal eb' in checb' 'a eb' e mam eyicham, xchi.

Ez 17:2

Ach 'anma', al jun 'ab'x tic 'a eb' et israelal.