Os 11:8 - Chuj San Sebastian Bible

⁸ ¿Tas wal 'oj wutc ex wactn can ex 'aj Efraín, atn ex yin̈tl can Israel? ¿Tom 'oj ex in satl 'icha wutjnac chon̈b' Admá, mto 'icha wutjnac chon̈b' Seboím? Caw ya tzwab' eyu'uj, caw tzcusch pax in c'ojl ex wiln 'ochi.

Chuj San Mateo Bible

⁸ ¿Tas val ol aj ex vactancan ex chon̈ab' Efraín? ¿Tas val ol aj ex vactancan ex yin̈tilal Israel? ¿Ol am yal ex vac'an satel icha ix vutej chon̈ab' Adma? ¿Ol am ex vutej icha ix vutej chon̈ab' Zeboim? Ya syab' in pixan, scus in c'ol eyuuj.

Os 11:8 Referans Kwoze

Jeremías 31:20

An Jehová in, an tzwala to a eb' 'aj Efraín tic, 'icha to wunnal yaj eb', caw xajn eb' wu'uj, yel xo chamc'ojlb'il eb' wu'uj. Wach'xam tzwac' cuenta eb', palta matz wactj in nani, caw ya tzwab' yuj eb', yujto caw niwn tz'o'ch in c'ojl 'a eb'.

Mt 23:37

Ax wal tic ex 'aj Jerusalén, caw ton̈j tzlaj e jul cham eb' schecb' Dios yet' q'uen que'en, atn eb' tzchecx cot 'ayx yu'uj. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni, palta toxn matz yal e c'ojol.

Os 6:4

Xyaln Jehová 'ixtic: ¿Tas wal 'oj ex wutc ex 'aj Efraín? ¿Tas wal 'oj ex wutc ex 'aj Judá? A e chamc'ojlal 'ayin, lajn wal 'icha 'asn 'a yic sq'uin̈b'ial, lajn 'icha chicb'chan̈ tz'em 'a yic 'ayt sacb'i, ax 'a yic tzsacb'i, yajn̈ej tzsatx cha'an̈.

Dt 32:36

A Jehová 'oj colwjoc yet' eb' schon̈ab', yic tzyilni to wan yel yip eb'. 'Oj 'o'ch sc'ojl 'a eb' schecab' yic 'oj yilnoc to man̈x 'a yip eb', man̈xtzac stac' scoln sb'a eb'.

Dt 29:23

'oj yil eb', chajtlto a jun lum cha, c'uxn tz'anc smasnil, cojn azufre, yet' 'atz'm 'ay 'a 'a. Man̈x 'a tas tztac' yawx 'a lu'um, man̈x 'a xon tas 'oj yac'a. Man̈x 'a sc'ultcal 'oj pac'oc 'icha wal 'ajnc slajw 'el chon̈b' Sodoma, Gomorra, Adma yet' Zeboim. Atn jun tzo'n̈ chon̈b' chi 'ix yac' Jehová lajwc 'el yet' yowl sc'ojol.

San Judas 1:7

An̈jtona', tze nan cot tas 'ajnc eb' 'aj Sodoma yet' eb' 'aj Gomorra, yet' eb' 'a jun tzo'n̈ xo chon̈b' 'a sla'nil. 'Icha yutjnac sb'a eb' ángel cha, 'ixta yutjnac pax sb'a eb'. Caw ya'jnac 'at sb'a eb' 'a scal 'ajmulal. An̈jtona sb'ojnac eb' jun tzo'n̈ xo 'ajmulal yet' yit wincal. A eb' cha, ch'oxnb'il yaj eb' 'a smasnil 'anma ticnec, yujto wan yab'n eb' syal 'a scal c'ac' 'a jun 'ejmn̈ej.

A Schab'il Carta San Pedro 2:6

An̈jtona', ya'jnac Dios yailal 'a yib'n̈ eb' 'aj Sodoma yet' eb' 'aj Gomorra. C'uxn lajwnac 'el chab' chon̈b' chi yet' c'ac'. Nab'a tan̈ xoj 'ajnc can smasnil. A eb' lajwnac 'el cha, ch'oxnb'il yaj eb' 'a jantcn̈ej mach maysch'olnil sb'eyb'al.

Am 4:11

An Jehová in, an tzwala, ex wac' lajwc 'el 'icha 'ajnc slajw 'el eb' 'aj Sodoma, yet' eb' 'aj Gomorra, yuj cha, ax jaywn̈ ex cannc ex tic, lajn ex xoj 'icha junc te cux tz'ijx can 'elt 'a scal te c'ac'. Palta man̈ yujoc cha, ex meltzj paxt 'ayin.

Lm 1:20

Mamin Jehová, 'ilt on̈ cot yet' qui yailal tic on̈, a wal tzcutj cab'n on̈, 'ijn wal tzn̈i'chj sn̈i qui c'ojl cab'n syail. Caw wal tzcab' syal yet' qui pixn on̈, yic tzqui nan cot qui mul xlaj 'ochi. A 'a spatc 'el chon̈ab', til wal eb' tzcham yuj owal, 'ixta 'a yol 'oxt chon̈b' tic, til pax mach tzchami.

A Ch'an̈ Schab'il Libro Yic Yab'ixal Eb' Rey 13:23

Palta ax Jehová caw 'ix 'o'ch sc'ojl yiln 'och eb', yujn̈ej to 'ay strato yet' Abraham, Isaac, yet' Jacob, ma'ix yal sc'ojl xlajw 'ejm eb'. Ma'ix yal sc'ojl to tzsatl eb' 'a yojltac, 'ayc'n̈ej cab' eb' masnto ticnec.

A Ch'an̈ Schab'l Libro Samuel 24:16

Ax yic 'ix ya'n 'at jun ángel sc'ab' 'a yib'n̈ Jerusalén, yic tzya'n lajwc yalni, 'ix cus sc'ojl Jehová yuj tas 'ix yutj cha, yuj cha, 'ix yaln 'a jun ángel wan ya'n lajwc eb' 'anma cha, ¡Colb'xo cha, 'ochn̈ wa'an! xchi Jehová. A 'a ste'lab' trigo win Arauna jebuseo, ata 'ayc' jun ángel cha yic xyaln Jehová cha.

Jueces 10:16

'Ix laj sma'nc poj eb' sdiosal eb' chuc chon̈b'al cha, 'ix yaln sb'a eb' 'a Jehová. Yuj cha, ma'ix techj yu'uj, 'ix cus yiln 'och syailal eb'.

Gn 14:8

Ax eb' own̈ rey cha, atn win yic Sodoma, win yic Gomorra, win yic Adma, win yic Zeboim, yet' win yic Bela, 'ix 'at eb' yown̈il 'a lum niwn pan̈n yic Sidim. Ata 'ix yac' ewin owl yet' eb' rey cha, atn Quedorlaomer, Tidal, Amrafel, yet' Arioc. A eb' tic rey eb' 'a Elam, 'a Goím, 'a Sinar, yet' 'a Elasar.

Apoc 18:18

A yic xyiln eb' sq'ue stab'l jun chon̈b' chi stz'a'i, 'ix 'awj chan̈ eb' 'ixtic: —Toc 'ay 'aj 'ay junc chon̈b' tza'wni 'a jun niwquil chon̈b' tic, xchi eb'.

Apoc 11:8

Ax sniwnal eb' schawn̈il, ton̈j 'oj can t'ocn 'a yol scayeal jun niwquil chon̈ab', atn 'ajtil 'ac'b'il q'ue Cajlilc 'a spenc te culus. A jun chon̈b' cha, tzcuch Sodoma, tzcuchn pax Egipto, a sch'oxni tas yaji.

Sofonías 2:9

Yuj cha, an wal tzwal 'ixtic: A Moab, lajn 'oj 'ajcn 'icha Sodoma, ax chon̈b' Amón, lajn 'oj 'ajcn 'icha Gomorra, 'oj pac' chan̈ te q'uix 'a 'a. 'Oj 'ochcn sminasil 'atz'am. Caw cusltac 'oj 'ajcn 'a jun 'ejmn̈ej. A eb' in chon̈b' 'oj can to 'a eb' yin̈tl Judá cha, a eb' 'oj 'i'nc 'elt smasnil tas 'ay 'a eb' 'anma cha. A eb' 'oj 'ica'anc can slum eb' cha, xchi Dios.

Am 7:6

Yuj cha, 'ix snan Jehová yuj jun tic, 'ix yaln 'ixtic: —Ma'oj ujc pax jun tic, xchi.

Am 7:3

Yuj cha, snan Jehová yuj jun tic, 'ix yaln 'ixtic: —A jun tic, ma'oj ujoc, xchi.

Lm 3:33

Wal yel, matz nib'j to tzon̈ ya'c 'och 'a cusc'ojlal mto 'a yailal.

Jeremías 9:7

Yuj wal cha, an Jehová in, tztac' wuj smasnil, an tzwala: ¿Tas to wal junc xo tztac' in b'on yet' eb' in chon̈b' tic? Cojn to 'oj wa't eb' 'a scal c'ac', sec tz'och eb' wach'il, 'icha tzyac' q'uen plata.

Jeremías 3:12

Ach Jeremías, 'ixic, 'at alcn 'el jun tzo'n̈ paxti tic 'a eb' et israelal. Ata tzach 'at q'ueln 'a stojlal norte, tzaln 'a eb' 'ixtic: A Jehová, a tzaln 'ixtc 'ayex: ¡Ex israel to caw tenmtac, meltzjan̈c cot 'ayin! An Jehová in, an tzwala, to man̈ owloc 'oj wutc ex in chani, man̈ smasnilc tiempo 'ay cot wowl 'ayex, yujto caw wal 'ay in chamc'ojlal.

Is 63:15

Mamin Jehová, 'ilt on̈ cot 'a jun et'l to ecn̈ej yaji, atn satchan̈ 'aj cajn ach 'eq'ui, jun 'ajtil 'aych 'ec' yet' a niwn chamc'ojlal yet' pax 'a poder. ¿'Ajtil 'ay a wach'c'ojlal chi jun? ¿Tom xlajw c'och a chamc'ojlal chi 'ayn̈ on̈?

Salmos 106:45

'Ix a nan cot jun a trato chi yet' eb', xa jeln a nab'en chi 'a yib'n̈ eb', yujto caw niwn a chamc'ojlal 'a eb'.

A Ch'an̈ B'ab'el Libro Yic Yab'ixal Eb' Rey 3:26

Palta ax 'ix snun jun 'unn pitznto cha, caw 'ix 'och pitz'n cusc'ojlal 'a 'ix yuj jun yune cha, 'ix yaln 'ix 'a win rey chi 'ixtic: —¡Mamin rey! ¡'El cab' 'a a c'ojol, matz polx 'ejm snan̈l jun 'unn pitznto tic! ¡'Ajx cab' 'a 'ix tic! xchi 'ix. Palta 'ix yaln junx 'ix cha: —Matz can wet'oc, matz can pax yet' 'ix. ¡Polx cab' 'ejm snan̈al! xchi 'ix.

Is 16:11

Yuj cha, caw wal tzcus in c'ojl yuj tas 'oj 'aj slajw 'el eb' 'aj Moab yet' eb' 'aj Kir-hareset.

Jeremías 18:8

palta toto a junc nacion̈ cha, tzyij 'el sb'a 'a scal maysch'olnil, to 'ixta', man̈xtzac wa' cot jun yailal chi nab'ilx wuj 'a yib'an̈.

Jeremías 42:10

Toto tzchaj e c'ojl tzex can cajn 'a jun lum tic, caw 'oj ex wac' q'ue'choc yet' tas 'ay 'ayex. Man̈x 'oj ex in satli, caw wal ya 'ix wab'i, yujto 'ix wa' cot jun niwquil yailal chi 'a eyib'an̈.

Lm 3:32

Wach'xam tzya'ch wal qui yailalec, palta tz'o'ch pax sc'ojl 'ayn̈ec, yujto caw wal niwn schamc'ojlal.

Ez 6:9

Ax eb' ma'oj cham cha, 'oj in sna cot eb' 'a jun tzo'n̈ nacion̈ 'aj 'ayc' cha, 'oj sna cot eb' tas in yutj eb' yic xwab'n syal yuj eb', yujto 'ix yij 'el sb'a eb' 'a in tz'ey, ax 'a jun tzo'n̈ yechl comn dios 'aj xlaj yac' 'ejm sb'a eb'. 'Oj laj yec q'uixwc sb'a eb' yuj smasnil tas yajb'entac xlaj sb'o'.

Ez 33:11

An Jehová in, an tzwal 'ixtc 'a eb': Matz in nib'j to tzcham eb' tz'och smul, palta to tzin nib'j to tzjel eb' sb'eyb'al, sec pitzn eb'. Ex israel, 'actjec can jun tzo'n̈ e b'eyb'al cha, sec ma'oj e chami, xchi Dios.

Os 7:1

ata tznachj 'el smul eb' wu'uj, yet' smaysch'olnilal eb'. Yujto jun lajn xoj tzb'eylb'ej eb' 'a'm 'esal. 'Elc'm eb' smasnil. Tojln̈ej yoch eb' 'a yoltc n̈a. Tzlaj 'elc'w pax eb' 'a yoltc caye 'a eb' 'anma'.

Miqueas 5:3

Ax ticnec, 'oj yactc can Jehová schon̈ab', masnto 'oj 'aljoc yune jun 'ix 'ix wan stan̈wni yalj cha. Atta 'oj meltzjoc cot eb' israel 'ijxnac 'at 'icha presoal 'a chuc chon̈b'al, sec junxn̈ej 'oj 'aj eb' yet' eb' yit chon̈ab'.

Dt 29:22

A eb' eyin̈tl b'aq'uin̈ yet' eb' chuc chon̈b'al 'oj cot 'a najat, 'oj yil eb' smasnil jun tzo'n̈ yailal cha, yet' jun tzo'n̈ yab'il 'oj ya' cot Jehová 'a yib'n̈ lum lum cha,

2 Cr 36:15

A Jehová sDiosal eb' yet' smam yicham, a x'a'n tennb'ilal 'a eb' yuj eb' schecab', yujto caw tz'o'ch sc'ojl 'a schon̈ab', yet' 'a scajnub'.

Jeremías 9:6

A wal et'l 'aj cajn ach 'eq'ui, ata 'ayc' 'a scal eb' tz'ixtn eb' 'anma'. Yujto caw tzya'ch eb' sc'ojl yixtn yit 'anma'il, yuj cha, caw man̈xtzac snib'j eb' tzin yalch sDiosaloc.