Os 11:7 - Chuj San Sebastian Bible

⁷ A eb' in chon̈b' tic, nab'ilx yuj eb' to tzyij can 'el sb'a eb' 'ayin. Wach'xam cob' tzyal eb' to Cojxn in Niwn Wel'chi, palta matz in yij chan̈ eb'.

Chuj San Mateo Bible

⁷ A in chon̈ab' tic naan yuuj to tz'elcan d'a in patic yic syal sb'a d'a juntzan̈ comon dios. Vach'chom tz'avaj eb' sc'anan colval d'a juntzan̈ comon dios chi', palta man̈ ol colvajlaj d'a eb'.

Os 11:7 Referans Kwoze

Jeremías 8:5

Palta ax xo tic ex 'aj Israel ¿tas yuj tzeyij 'el e b'a 'ayn 'a jun 'ejmn̈ej? Ex 'aj Jerusalén, ¿tas yuj man̈xtzac ex meltzj cot 'ayin? ¿Tas yuj tzeya'ch e b'a eyixtn eb' 'anma'? Caw man̈xtzac tze nib'j tzex meltzj cot pax 'ayin.

Os 14:4

Tzyaln Dios 'ixtic: 'Oj wac' jawc snab'en eb' in chon̈b' tic 'a scal spital. Wach'xam man̈ smojoc, palta 'oj in chamc'ojloc eb', yujto man̈x 'oj wa'ch yowl in c'ojl 'a yib'n̈ eb'.

Os 11:2

Palta a yic xwawtn cot cha, yel xo wal najt xyij 'el sb'a 'a in tzey. A eb' in chon̈b' tic, 'ix laj yac' eb' xajmb'al 'a jun tzo'n̈ dios Baal. 'Ix laj sn̈usn eb' incienso 'a yojltac jun tzo'n̈ yechel.

Os 7:16

Tzmeltzj cob' eb', palta man̈xoc 'a 'ayn an Niwn Wel'ch tic. 'Icha junc jul-lab' man̈ tojloc, matz yamchj tas tzjulx yet'oc, 'ixta eb'. A yuj spaxti eb' syajlil eb' tzyal 'a b'an̈quinal, yuj cha, ax scham eb' yuj q'uen espada. Ax eb' 'aj Egipto, toxn̈ej 'oj b'uchwjoc eb' 'a eb'.

Jeremías 3:11

'Ix yaln pax Jehová 'ayn 'ixtic: A eb' israel, tenmtac eb', jab' wal smul eb' 'a yib'n̈ eb' 'aj Judá, yujto a eb' 'aj Judá cha, caw 'ixtm 'anma eb'.

Pr 14:14

Toto tu qui nab'enec, maysch'olnil tas 'oj qui cha spacc yuj tas tzqui b'oc cha; ax toto wach' qui nab'enec, wach' tas 'oj qui chac spacoc.

Salmos 81:11

Palta x'ec' jun tiempoal, xyaln pax yuj eb' 'ixtic: A eb' in chon̈b' tic, ma'ix schaj eb' yab' tas xwala; a eb' israel tic, ma'in syiclj eb'.

Os 4:16

A chon̈b' Israel, caw pit, lajn wal 'icha junc no quelm wacx caw ow. Toto 'ixta', ¿tom 'oj stac' in tan̈wni eb' 'icha junc 'ilm calnelu tztan̈wni wa scalnelu 'a 'aj caw yax te c'ultac?

Jeremías 14:7

Mamin Jehová, wach'xam caw niwc qui mul 'a a sat on̈, palta colwjan̈ quet' on̈, sec matz ach alx tu'al. Til wal 'ejm tz'och qui tenmtacl 'aych on̈, caw wal 'ay qui mul tz'och 'ayach.

Is 26:10

Wach'xam tz'o'ch a c'ojl 'a eb' maysch'olnil sb'eyb'al, palta matz yiclj eb' sb'on tojlal. Wach'xam a 'a scal eb' wach' snab'en cajn 'ec' eb', palta an̈ja sb'on eb' maysch'olnil cha. Toc 'ay el'ch yet' opiso chi 'a sat eb'.

Jeremías 2:19

An Jehová in, tztac' wuj smasnil, an tzwala: Mun wal a e mul 'oj 'a'nc jawc yailal 'a eyib'an̈. Mun wal a e tenmtaquil, a 'oj 'a'nc 'och 'a eyib'an̈. Nachj cab' 'el eyu'uj, chajtlto caw wal man̈ wach'oc, yujto in eyactj can an Jehová e Diosal in tic. Tzwa'ch yailal 'a eyib'an̈, yujto may wel'ch xon jac 'a e sat.

Jeremías 7:25

Yictax yelt eb' e mam eyichm 'a Egipto, masnto 'a jun c'u tic, 'ix in checn̈j 'at eb' in checb' eyet'oc.

Jeremías 7:26

Palta ax xo tic, ma'ix eyiclj tas 'ix wala, tenmtac xeyutj e b'a, yel xo wal tu xeyutj e b'a 'a yib'n̈ eb' e mam eyichm cha.