Nm 9:15 - Chuj San Sebastian Bible

¹⁵ A 'a yic jun c'u 'aj 'ix b'o 'el'ch scajnub' Dios, tzyal 'el'chi, atn jun Mantiado yic trato, caw 'ix macchj 'el yib'n̈ yuj jun 'asun. A yic 'ix 'ejm can c'u, lajn 'ix 'aj yilx 'icha c'ac', masnto 'a yic 'ix sacb'el 'a junx c'u.

Chuj San Mateo Bible

¹⁵ A d'a sc'ual ayic ix b'ojiq'ue scajnub' Jehová, syalelc'ochi aton Mantiado yic trato, ix och jun asun d'a yib'an̈. Ayic ix emcan c'u, lajan ix aj yilji icha c'ac', masanto ix sacb'i d'a junxo c'u.

Nm 9:15 Referans Kwoze

Ex 13:21

A 'a c'ual, b'ab'l Jehová yuj eb' 'a scal jun topn̈ 'asun, a tzch'oxn b'e 'a eb'. Ax 'a 'ac'wal, a 'a scal jun topn̈ c'ac' ata 'aychi. A tz'a'n sacq'uinl 'a eb' 'anma cha, sec wach' sb'ey eb' 'a c'ual mto 'a 'ac'wal.

Ex 40:34

Xlajw cha, 'ix 'eml jun 'asn 'a yib'n̈ Mantiado 'aj tzchaj sb'a Dios yet' eb' 'anma', 'ix macchj 'el yojl chi yuj stzictznil Jehová.

Salmos 78:14

A 'a c'ual, xyij b'ey eb' yet' jun 'asun, ax 'a 'ac'wal xyij b'ey eb' yet' sacq'uinlal jun c'ac'.

Nehemías 9:19

palta ach tic, yuj a niwquil chamc'ojlal, ma'ix actjcan eb' 'a lum cusltac lu'um. A jun niwquil 'asun, ma'ix 'el 'a yojltac eb' yic tz'ijx b'ey eb' 'a c'ul yu'uj, yet' jun niwquil c'ac' ma'ix 'el 'a yojltac eb' 'a 'ac'wal, yic tzictajx sb'e eb' 'ajtil tz'ati.

1 Co 10:1

Ex wu'tac, ex wanab', tzin nib'j tzeyojquej 'eli, tas 'ajnc eb' qui mam quichm 'a pecti 'on̈, yic yoch tza'n eb' yuj Moisés. C'uxn b'eync eb' smasnil 'a yaln̈ jun 'asun, 'e'nc pax eb' smasnil 'a snan̈l a Chac Mar.

Is 4:5

A 'a c'ual, 'oj ya'ch Jehová jun 'asn yen̈loc lum tzaln Sión yet' eb' 'anma 'oj syam sb'a ta'; ax 'a 'ac'wal, a jun c'ac' caw tzn̈ilchji, a 'oj 'a'nc sacq'uinl 'a eb', yujto a stzictznil Dios a 'ayc' 'a yib'n̈ eb' smasnil.

Salmos 105:39

Xya'n cot Dios jun 'asn yen̈loc eb', ax 'a 'ac'wal, a jun c'ac' a tz'a'n sacq'uinl 'a yib'n̈ eb'.

Nehemías 9:12

'Ix e'n b'ey eb' yet' jun niwquil 'asn 'a c'ual, ax 'a 'ac'wal, 'ix e'n b'ey eb' yet' jun niwquil c'ac', sec wach' tzictajx sb'e eb' 'ajtil tz'ati.

Nm 14:14

Caw wal 'oj yal eb' a peclal 'a eb' 'anma 'ay 'a lum Canaán. An̈jtona eb' cha, 'ix yab' pax eb' yab'xil, to ach Jehová ach, 'aych 'ec' 'a qui cal on̈. Q'uelc'mb'a tzach 'aj a paxtin quet' on̈. Ax jun 'asn eco', a 'ayc' 'a quib'n̈ on̈. A 'a c'ual b'ab'l a 'at cuj 'a scal jun 'asn cha, ax 'a 'ac'wal, 'aych 'och 'a scal jun c'ac' b'ab'l s'at cuj on̈.

Ex 40:38

A yic 'aych eb' israel 'a yol b'e, a jun 'asn yic Jehová 'aych 'a yib'n̈ scajnub', a tzyil eb' 'a c'ual, ax 'a 'ac'wal, a sc'aq'uil, a tz'i'n b'ey eb'.

Ex 40:2

A wal 'a b'ab'l c'u yic b'ab'l 'uj, ata tzac' b'o chan̈ in cajnub', atn jun Mantiado 'aj tzin chaj in b'a eyet'oc.

Ex 14:24

A Jehová 'aych 'a scal jun c'ac' yet' 'a scal 'asun, ax yic wan sacb'i, 'ix yil 'emt Jehová eb' 'aj Egipto cha, xya'n somchjoc eb'.

Ex 13:22

A jun topn̈ 'asn cha, b'ab'ln̈ej s'at 'a yojltac eb' 'a c'ual, ax jun topn̈ c'ac' cha, a 'ix 'i'n b'ey eb' 'a 'ac'wal, may xon 'ajtil 'ix 'el 'a stz'ey eb' israel cha.

Nm 10:34

A yic xb'ey eb' 'a c'ual, c'ojnc'ojnil sb'ey eb', yujto 'aych jun 'asn yic Jehová 'a yib'n̈ eb'.

Nm 17:7

'Ix ya'n 'och Moisés eb' te c'occh chi 'a yojltac Jehová, 'a yol Mantiado cha.

Dt 1:33

A Dios b'ab'l scot cujec, yic sayn 'aj wach' on̈ 'ochcwa'an. A 'a 'ac'wal, a jun c'ac' tzon̈ 'i'nec b'eyoc, ax 'a c'ual, a jun 'asn tzon̈ 'i'nec pax b'eyoc, xchi Moisés.

Ex 40:35

Ax Moisés matz tac' yoch 'a yol Mantiado cha, yujto 'aych jun 'asn chi 'a yib'an̈, macchjnac 'el yojl chi yuj stzictznial.