Nm 7:84 - Chuj San Sebastian Bible

⁸⁴ Yuj cha, a smasnil ofrenda 'ix yac' eb' yajl yaj 'a eb' yin̈tl Israel, yic 'ix 'ochcn yopiso jun yet'l xajmb'al cha, atn jun tzo'n̈ tic: Lajchwe q'uen plato b'ob'il yet' plata, lajchwe pax xalu b'ob'il yet' plata, yet' pax lajchwe q'uen niwc cuchara nab'a oro.

Chuj San Mateo Bible

⁸⁴ Masanil ofrenda ix yac' eb' yajal yaj d'a yin̈tilalcan Israel, ayic ix ochcan yopisio altar, aton juntzan̈ tic: Lajchave' q'uen plato nab'a plata, lajchave' uc'ab' nab'a plata yed' lajchave' nivac cuchara nab'a oro.

Nm 7:84 Referans Kwoze

Nm 7:10

A yic x'ochcn yopiso jun yet'l xajmb'al, ax eb' yajl yaj 'a junjn macn̈ 'in̈tal, 'ix yij cot eb' yofrenda 'a yojltac jun yet'l xajmb'al cha.

Apoc 21:14

A smuroal cha, 'ay lajchwe niwc q'uen 'aycn 'ejm yipnub'oc. Ax 'a sat junjn q'uen cha, ata tz'ib'b'il 'och sb'i eb' schecb' jun tzcuch Calnelu slajchwan̈il.

A Ch'an̈ Carta D'a Eb' Hebreo 13:10

Palta an̈ec xo tic, chuc jun qui xajmb'alec. Ax eb' ya'mal 'och sti eb' quit israelal 'a Dios, eb' 'a'jnac servil 'a jun scajnub', may yaln eb' yic schin jun xajmb'al tic.

Nm 7:1

A yic xlajw ya'n b'o Moisés scajnub' Dios, 'ix stzicn 'och aceite 'a 'a, 'a smasnil syamc'ab'il, 'a yib'n̈ jun yet'l xajmb'al, yet' pax 'a yib'n̈ smasnil syamc'ab'il yic tz'ochcn 'a yopiso.

Ex 25:29

Tza'n b'o yuc'b'al, scucharail, xalual yet' svasoal 'aj tzchax ofrenda to yalil yaji. Oron̈ej tz'aj smasnil.

Nm 7:85

A junjn q'uen plato cha, 'ay 1,430 gramos yalil, ax junjn xalu cha, 'ay 770 gramos yalil. Yuj cha, a q'uen plata x'och 'a jun tzo'n̈ plato cha, yet' 'a jun tzo'n̈ xalu, 'ay 26,400 gramos yalil, a tzyal 'echtab' tzc'anlb'ax 'a scajnub' Dios.