Nm 7:1 - Chuj San Sebastian Bible

¹ A yic xlajw ya'n b'o Moisés scajnub' Dios, 'ix stzicn 'och aceite 'a 'a, 'a smasnil syamc'ab'il, 'a yib'n̈ jun yet'l xajmb'al, yet' pax 'a yib'n̈ smasnil syamc'ab'il yic tz'ochcn 'a yopiso.

Chuj San Mateo Bible

¹ Ayic ix lajvi sb'oanq'ue scajnub' Jehová vin̈aj Moisés, ix yac'anoch aceite vin̈ d'ay yed' d'a masanil syamc'ab'il yed' d'a yib'an̈ altar yed' syamc'ab'il.

Nm 7:1 Referans Kwoze

Nm 7:84

Yuj cha, a smasnil ofrenda 'ix yac' eb' yajl yaj 'a eb' yin̈tl Israel, yic 'ix 'ochcn yopiso jun yet'l xajmb'al cha, atn jun tzo'n̈ tic: Lajchwe q'uen plato b'ob'il yet' plata, lajchwe pax xalu b'ob'il yet' plata, yet' pax lajchwe q'uen niwc cuchara nab'a oro.

Mt 23:19

Yuj cha, caw may e nab'en, 'icha to matz uj eyiln jab'oc. ¿'Aja jun yel xo 'ay yel'ch tze na'a? ¿Tom a jun ofrenda cha, mto a jun yet'l xajmb'al cha? A jun ofrenda cha, yujn̈ej to 'ayc' 'a yib'n̈ jun yet'l xajmb'al, yuj cha, yic Dios yaji.

A Ch'an̈ B'ab'el Libro Yic Yab'ixal Eb' Rey 8:64

Atn wal 'a jun c'u cha, 'ix ya'cn 'och win rey chi yopiso spacl snan̈l jun 'amc' 'ay 'a yojltac yatut Jehová. Ata xyac' tz'a win no xajmb'al, yet' yofrendail sat 'awb'en, yet' xepual no xajmb'al yic junc'ojlal, yujto caw wal ma'ix yab' jun yet'l xajmb'al nab'a bronce 'ayc' 'a yojltac yatut Jehová cha, yujto caw wal niwn no'.

Nm 7:88

Ax pax no noc' x'ajx xajmb'al-l yuj yic junc'ojlal, chan̈eschawinc no quelm wacax, 'oxwinc no mam calnelu, 'oxwinc no mam chiwo, 'oxwinc no quelm calnelu junjn ab'il sq'uinal. Atn smasnil jun tzo'n̈ ofrenda tic 'ix 'ajxi, yic x'ochcn yopiso jun yet'l xajmb'al chi yico'oc Dios.

Ex 13:2

A eb' b'ab'l winc 'unn tz'alj 'a e cal, pojc 'el eb', yujto wic tz'ajcn eb'. An̈jtona no cajb'en noc', a sb'ab'l 'une e no', wic yaj no', xchi.

Gn 2:3

'Ix si'n can 'el Dios jun yucl c'u chi yico'oc sec tz'ilj pax eb' 'anma 'a jun c'u cha, yuj yoch swach'loc eb', yujto a 'a jun c'u chi 'aj xb'o 'el'ch smasnil tas yuj Dios.

Nm 7:10

A yic x'ochcn yopiso jun yet'l xajmb'al, ax eb' yajl yaj 'a junjn macn̈ 'in̈tal, 'ix yij cot eb' yofrenda 'a yojltac jun yet'l xajmb'al cha.

Ex 29:36

'A junjn c'u tza'n tz'a junjn no quelm wacx xajmb'al-l 'ayin, sec wach' tzlajw can smul eb' cha. Tza sacb'tzej pax yet'l xajmb'al, tza'n tz'a junc no xajmb'al 'a yib'an̈, atn no tz'a'n lajwc mul. Tza secnq'ue pax aceite 'a yib'an̈, sec 'ixta tz'aj yochcn wico'oc.

Ex 40:11

Tza tzicn 'och pax jun perjuma chi 'a q'uen niwquil palagan yet' 'a sb'achnub'al yalan̈, 'ixta tz'aj a'n can 'och q'uen 'a yopiso.

Nm 17:2

Al jun tic 'a eb' et israelal: To a junjn eb' yajl yaj 'a scal junjn 'in̈tal, yi' cot cab' junjn eb' sc'ococh, tzyal 'el'chi, lajchwe te c'occh chi 'a smasnil. Tza tz'ib'n 'och sb'i junjn eb' 'a sc'occh cha.