Nm 4:12 - Chuj San Sebastian Bible

¹² Tzeyamb'tzan pax smasnil yamc'ab' tzc'anx 'a in cajnub', tze pichn 'och 'a yol junc q'uic'mucnac nip, tzeya'n pax 'och junc tz'um caw tzlab'b'i 'a 'a, tzeya'n pax 'och sb'achnub'al.

Chuj San Mateo Bible

¹² Tze molanpax q'ue vaan masanil yamc'ab' sc'anchaj d'a yol in cajnub', tze pichanoch d'a yol jun q'uic'mutz'inac c'apac, tzeyac'anoch juntzan̈xo noc' tz'uum lab'ab'i d'ay, tzeyac'anq'ue d'a yib'an̈ te b'achlab'.

Nm 4:12 Referans Kwoze

1 Cr 9:29

Ax jun tzo'n̈ xo eb', 'aych 'a yib'n̈ eb' yiln jun tzo'n̈ xo yamc'ab' to yic yatut Dios yaji: atn 'ixm harina, yal uva, aceite, incienso yet' perjuma.

2 Cr 4:22

jun tzo'n̈ 'icha texlex, jun tzo'n̈ niwc vaso, jun tzo'n̈ niwc cuchara, yet' jun tzo'n̈ tz'ab'c'ac'. A smasnil jun tzo'n̈ tic, oron̈ej smasnil, oro wal to caw wach'. An̈jtona', oro pax 'aych 'a spuertail 'aj tzon̈ 'och 'a yol yatut Dios, yet' 'a spuertail jun Lugar to cojn Dios 'ay yic cha.

2 Cr 4:19

An̈jtona', xya'n pax rey Salomón b'o jun tzo'n̈ xo yamc'ab' to yic yatut Dios tz'aji: Atn jun yet'l 'aj tz'a incienso to nab'a oro, jun tzo'n̈ mexa 'aj tz'ejm tzoln 'ixm pan 'a yojltac Jehová,

2 Cr 4:16

an̈jtona', yet' jun tzo'n̈ chen, jun tzo'n̈ q'uen cuchara, yet' pax jun tzo'n̈ syamlab'il. Smasnil jun tzo'n̈ yamc'ab' yic yatut Jehová xc'anlb'ax cha, nab'a bronce caw tzwetzwni.

2 Cr 4:11

Ax Hiram win cuywjum 'a tzann̈j munljelal, 'ix sb'o pax jun tzo'n̈ xalu, niwc cuchara yet' pax jun tzo'n̈ niwc vaso, 'ixta 'ix 'aj slajw sb'o jun tzo'n̈ munljel xyac' Salomón b'o 'a yatut Dios.

Nm 4:9

Tzlajw cha, tzeyi'n cot pax junc xo te q'uic'mucnac nip, tzeya'n q'ue 'a yib'n̈ jun tzo'n̈ tic: jun yet'l cantil yet' scantilal cha, q'uen tzluchn 'el stan̈il mecha, jun tzo'n̈ yuc'b'al, yet' 'a smasnil jun tzo'n̈ vaso tzc'anx 'a aceite.

Nm 4:7

Tzeya'n q'ue pax junc q'uic'mucnac nip 'a yib'n̈ mexa 'ay 'a wojltac, ax 'a yib'an̈, ata tzeyac' q'ue jun tzo'n̈ 'uc'ab', jun tzo'n̈ q'uen niwc cuchara, jun tzo'n̈ vaso, jun tzo'n̈ xalu yic yal uva tz'ajx ofrendail, yet' 'ixm pan to tz'ajx xoni.

Nm 3:8

Tztan̈wni pax eb' smasnil syamc'ab'il jun Mantiado cha, 'ixta tz'aj ya'w servil eb' 'a eb' israel 'a smasnil munljel 'a in cajnub'.

Ex 25:9

Palta a jun lugar 'aj tzin 'aj cajn cha, smasnil tas 'oj c'anxoc 'a yojol, lajnn̈ej tz'aj sb'o'i, 'icha wal yaj yechl 'oj in ch'ox 'ayach, xchi Dios.

Nm 4:6

Ax 'a yib'an̈, ata tzeyac' q'ue junc tz'um caw lab'mtac, sec a tzq'ue smacloc, ax 'a yib'n̈ jun tz'um cha, tzeyac' q'ue junc q'uic'mucnac nip. Tzlajw cha, tzeya'n 'och sb'achnub'al, sec wach' yijx b'eyoc.

Nm 4:11

Ax eya'n q'ue pax junc q'uic'mucnac nip 'a yib'n̈ jun yet'l xajmb'al nab'a oro. Tzlajw cha, tze lan̈n yet' junc no tz'um caw tzlab'b'i cha. Tzeya'n 'och sb'achnub'al, sec wach' yijx b'eyoc.

Nm 4:13

Yowlal tzeyij 'el q'uen ta'an̈ yet' no xepu tox scalj sb'a yet' q'ue'en 'a yet'l xajmb'al. Tzlajw cha, tze lan̈n jun yet'l xajmb'al chi yet' junc te nip púrpura.

1 Cr 9:28

A junc eb' tic, 'aych 'a yib'n̈ yiln jun tzo'n̈ yamc'ab' tzc'anx yic tz'och 'emmquilal, a eb' scuenta yi'n 'elta, tzmoln can pax eb'.