Nm 35:6 - Chuj San Sebastian Bible

⁶ A 'a scal jun tzo'n̈ chon̈b' tz'ajx 'a eb' levita cha, ata 'ay waque chon̈b' 'aj wach' tz'at scol sb'a eb' 'anma tzmil cham junc yit 'anma'il, toto man̈ sc'anc sc'ojol. Chuc pax tzeyac' junc xo 42 chon̈b' chi 'a eb'.

Chuj San Mateo Bible

⁶ A d'a scal juntzan̈ chon̈ab' tz'ac'ji d'a eb' levita chi', ayocab' vaqueoc chon̈ab' b'aj syal b'at scolan sb'a junoc mach smac'ancham junoc anima. Ch'oc pax tzeyac' 42-ocxo chon̈ab' d'a eb'.

Nm 35:6 Referans Kwoze

Josué 21:13

A sb'isl chon̈b' x'ajx 'a eb' yin̈tl Aarón, eb' ya'mal 'och sti eb' 'anma 'a Dios, 'ay 'oxlajn̈e chon̈b' 'a smasnil yet' swalab' no cajb'en noc' 'a junjn chon̈b' cha. A 'a yol smacb'en eb' yin̈tl Judá yet' Simeón, ata 'ay b'aln̈e chon̈b' x'ajx 'a eb': Atn chon̈b' Hebrón 'aj tz'at scol sb'a eb' tzmiln junc yit 'anma'il. X'ajx pax chon̈b' Libna, Jatir, Estemoa, Holón, Debir, Aín, Juta, yet' Bet-semes. Ax 'a yol smacb'en eb' yin̈tl Benjamín, ata 'ay chan̈e xo chon̈b' x'ajx 'a eb': Atn chon̈b' Gabaón, Geba, Anatot yet' Almón.

Josué 21:3

Yuj cha, 'ix syiclj eb' israel chi 'icha yaj yaln can Jehová. Xya'n eb' slum chi 'a eb' yin̈tl Leví cha, atn jun tzo'n̈ schon̈b' eb' yet' swalab' no cajb'en noc'.

Salmos 9:9

Tza colcn 'el eb' 'oltac tz'aj yixtxi, tza'n yip eb' 'aych 'a syailal.

Josué 21:27

Ax 'a eb' yin̈tl Gersón, win yunnal Leví, a 'a eb' x'ajx 'oxlajn̈e chon̈b' yet' swalab' no cajb'en noc' 'a junjn chon̈b' cha. 'A yol smacb'en spacl xo eb' yin̈tl Manasés ata x'elt chab' xo chon̈b' cha: Atn Golán, 'ay 'a yol yic Basán, 'aj tzcol sb'a eb' tzmiln junc 'anma', yet' chon̈b' Beestera. Ax 'a yol smacb'en eb' yin̈tl Isacar, ata x'elt chan̈e xo chon̈ab': Atn Cisón, Daberat, Jarmut yet' En-ganim. 'A 'a yol smacb'en eb' yin̈tl Aser, ata x'elt chan̈e xo chon̈ab': Atn Miseal, Abdón, Helcat yet' Rehob. 'A yol yic Neftalí, ata x'elt 'oxe xo chon̈ab': Atn Cedes 'ay 'a yol yic Galilea, 'aj tzcol sb'a eb' tzmiln junc 'anma'. X'ajx pax Hamot-dor yet' Cartán 'a eb' cha.

A Ch'an̈ Carta D'a Eb' Hebreo 6:18

Caw ya'jnac Dios sti', slocjnac sb'i, yuj cha, a tas yaljnac, may b'a'n̈ 'oj jelxoc, yujto a Dios, matz tac' ya'n 'es. A tas yaljnac cha, caw tzyac' sniwnal qui c'ojlec, yujto ca'jnaquec qui b'a 'a 'a, tzon̈ scolni. Wan qui tan̈wniec tas 'oj yac' 'ayn̈ec, yujto a tzca'c 'och yipc qui c'ojol.

Mt 11:28

Tzann̈j ex 'icha to tz'el eyip e munlji, yet' ex 'icha to caw 'al eyaj yuj eyicatz, cotn̈ec 'ayin, 'oj ex wac 'iljoc.

Is 4:6

A jun tzo'n̈ chi tz'och yen̈loc eb' 'a c'ual, tzcolx pax eb' yuj 'a 'ic'n̈ab'.

Nm 35:5

A smasnil lum lum cha, 900 metro tz'ajcn 'a junjn spac'b'il. Lajn tz'aj yechl 'a schan̈paq'uil, 'a norte, 'a sur, 'a 'aj tzq'uel c'u yet' 'a 'aj tz'em c'u. Ax 'a spacl snan̈l lu'um, ata tzcan junjn chon̈b' cha.

Ex 21:13

Palta toto man̈ sc'anc sc'ojl tzmilwj cha, lemb'il to stiempoal xo scham pax junc 'anma cha. Toto 'ixta', an Dios in tic, an 'oj wala', 'ajtil 'oj 'at sc'ub'c 'el sb'a junc tzmilwj cha.