Nm 35:12 - Chuj San Sebastian Bible

¹² Ata tzcol sb'a junc 'anma cha. Wach'xam tzsayx 'ec' yuj junc 'ayt yuj sb'a yet' jun tzcham cha, matz tac' scomn chami, toto mantzac b'eyc'ojlax yuj eb' yajl yaj 'a scal eb' chon̈b' cha.

Chuj San Mateo Bible

¹² Ata' scol sb'a jun chi', vach'chom sayjiec' yuj junoc mach ayto yuj sb'a yed' jun ix cham chi', max yal-laj schami, tato maxto c'anb'aj d'ay yuj eb' yajal yaj d'a chon̈ab' chi'.

Nm 35:12 Referans Kwoze

Dt 19:6

Toto a junc chon̈b' cha, najt s'at sb'eal, 'ay pax junc mach yican to sb'a yet' junc tzcham cha, tznib'j tzyac' spac jun yican cha, tz'at 'a spatquil jun tz'och smul cha, 'ay smay tzyamchj yu'uj, tzmiln chamoc, palta man̈ smojc jun chi schami, yujto 'a yic yalan̈, may yowl eb'.

Josué 20:9

Atn jun tzo'n̈ chon̈b' tic si'cn 'el eb', sec ata tzcol sb'a eb' israel mto eb' chuc chon̈b'al cajn 'a scal eb'. Toto 'ay mach tzmiln junc yit 'anma'il, to man̈ sc'anc sc'ojl tzmilwji, tztac' scoln sb'a 'a junc eb' chon̈b' cha. Palta yowlal tzb'eyc'ojlax yuj eb' chon̈b' cha. Toto man̈ sc'anc sc'ojl tzmilwji, matz tac' smilx yuj junc yican jun tzcham cha.

A Ch'an̈ Schab'l Libro Samuel 14:7

Ax ticnec, smasnil eb' wican tz'och eb' 'ajc'ojlal 'ayin, tznib'n eb' to tzwac' win xmiln yu'tac chi 'a yol sc'ab' eb', ax eb' tzmiln win yuj schamlil win yu'tac cha. 'Ixta tznib'j eb', sec tzsat 'ejm win 'ay yaln yic yi'n can smacl smam cha. 'Ixta tznib'j eb' tzin 'ajcni, man̈x 'a yin̈tl win tzcani, sec tzsat 'ejm yalx win wichmil chi 'a sat lum tic, xchi 'ix.

Nm 35:19

A junc 'ayt yuj sb'a yet' junc 'anma tzcham cha, a tztac' ya'n spac jun tzcham cha, yaln̈ej 'aj tzchaj sb'a yet' jun milm cham 'anma cha.

Nm 35:13

A 'a scal smasnil chon̈b' cha, waque chon̈b' chi 'aj wach' scoln sb'a eb' 'anma cha:

Dt 19:4

A jun tzmilwj cha, tztac' s'at 'eloc, yic tz'at scolnc sb'a ta', sec matz chami, toto man̈ sc'anc sc'ojl tzmilwji, toto may pax xon yowl yet' jun tzmil cha.

Josué 20:2

—C'umj a b'a yet' eb' et israelal, tzaln 'a eb', to tzsi'l eb' jun tzo'n̈ chon̈b' 'aj wach' scoln sb'a, 'icha wutjnac waln 'a Moisés.