Nm 34:6 - Chuj San Sebastian Bible

⁶ A smon̈jonal 'a stojlal 'aj tz'em c'u, atnn̈ej sti a Mar Mediterráneo.

Chuj San Mateo Bible

⁶ A smojonal d'a stojolal b'aj sb'at c'u, aton a' mar Mediterráneo chi'.

Nm 34:6 Referans Kwoze

Ez 47:20

An̈jtona pax smon̈jonal 'a stojlal 'aj tz'em c'u, tz'atn̈j 'a sti a Mar Mediterráneo, a 'ay 'a smon̈jonal Egipto masnto 'a stojlal 'aj tz'el yich smon̈jonal lum chon̈b' Hamat.

Ez 47:15

A smon̈jonal 'a stojlal norte, atn tic: Tzcot lum 'a sti a Mar Mediterráneo, tz'ec' lum 'a chon̈b' Hetlón, 'a chon̈b' Zedad,

Ez 47:10

Til wal eb' yamn chay 'oj jawc 'a sti a mar 'a En-gadi masnto 'oj c'och eb' 'a En-eglaim, ax laj ya'nc eb' tacjoc schim 'a sti a cha. Til wal 'oj 'aj no chay 'a yojl a', 'icha e no 'ay 'a yojl a Mar Mediterráneo.

Josué 23:4

An xin pojcn 'ec' smasnil lum lum tic 'a scal junjn 'in̈tal. Man̈ cojnoc lum tox xquijec 'ec' tic xin pojcn 'ec' 'ayex, palta yet' jun tzo'n̈ xo lum tot 'oj eyi'q'ui, tz'atn̈j lum 'a a Jordán, masnto tzc'och lum 'a a Mar Mediterráneo 'a stojlal 'aj tz'em c'u.

Josué 15:12

A a Mar Mediterráneo cha, a 'aych smon̈jonalc lum 'a stojlal 'aj tz'em c'u. Atn jun tzo'n̈ tic x'och smon̈jonalc smacl lum eb' yin̈tl Judá, 'ix pojx 'ec' lum 'a scal junjn c'aj eb'.

Josué 9:1

'Ix yab' sb'a eb' rey tas 'ix laj uj 'a sla'nil cha, atn eb' rey cajn 'a sc'axpil 'ec' sti a Jordán 'a stojlal 'aj tz'em c'u, eb' cajn 'a lum jolmctac witz, eb' cajn 'a lum ya'lical sti a Jordán yet' eb' cajn 'a lum c'a'lum 'ay 'a sti a Mar Mediterráneo, masnto tzc'och 'a yol yic Líbano. A eb' rey cha, atn eb' sreyl eb' hitita, eb' amorreo, eb' cananeo, eb' ferezeo, eb' heveo yet' eb' jebuseo.

Josué 1:4

Tzcot lum e lum chi 'a lum cusltac lu'um 'a stojlal sur, masnto 'a lum Líbano 'a stojlal norte. Tzc'och lum 'a sti a niwn a Eufrates 'a stojlal 'aj tzq'uel c'u, yet' pax smasnil lum yic eb' hitita, masnto tzc'och lum 'a sti a niwquil Mar Mediterráneo, 'a stojlal 'aj tz'em c'u.

Nm 34:5

Tz'atx 'a Asmón cha, masnto tzc'och 'a a b'eymal a yic Egipto, axta tzlajw c'och 'a sti a Mar Mediterráneo.

Nm 34:7

Smon̈jonal 'a stojlal norte, tz'eln̈j yich 'a sti a Mar Mediterráneo masnto tzc'och 'a sjolm lum witz tzcuch Hor.

Dt 34:2

yet' lum yic Neftalí, Efraín, yet' Manasés, smasnil lum yic Judá, masnto tzc'och lum 'a a mar Mediterráneo.

Josué 15:11

masnto 'a stojlal norte yic Ecrón. Tz'atxi, masnto tzc'och 'a Sicrón, tz'e'x 'a lum witz yic Baala, tz'e'x 'a Jabneel, axta tzlajw c'och lum 'a a Mar Mediterráneo.