Nm 34:17 - Chuj San Sebastian Bible

¹⁷ A eb' 'oj pojnoc 'ec' lum lum chi 'a scal eb' et israelal, atn Eleazar ya'mal 'och sti eb' 'anma 'ayin, yet' Josué win yunnal Nun.

Chuj San Mateo Bible

¹⁷ A eb' ol pojanec' lum luum chi' d'a e cal, aton vin̈ sacerdote Eleazar yed' vin̈aj Josué yuninal vin̈aj Nun.

Nm 34:17 Referans Kwoze

Josué 14:1

A nan̈l slajn̈c'ajil eb' yin̈tl Israel mantzac schaj slu'um, 'ix schaj eb' slum chi 'a lum Canaán, lum xpojx can 'ec' yuj win Eleazar ya'mal 'och sti eb' 'anma 'a Dios, yet' Josué yunnal Nun, yet' eb' yajl yaj 'a junjn c'aj eb' yin̈tl Israel. Ton̈j xya'ch eb' suerte 'a yib'n̈ lu'um yic xpojx 'ec' can lum 'a eb', 'icha wal yaj yaln can Jehová 'a Moisés.

Josué 19:51

Smasnil jun tzo'n̈ lum tic, 'ix pojx 'ec' 'a eb' israel yuj Eleazar, yuj Josué yet' yuj ewin syajlil eb' chon̈ab'. A yic spojn 'ec' eb' lu'um, ton̈j xya'ch ewin suerte 'a yib'n̈ lum 'a yojltac Jehová, 'a yamq'uil Mantiado 'aj tzqui chaj qui b'a yet' Dios 'a chon̈b' Silo. 'Ixta x'aj spojx can 'ec' lum lum cha. Caw tz'acn x'e'ch lum 'a eb'.

Nm 13:16

Atn sb'i eb' winc tic 'ix schecb't Moisés yic tz'at yilnc eb' lum Canaán. A win Oseas yunnal Nun, 'ix sjel Moisés sb'i winac, Josué xyac' sb'i'oc.

Nm 34:16

'Ix yaln pax Jehová 'ixtc 'a Moisés:

Nm 34:18

Palta yowlal tzeyawtj cot junjnoc eb' yajl yaj 'a scal junjn 'in̈tal eb' chon̈b' cha, yic tzpoj lu'um.

Dt 1:38

A Josué win yunnal Nun, win a checab', a win 'oj 'ochx can a jeloc, yic tzyi'n b'ey jun chon̈b'al eb' 'anma tic. 'A'cn snab'enoc, yujto a 'oj 'a'noc 'och eb' et chon̈b' 'a sat lum lum cha.

Nm 13:1

'Ix yaln Jehová 'a Moisés 'ixtic:

Nm 13:3

'Icha wal xyutj Jehová yalni, 'ixta xyutj Moisés schecn 'at eb' winc cha, yic 'ayc' eb' 'a lum cusltac lum yic Parán. A eb' winc cha, 'ayn̈j yopiso eb' 'a scal eb' yit israelal cha.