Nm 34:14 - Chuj San Sebastian Bible

^14-15 Yujto a nan̈l yoxl 'in̈tal eb', tox 'ix schaj eb' smacul, atn eb' yin̈tl Rubén, Gad yet' spacl eb' yic Manasés, atn lum xcan 'a sc'axpil 'e't sti a Jordán, 'a stojlal 'aj tzq'uel c'u, lum tzcan 'a yojltac Jericó, xchi Moisés.

Chuj San Mateo Bible

^14-15 aton eb' yin̈tilal Rubén yed' eb' yic Gad yed' nan̈alxo eb' yic Manasés. Toxo ix scha lum yic eb', aton lum ay d'a stojolal b'aj sjavi c'u d'a a' Jordán d'a yichan̈ Jericó, xchi vin̈aj Moisés chi'.

Nm 34:14 Referans Kwoze

Nm 32:33

'Ixtnta xyutj Moisés ya'n can lum lum chi 'a eb' yin̈tl Gad, 'a eb' yin̈tl Rubén yet' 'a spacl eb' yin̈tl Manasés win yunnal can José. 'Ix can eb' 'a lum lum xyijcan 'ec' eb' 'a win Sehón sreyl eb' amorreo, yet' lum yic can win Og sreyl Basán yet' smasnil lum chon̈b' macb'il yu'uj, yet' pax smasnil lum lum oyn 'och 'a jun tzo'n̈ chon̈b' cha.

Nm 32:23

Palta toto matz 'el'ch tas wan eyaln tic, eyojc xon wal b'i'an, to tz'och e mul 'a yojltac Jehová, 'ay jun c'ual, ax ya'n eyailal yuj e mul cha.

Dt 4:38

'Ix yij 'el jun tzo'n̈ nacion̈ 'a cojltaquec, jun tzo'n̈ caw 'ec'b'al to sjelnal 'a quib'n̈ec. Palta an̈ xo tzqui maccn slum eb' tic quico'oc, 'icha ton wan yuj tic.

Dt 33:21

A eb' yin̈tl Gad, 'ix can eb' 'a lum lum caw wach' sat. A jun lum cha, smoj wal to a eb' capitan̈ 'aj x'ajx lu'um. A yic syamn sb'a eb' yichm wincal chon̈b' Israel, ax eb' yin̈tl Gad, a eb' xya'ch sb'a sjucb'tzan eb' chon̈ab', syiclni eb' smasnil tas 'ix yal Jehová yuj eb' schon̈ab', xchi.