Nm 34:12 - Chuj San Sebastian Bible

¹² tz'atxn̈ej 'a sti a Jordán, masnto tzlajw c'och 'a sti a Mar Muerto. A smasnil jun tzo'n̈ mon̈jon cha, a tz'ochcn smon̈jonoc e lum cha, xa chi 'a eb', xchi Dios 'a Moisés.

Chuj San Mateo Bible

¹² sb'atn̈ej d'a a' Jordán masanto sc'och d'a a' mar Muerto. A masanil juntzan̈ chi', aton smojonal lum e luum chi', xchi Jehová, xa chi d'a eb', xchi d'a vin̈.

Nm 34:12 Referans Kwoze

Nm 34:3

A smon̈jonal 'a stojlal sur, ata tz'ec' 'a lum cusltac lum yic Zin, 'a sti smon̈jonal lum Edom. Tzchaj 'el yich 'a stojlal 'aj tzq'uel c'u, masnto tzc'och 'a stojlal sur yic 'a Mar Muerto.

Gn 14:3

A own̈ eb' rey tic, 'ix smol alj eb', xya'n eb' syam sb'a eb' soldado 'a span̈nil lum Sidim, 'a 'aj 'ay a Mar Muerto.

Gn 13:10

'Ix 'at q'ueln Lot 'a jun niwquil span̈nil sti a Jordán masnto tzc'och 'a jun yune chon̈b' Zoar sb'i. Caw 'ay a a 'a jun niwquil pan̈n 'a'lic cha, lajn yilx 'icha Edén 'aj 'ay te 'awb'ente yic Jehová, mto 'icha yilx lum Egipto, 'ixta yilx xyil Lot. A yic 'ix sb'on win Abram strato yet' Lot cha, mantzac satl Sodoma yet' Gomorra yuj Jehová.

Nm 34:11

Tz'atx 'a Sefam masnto tzc'och 'a Ribla, 'a stojlal 'aj tzq'uel c'u 'a Aín. Tzlajw cha, tz'emx jun mon̈jon chi 'a stojlal 'aj tzq'uel c'u 'a spac'b'il a niwquil pama tzcuch Cineret,

Nm 34:13

Yuj cha, 'ix yaln Moisés jun tzo'n̈ checnb'il tic 'ixtc 'a eb' israel: A jun lum cha, to 'oj e mol pojc 'ec' 'a e cal, a tzyal e suerte junjn c'aj ex, atn jun lum chi xyal Jehová to tzpojx 'ec' 'a snan̈l slajn̈il to 'in̈tal eb' quit israelal to mant 'a slu'um.

Ex 23:31

Tox 'ix wac' 'ejm smon̈jonal 'ajtil 'oj 'ec' lum e lum cha: tz'el yich lum 'a a Chac Mar, masnto tzc'och lum 'a a Éufrates, tz'ec' pax lum 'a a Mar Mediterráneo 'a 'aj 'ayc' eb' filisteo, masnto tzc'och lum 'a cusltac lu'um. 'Oj wa'ch eb' cajn 'a jun lugar chi 'a yol e c'ab', ax xo 'oj e pechl eb' 'a sat lum lum cha.

Josué 13:1

A yic caw 'ichm winc xo Josué, 'ix yaln Jehová 'a 'ixtic: Ach tic, caw 'ichm winc 'ach xo, palta caw niwn to lum lum mantzac eyij can 'eq'ui.

Josué 15:5

Ax 'a stojlal 'aj tzq'uel c'u, a a Mar Muerto 'aych smon̈jonaloc, masnto tzc'och 'a 'aj tzlajw c'och a Jordán 'a a Mar Muerto cha. Ata tz'atx can smon̈jonal 'a yic norte,

Ez 47:13

'Ix yaln Jehová 'ayn 'ixtic: Atn 'a tic 'oj c'och smon̈jonal smacl lum eb' yin̈tl Israel 'oj smacloc, atn lum wa'jnac in ti wa'n 'a eb' e mam eyichm pecti'. Lajnn̈ej tzeyutj e pojn 'ec' lum 'a junjn 'in̈tal. (A eb' yin̈tl José, chac'aj lum yic eb' chi 'oj 'ajxoc.) A jun nacion̈ tic, e macl lum yaji.