Nm 33:54 - Chuj San Sebastian Bible

⁵⁴ Palta yowlal suerteal 'oj eyutc e pojn 'ec' lum 'a junjn macn̈il, a tzyal jantc e b'ey 'a junjn 'in̈tal. A eb' niwn sb'isul, niwquil slum eb' chi tz'ajxi. A pax eb' to jaywn̈ej sb'eyi, jab' wal slum eb' tz'ajxi. Junjn 'in̈tal, 'oj scha smacl 'a 'aj suerte scani.

Chuj San Mateo Bible

⁵⁴ Palta yovalil d'a suerteal tz'aj e pojanec' luum, d'a scal junjun macan̈, jun yic junjun in̈tilal. A junoc macan̈ nivan sb'isul, nivan luum tz'ac'ji d'ay. Axo pax junoc quenn̈ej sb'isul, quenn̈ej pax luum tz'ac'ji d'ay. Junjun macan̈ scan b'aj syal suerte.

Nm 33:54 Referans Kwoze

Josué 18:11

A lum xb'ab'l 'och suerte 'a yib'an̈, atn lum xyijcan jayc'aj eb' yin̈tl Benjamín. A lum xyij eb' cha, ata xcan lum 'a snan̈l lum yic eb' yin̈tl Judá, yet' eb' yin̈tl José.

Nm 35:8

A 'a smacl lum eb' yit israelal eb' cha, ata tz'elt jun tzo'n̈ chon̈b' chi tz'ajx 'a eb' levita cha. Yuj cha, junjn 'in̈tal eb', 'oj yac' 'elt eb' jayjnoc chon̈b'al. A eb' niwc slu'um, niwn chon̈b' chi 'oj yac' 'elt eb', ax eb' jab' wal slu'um, jayen̈ej chon̈b' chi tzyac' eb', xchi Dios.

Josué 13:6

Ax eb' cajn 'a lum jolmctac witz 'a yol yic Líbano, masnto 'a Misrefot-maim, yet' smasnil eb' sidonio. An 'oj wi'l smasnil jun tzo'n̈ 'anma chi 'a eyojltac ax israel ex tic. Ach 'oj a po'jc lu'um, ax a'n lum yico'oc eb' et chon̈b' tic, yic tz'ochcn lum smacl lumoc eb', 'icha wal yaj waln can 'ayach.