Nm 33:52 - Chuj San Sebastian Bible

⁵² tze pechl smasnil eb' 'anma cajn 'a jun tzo'n̈ nacion̈ cha. Tze ma'n can poj smasnil yechl 'aj tzyal sb'a eb', atn eb' q'uen q'uen b'ob'il yuj eb', q'uen josb'il, yet' smasnil jun tzo'n̈ smacsej eb' 'ay 'a jolmctac witz, c'uxn tzema'cn juwoc.

Chuj San Mateo Bible

⁵² tze pechel masanil eb' anima cajan d'a juntzan̈ nación chi'. Tze mac'anpoj masanil juntzan̈ yechel b'ob'il yuj eb', b'aj syal sb'a, aton q'uen comon q'uen tzeyb'il yuj eb', ma q'uen q'ueen b'ob'il d'a yol molde. Tze mac'anpoj juntzan̈ tas ay d'a juntzan̈ lugar chaan̈ b'aj tz'och eb' ejmelal.

Nm 33:52 Referans Kwoze

Lv 26:1

'Ix yaln pax Jehová 'a Moisés 'ixtic: Man̈ e b'o jun tzo'n̈ yechl e diosaloc. Man̈ e lin̈chan̈ q'uen q'uen 'aj tzeyal e b'a 'a yol e chon̈ab'. Man̈ e jos q'uen q'uen 'aj tz'ib'x 'och yechl eb' comn dios, man̈ eyac' 'ejm e b'a 'a jun tzo'n̈ cha, yujto an Jehová in, e Diosal waji.

Ex 23:24

Man̈ e b'eylb'oc sb'eyb'al jun tzo'n̈ 'anma cha, man̈ ex 'em cumn 'a yojltac sdiosal eb'; man̈ eyal e b'a 'a 'a. A jun tas tze b'o'o, to tze mac' poj smasnil sdiosal eb' cha, yet' q'uen q'uen 'aj tzleslwi eb'.

Jueces 2:2

toto may b'a'n̈ tze b'o junc e trato yet' eb' 'anma cajn 'a jun lum tic. A eyico', to tze satl jun tzo'n̈ yet'l xajmb'al eb', xin chi 'a eb'. Palta ax tic, ma'ix eyiclj tas xwala. ¿Tas yuj tennmtac xe yutj e b'a?

Josué 23:7

Caw man̈ junc tzeyutj e b'a yet' eb' 'anma cajnto 'ec' 'a e cal ticnec. Man̈ eyac' 'emmquilal 'a sdiosal eb', man̈ eyiclc tas tzyal eb', man̈ e b'inoc pax sb'i jun tzo'n̈ comn dios cha, man̈ ex 'em cumn 'a yojltac.

Dt 33:29

Caw wach' quic ex wit israelal, ¿mach wal junc tztac' slajb'tzan sb'a quet'ec? A Jehová a tzon̈ colnec. A tzon̈ tan̈wniec, tzcolwj pax quet'ec. Quespada 'ay smay yaji, yuj cha, tzca'n ganar eb' 'ajc'ojl yajch 'ayn̈ec, ax qui te'n can 'ejm sb'an̈quinal eb', xchi Moisés 'a eb'.

Dt 31:5

A 'oj 'a'nc 'och jun tzo'n̈ nacion̈ chi 'a yol e c'ab', ax e satn 'el eb', 'icha xwutj waln 'ayex.

Josué 9:7

Ax eb' yajl yaj 'a eb' israel cha, 'ix ta'w eb' 'ixtc 'a eb' heveo cha: —Toq'ue a 'a qui la'nil tic on̈, ata cajn ex, ¿tas 'oj cutc qui comn b'on junc qui trato chi eyet' on̈? xchi eb'.

Josué 11:15

'Icha wal yaj yaln can Jehová 'a Moisés, win schecab', 'ixta wal xyutj yaln can pax Moisés 'a Josué, ax Josué c'uxn syiclj smasnil, may wal junc tas to ma'ix sb'o 'a tas alb'il cani.

A Ch'an̈ B'ab'el Libro Yic Yab'ixal Eb' Rey 11:7

A 'a sjolm jun witz 'a stojlal 'aj tzq'uel c'u 'a Jerusalén, ata 'ix sb'o Salomón jun scajnub' jun comn dios tzcuch Quemós, atn wal jun yechl scomn diosal eb' moabita, yet' jun scajnub' junx comn dios tzcuch Moloc, atn yechl scomn diosal eb' amonita. A jun tzo'n̈ dios tic, caw yajb'il 'el eb' yuj Dios.