Nm 33:4 - Chuj San Sebastian Bible

⁴ ya' sb'a wanto smucn eb' 'aj Egipto chi eb' sb'ab'l 'unnal 'ix yac' cham Jehová. 'Ix 'el pax sq'uixwel sdiosal eb' 'aj Egipto chi yuj Jehová.

Nm 33:4 Referans Kwoze

Ex 12:12

An Jehová in, an tzwala: To a wal 'a jun 'ac'wl cha, 'oj wec' 'a yol yic Egipto tic smasnil. 'Oj 'ec' in mil cham sb'ab'l 'unnal junjn 'anma 'a junjn n̈ail, yet' sb'ab'l 'une no cajb'en noc', ax wa'n lajwc 'ejm sdiosal eb' 'aj Egipto tic.

Is 19:1

Atn jun tzo'n̈ paxti tic 'ix alx can 'el 'a yib'n̈ Egipto: 'Iltec wal sjaw Jehová, wocn q'ue 'a yib'n̈ jun 'asun, caw ji'lti sb'eyi yic tz'at 'a Egipto. Caw wal tz'ib'x chan̈ jun tzo'n̈ comn dios yic Egipto yuj smay, caw tzxiw pax eb' 'aj chon̈b' chi yu'uj.

Sofonías 2:11

Caw wal 'ay smay Jehová 'a eb'. 'Oj satxoc 'el smasnil sdiosal eb' 'aj tzyal sb'a 'a yolyib'n̈q'uinl tic. 'Intax a eb' 'anma cajn 'a jun tzo'n̈ xo nacion̈ 'a sc'axpil 'ec' sti a mar, 'oj yal sb'a eb' 'a Jehová 'aj cajn eb' cha.

Ex 18:11

A ticnec, caw wal xwojquej 'eli to a Jehová, yel xo wal 'ec'b'al 'a yib'n̈ jun tzo'n̈ tzalx 'och diosal, yujto ex colx 'elt 'a yol sc'ab' eb' 'aj Egipto yu'uj, wach'xam niwquil cob' xyutj sb'a eb' 'a yojltac Jehová, xchi Jetro cha.

Salmos 105:36

'Ix smiln cham smasnil sb'ab'l 'unnal eb' 'aj Egipto cha, xcham eb' 'a junjn n̈ail.

Nm 3:13

A yic xwa'n cham smasnil eb' sb'ab'l winc 'unn eb' 'aj Egipto, 'ix in colcn 'el eb' sb'ab'l winc 'unn eb' et israelal yic tz'och eb' wico'oc. 'Ixta pax smasnil sb'ab'l 'une no scajb'en noc' eb', wic yaj no'. An Jehová in, an tzwala, xchi Dios.