Nm 33:3 - Chuj San Sebastian Bible

³ A 'a olajn̈e yoch b'ab'l 'uj yic jun ab'il cha, 'ix 'elt eb' israel 'a Ramesés 'a yewial xo yec' q'uin̈ yic yel eb' 'a libre. 'Ix 'elt eb' yet' sjelnal 'a sat eb' 'aj Egipto cha,

Chuj San Mateo Bible

^3-4 A on̈ israel on̈ tic, on̈ elta d'a Ramesés d'a yol yic Egipto d'a 15 yoch b'ab'el uj d'a yol ab'il. Aton d'a jun ac'val chi' sch'oxel Jehová to malaj yelc'och juntzan̈ sdiosal eb' aj Egipto chi', miljipaxcham masanil eb' sb'ab'el vinac unin eb' yuj Jehová chi'. Yacb'an van smucancan schamnac eb' chi', quelta d'a yichan̈ eb' smasanil. Te ayxo quip, te c'ac'xo co c'ool.

Nm 33:3 Referans Kwoze

Ex 14:8

'Ixta 'ix yutj pax Jehová ya'n pitb'oc 'el snab'en win rey, 'ix 'ochx tza'n win yuj eb' israel. Palta toc 'ay xon eb' israel chi tzxiwi yic x'elt eb' 'a Egipto.

Ex 13:4

A jun 'uj 'aj on̈ 'eltec 'a Egipto tic, Abib sb'i.

Ex 12:37

'Ix 'el eb' israel 'a Ramesés, 'ix jaw eb' 'a Sucot. 'Aym waque'oc ciente mil eb' winc smoj yoch soldadoil, matz 'och eb' 'ix yet' eb' 'unn sb'isloc.

Miqueas 2:13

An e Diosal in tic, 'oj in b'ab'lj eyu'uj, yuj in jacn e b'e, ax eyoch tza'n wu'uj. 'Oj eyelcn 'a sti 'el spuertail chon̈ab', 'ixta 'oj eyaj e colchjcan 'eli. An Jehová in, e Reyl in, an b'ab'l in eyu'uj, xchi Dios.

Is 52:12

Palta man̈toc ji'lti 'oj eyelt muc'uc, may cab' mach to 'oj sna to 'oj 'at 'eloc, yujto a Jehová qui Diosalec an̈ israel on̈c tic, a 'oj b'ab'ljoc 'ayex, ax yoch tza'n eyu'uj yic tzex stan̈wni.

Salmos 105:38

Caw wal stzalj eb' 'aj Egipto cha, yic xyiln eb' yelt eb', yujto caw 'aych eb' 'a xiwc'ojlal yuj eb'.

Ex 12:2

A jun 'uj tic, niwn cab' yel'ch 'a e sat, b'ab'l 'uj tz'ajcn 'a yol junjn ab'il.

Gn 47:11

Ax José a x'a'n lum lum chi 'a smam yet' 'a eb' yu'tac, lum caw wach' 'a yol yic Egipto cha, 'icha wal xyutj win rey yaln 'a 'a. A lum 'ay 'a sla'nil Ramesés, ata xcan cajn win Jacob yet' eb' yunnal.

Ex 1:11

Yuj cha, 'ix 'ajx 'och yilmal eb', x'ajx 'och eb' 'a munljel caw ya. 'Ix 'ajx sb'o eb' chab' niwc chon̈ab', atn Pitón yet' Ramesés. A 'a chab' chon̈b' cha, ata tzyac' win rey molxoc 'ixm trigo.

Nm 33:2

A Moisés 'ipn stz'ib'n can sb'i jun tzo'n̈ lugar 'aj xlaj b'ey cot eb' cha. Jab'jnal x'aj eb' sb'eyi, yujto 'ixta xyutj Jehová yalni, atn sb'i jun tzo'n̈ lugar tic 'aj xlaj 'ec' eb'.